انا من عام الاول مثل عام//ابراهيم المحسن

آهة قلب
انا من عام الاول مثل عامي= سواهيجن على قلبي تروده
وانا مثلي ومن هو في مقامي= حسب جهده يبي يلزم حدوده
ولكن التردد والسلامي= وضحكي وإنبساطي في وجوده
كشف مابي عليه من الهيامي= وفضح نفسن على العشق امحدوده
فضحني في غرامي هو مرامي= وعيني ماتهنت فيى رقوده
الا ياعينها عين القطامي= على جول الحباري إمهدوده
تشادي قذلته ريش النعامي= وبياضه لاج في حمرة خدوده
وخصرن هافين والردف زامي= وسبيبه تفرقه زمة انهوده
وانا في حبها زاد التزامي= ويزيد الشوق لازاد بصدوده
رماني في مفاريع المضامي= متى ياقف على حالي يعوده
عسى لو شاف مابي وانحطامي= يروف بحالن أرداها يقوده
يعاتبني ولا يسمع كلامي= وياعدني ولا يافي وعوده