سلام الله على دار الرشيد ومن ينوح بها ( فهدالمفرج )

سلام الله سلام العــــز والامجـــــاد والهيــــــــبــــه = عدد مالاحت بـــــروق الحـــيـــا وارهــت سحايبها
سلام ٍ ماقــــــــــري مثــله ولااصفى من مشاريبه = تسوق عــــــطــــــــوره الاريـــــاح لاهبت هبايبها
هلا يامـــرحــــبــــــا يااميــــرنا مليــــــون ترحيبه = تراحيب الرجــــــال اللي عريــــبـــــات ٍ مناسبها
تراحيـــب الرجـــال اللي تــــــــــرد العــلم وتجيبه = نرحب بالضيوف اللي رفيـــــــعـــــــات ٍ مناصبها
نرحـــب بالاميـــــــر وبالوزيـــــــر ايضاً نهلي به = لهم منــــــــا تراحيـــــــــب ٍ تشـــعشع في كواكبها
وهلا حييت ياخـــالد طـــــــــــريق الحـق تمشي به = امير ٍ عندنا غـــــــالي وفزعـــاته نحــســـــــب بها
انا من منبر المحـــفــــــــل ارحــب بـــه واحيي به = نيابه عن رجـــــــال تميـــــــــر حاضرها وغايبها
حـــفـــلنا واحتفلنا والوطن هــــــــــذا نمــــاري به = وطن عبــــدالعــــــــزيــــز موثق العروه وقاضبها
وطن مكه وبيت الله ومسجد من عـــــمــــــر طيبه = وطن قبر الرســــــــــــول معلـــــــم الامه مذاهبها
وطـــــنا قــبـــلة المسلم اليــــــا وجّـــــــه محاريبه = مساجد كل خـــــــــلق الله تيــــمــــــــم له محاربها
وطـــنا ياوطــــــــنا يامــــــقـــر الخــــير والطيبه = وطنا يامــــــهـــــابة مشـــــرق الدنيــــــا ومغربها
وطن موطـــــــــــن آل سعــــــود حامين ٍ جوانيبه = رجــــــال العــــــز والله اللي عزها من عز جانبها
معازيبي ولاينــــــــــلام من يـــمــــدح معـــازيبه = ملوك الدار حكام الجــــــــزيـــــــــــره عز طالبها
ذرى الشعب الســــــعــــودي مكملين ٍ له مطاليبـه = من الســــــاحل الى الســـــاحل موفّــــيـن ٍ مطالبها
وحنا شعبهم شــــعــــب الوفــــــــــا ماعنه تجنيبـه = نخـــــــوض الحــــــــرب والهيجا ليا شبت لهايبها
يفــــز طــــويــق وجـــبـــاله ليا منـــه عوى ذيبـه = تحاما لـــه ذيـــــــاب ٍ في ذرى سلمى تجــــــاوبها
تـــــــــرانـــا دون مــــــوطنــــا ليا شبت لواهيبـه = طويلين الشـــوارب لاغـــــــــــزوا ننتف شواربها
فلا كن علم اللي ناوي ٍ هدمــــــه وتــــــخـــريبــه = مشاريعه والاعيــــــــــــــــــبه على راسه نخربها
اجل هو مادرى انّـا كاشــــــفـــين ٍ كل الاعــيـبــه = يحسب بـــــلاد اخــــــــــــو نوره على كيفه يقلبها
لاوالله لعـــــــنـــة تلعـــــن ثـــواه الين تهوي بــه = على نــــــــار ٍ حيــــــايـــاها تهــاوش مع عقاربها
وعلى بوش وعلى بلير وعلى شارون وصحيبــه = عليهم لعنــــــــة الله لعنـــــــــــــة ٍ تلعــــن زلايبها
يهود ٍ مايبون الا فــــــــنــــــــــا المسلم وتعذيبــه = ملاعيـــــــــــــــــن ٍ تبــــــي تأديب لكن من يأدبها
سلام الله على بـــــغـــــداد والموصل واشاعيبــه = عسى مزن الحيا لاهلت امطـــــــــــــــاره تهل بها
سلام الله على البصره واهل تـــكريت واللي بــه = سلام الله على دار الرشيــــــــــــــد ومن ينوح بها
سلام الله على الكوفه سلام ٍ فايح ٍ طيبه=سلام الله على قبر الامام اللي يحل بها
عسى الله ينصر الاسلام ويعزز مناديبه=وعسى الله يحفظ الامه من شرور ٍ تحيط بها