::|[ ديوان مرثيات الملك فهد بن عبد العزيز آل سعود رحمه الله ]|::

سبحان من يقضي قضاه بدبرته وأمره مطـاع = رب ٍ يسيّرهـا ويعلـم نقصهـا مـن زودهـا
اللي تحت عرشه بسط ما سنّ والدنيـا متـاع = وجادت مقاديره علـى خلقـه ومـدّت جودهـا
نلوذ به من سطوته بيـن الوصـل والإنقطـاع = ونخاف مـن يـومٍ تعـاف الوالـده مولودهـا
أمدّ شوفـي وأركـب البابـور وأفـلّ الشـراع = يشيلني عظمـي ورجلـي مـا تـزّل حدودهـا
القاف ضغطه مرتفع والشعر في راسه صـداع = وشلون أغنيّ والقصيـده فاقـده مقصودهـا !
لاعاد علمك يا المذيع اللي معـك علـم ٍ مـذاع = قامت وكالات الفضاء يمـك تصـفّ حشودهـا
خرّت لك عيون عزاز وضاقت صدور ٍ وسـاع = وباحت لك نفوس ٍ كـرام ولا تبيـح سدودهـا
الصدر ولّع من لهيب الحادثـه والقلـب مـاع = والأرض صايبها بـلا عيّـت تذعـذع نودهـا
هذا الخبر موجع وكل الناس في شتـى البقـاع = دبّ الوجع فـي روسهـا وقلوبهـا وكبودهـا
دايم وداع الموت مثل المـوت مـا مثلـه وداع = ماعاد باقي جارحـه ماقـام ينفـض عودهـا
أشدّ عزمي وأبتدع صبري مع الخلـق إبتـداع = وحجّة عيوني ما تجامـل والدمـوع شهودهـا
مرّت ثلاث ليـال أحايلهـا بقـدر المستطـاع = وأردّها وأسمع ورى عـوج الضلـوع ردودهـا
الموت غيّـب قايـد القـادات حـلاّل النـزاع = كـم معضلـه طفّـا فتايلهـا وحـلّ عقودهـا
سمح المحيّا راعي الكف الندي خطـل الـذراع = بحر الكرم نفسـه لوجـه الله بـذل مجهودهـا
رجل السياسه خادم البيتيـن ومغيـث الجيـاع = أبو الزعامـه حاكـم الوقفـات يـوم يرودهـا
بياض وجهه مثل نور الصبح ما فوقـه قنـاع = حتى ظهر فرقه على بيض الوجيـه وسودهـا
قلبه على لم الشمل وإليا حضـر فـالإجتمـاع = صلّح بيان القمـه اللـي خاربـات بنودهـا ؟
نهض بعز المملكه ومن إرتفـاع إليـا إرتفـاع = من ربـع قـرن يسوقهـا للعاليـه ويقودهـا
له سيرة ٍ ماهـي بضاعـه تنشـرا وألاّ تبـاع = ولا شرتها اللي علـى الخيبـه تعـدّ نقودهـا
والله يا لولا الله .. ثم لولا الشجاع ابن الشجاع = لتروح دولـه كاملـه مـا يعتـرف بوجودهـا
وشلون ننسى اللي رهن عمره على خط الدفاع = وخـلاّ الكتايـب تتبعـه ضباطهـا وجنودهـا
يوم السباع موايقه وايق علـى روس السبـاع = وقّـدم يمينـه للرهينـه ليـن فـكّ قيـودهـا
ماعاش مثله قايـد ٍ يقـدر يـرد المـدّ صـاع = من المحيط إليا الخليج إليـا اليمـن وزيودهـا
مثواه في جنة عدن من قلب صـادق وإقتنـاع = تدعي بها اللي خاشعـه بركوعهـا وسجودهـا
وعسى البقا في راس ابو متعب وحكم الله مطاع = وأخوانـه اللـي يخلفونـه قدّهـا وقـدودهـا
يارب تضفي رحمتك على الشجاع ابن الشجـاع = وتجبر عـزا شعـب السعوديّـه وآل سعودهـا

لا والله الديوان جاب الخبـر شيـن = والقلب من عقب الخبر وا صوابـه
مات المليك اللي على العسر والليـن = وما قدر المولى على العبـد جابـه
ثار الخبر فالجوف مثـل البراكيـن = بالحزن والمحـزون زاد اضطرابـه
وفاضت دموع العين من محجر العين = علـى فقيـدٍ راح واقفـت ركـابـه
يمناه فـي كـل المكـارم عناويـن = وفكره كسـب ذروة سنـام اللبابـه
حكـم بشـرع الله واخـذ القوانيـن = من منهج الديـن الحنيـف وكتابـه
ريف العرب وان قلت ريف المساكين = كـمٍ سـؤالٍ فيـه نلقـى جـوابـه
ولافيه فعلٍ صـدق مالـه براهيـن = ولابـه مجـالٍ لحجـج والغـرابـه
يكفيه حكمه فـي بـلاد السلاطيـن = وعلـمٍ يقـل يـدل عـده ذرابــه
يالله عسـاه لجنـة الخلـد واميـن = واللحقه مع درب النبي والصحابـه
انا طلبتـك وانـت تكـرم كريميـن = وضيفٍ كريمٍ جاك مـا صـك بابـه
برحمتك يامنـزل تبـارك وياسيـن = يامالـك يـوم الحسـاب وحسابـه
انزله فـي جنتـك يامالـك الديـن = في جنة الفـردوس نرجـي ثوابـه

الله يبيح العاهل اللـي مـد للعليـا يديـه = العاهل اللي عنك يا دنيا الفنا شـد ورحـل
شد وذرف دمع المفارق شعبه اللي يحتسيه = للكايدات اللي نذير شرورهـا حـل ونـزل
اقفت به الأقدار عن دار ٍ عبايرهـا عليـه = تبكي زعيم ٍ بالمواقف يرتكـي كنـه جبـل
مرحوم يا هامة ملوك العُرْب يالكف النزيـه = والله يعوْض الدار باللي حل من عقبك بـدل
يالله عساك بجنة اللي كـل أبونـا نتقيـه = رب ٍ كريم ٍ يستجيب لمن دعاه ومن سـأل
الواحد المعبود نسجد له خضوع ونرتجيـه = يغفر لأبو فيصل ذنوب القول وذنوب العمل
يا رب عنَّا جاز أبو فيصل بعفـو ٍ يكتسيـه = ونقِّه من أوزار الخطايا وانته أعدل من عدل
يا رب هذا خادم البيـت العتيـق ومعتنيـه = عبدك وابن عبدك ومن جودك على بيتك بذل
يا رب حرِّم شيبته عن حر نـار ٍ تصطليـه = وادخله واسع رحمتك وانته ولا غيرك أمـل
ويالله عسى قبره من الرحمة لنو ٍ يغتشيـه = وينبت على قبره من الرحمات قيصوم ونفل

يالله تجبر عزا الأسلام والمسلميـن = والشعب والملك والدولـه وحكامهـا
تجبر عزا المملكه في خادم الحرمين = الدوله اللي يمنها صـاح ياشامهـا
وتنوح غربية الدوله بحزن وونيـن = وينوح فالشرق ساحلهـا ودمامهـا
كل العرب والدول بعد النبأ الحزيـن = تقفـل قنواتهـا وتنكـس اعلامهـا
مات الفهد مات عز العرب والمؤمنين = اللي تعلـق عليـه الأمـه احلامهـا
امن بلاده وطورها طـوال السنيـن = عقدين وايامها تشرح عن اعوامهـا
يحكم بشرع الكتاب وسنة المرسلين = شريعةٍ ترفض الدستـور باحكامهـا
يشهدله الشعب والأسلام والمسجدين = والكعبـه اللـي يزينهـا بهندامهـا
بذل حياته لوجـه الله دنيـا وديـن = كم ليلـةٍ نامهـا شعبـة ولا نامهـا
في حكمه البر والتقوى وبيض اليدين = عنه التواريخ عجزت تكتب اقلامهـا
افضل قيادي سياسي والدول شاهدين = كل السياسه بفكره حطـم ارقامهـا
مات الملك مات لاكن اغلب الميتيـن = أحياء في جنة الفـردوس وانعامهـا
عساه في عالي الجنه من الخالديـن = يالله ياقابل صلاة الناس وصيامهـا
وتعز اخوه المليك وخادم الحرميـن = ويعزها من جديد ويجبـر حطامهـا
ارض الحضارات منزال النبي الأمين = عبد الله اليـوم حاكمهـا ومقدامهـا

رحمـه علـى روح السعوديـه وقلبـك يافهـد = لف الحزن دارك ياابـن عبدالعزيـز آآل السعـود
الموت يختـارك ! وفـزّت مـن مصيبتنـا بلـد = ضاقت شوارعنا .. بكت .. من الحدود الى الحدود
نفس الوجع .. نفس الشهر .. تاريخ أسوَد ماركد = ذيك السنه غزوْ الكويت وهذي بموتـك تعـود !
ياخـادم البيتيـن موتـك ماتـرك فينـا احــد = صبح الفجيعه ينطفي ويسود في عيـن الوجـود
اللي حكى عن سيرتك واللي انقهر واللـي شهـد = واللي حبس حزنه ودمعه طاح من فوق الخـدود
لو بوصف التاريخ واكتب فـي تفاصيلـك وأعـد = ماتوفي حروف القوافي .. لا حسبناهـا تـزود!
ياحافظ القرآآآن عـن كـف الأعـادي والحسـد = ياحامي الأسلام من طيـش المنافـق والحقـود
عز الشريعه فـي يديـن الارض وعيـون البلـد = واطهر بلادك فـي ذرا حكـم الجزيـره للأسـود
ياخادم ( البيت الحـرم ) اسلامنـا واحـد احـد = نمضي على عهد النبي .. والحكم بيدين السعـود
المـوت ماخـلاّ عزيـز ولا كـريـم ولاسـنـد = هذي هي الدنيا صفت لجـل الفقيـر و للحسـود
لوغبـت عنّـا مارحـل طيبـك ولاعـزّك ابـد = منبع اصالتنا ربا باحضـان ارضـك و الجـدود
رحمه على قلب السعوديـه وروووحـك يافهـد = عم الحزن دارك ياابـن عبدالعزيـز آآل السعـود

أجبر الله عزا الشعب السعودي فابوه = واجبر الله عزا التاريـخ والامتيـن
غيمةٍ وبلها مدامـع اللـي بكـوه = والبكا رعدها من هولها له دنيـن
لو للموت منذر كان شعبـه فـدوه = مير ذي حكمة الله والملا مرتضين
صب فنجال حبه للوطن واستقـوه = واغتذا حبهم حـب الابـو للبنيـن
أمةٍ في رجل وليا بغـوه وجـدوه = ما تهزه زوابع الدهـر والسنيـن
قادهم فهدهم للمجد ليـن اعتلـوه = جنب ليّن لهم والجنب الاخر متيـن
من يلوم الشعوب المسلمة لا نعوه = غايته نصرة الاسلام والمسلميـن
رفرف براية الاسلام مير افقـدوه = والعوض راس عزٍ حاز دنيا ودين
واصل السير للعليا وهـم بايعـوه = وقدم عينه بكا الاقصى مع الرافدين
يعضده للعلا ولي عهـده واخـوه = منبع المرجلة حاتم على كل حيـن
الوطن عاضه المولى ببو بعد ابوه = واجبر الله عزانا في طويل اليميـن

الله يرحم من حمـى رايـه الديـن = من ظن فيه الخير ماخـاب ظنـه
جانا خبر موته ضحى يوم الأثنيـن = يالله عسـى مثـواة بـردا وجنـه
وحنا نعزي فيـه كـل المسلميـن = في انحاء جميع الكون والموت سنه
ياخادم البيتيـن عـون المساكيـن = ريف الضعيف اليا الليالـي وطنـه
انا اشهد انه شيخ كـل السلاطيـن = ليـت الليالـي بغيبهـن خبـرنـه
قاد المسيرة له ثلاثـه وعشريـن = مافيه زود ونقص فـي حسابهنـه
ولايحصي فعوله قصيد ودواويـن = ولـو يكتـب التاريـخ ماينصفنـه
وعندي على ماقول كـل البراهيـن = وكل الـدول فـي حبنـا يحسدنـه
هذا كلام الصدق والنـاس داريـن = وايضا السنين اللي مضت يذكرنـه
وحنا على درب الفهد دوم ماشيـن = ماختـاره الرحمـن مافيـه منـه
وصلواعدد مافالسمـاء نـوٍ يبيـن = علـى نبيـا بعـد الكفـر عـنـه

انا اشهد انك كسبت وصدت رجـال = يالموت واخترت من يحزن رحيلـه
فجعتنـا فيـه والله يجبـر الحـال = واحـد ويسـوى ثلاثميـة قبيـلـة
عليه اعزى وطن واعـزى اجيـال = واعـزى بيـوت ربـى والفضيلـة
واعزى اعمال خير وخير الاعمـال = عقبه نقص كيلها مـن راح كيلـه
ومنبر رسـول الله ومـآذن بـلال = تبكيه فـى كـل يـوم وكـل ليلـة
والقدس دمعه على فرقـاه همّـال = والجـود يبكيـه ودروب النفيـلـه
والطيب من كل لون وكل الاشكـال = عميل يبكـى علـى فرقـا عميلـه
والطيبين إلتهوا عـن راحـة البـال = واستبدلـوا راحـة البـال بمليلـة
والبدو بين ارتحـال وبيـن منـزال = ما همهم عقبـه السيـل ومسيلـه
لو صارت الارض زولية وسربـال = صدورهم ممحله عشـب وخميلـه
واهل البحر مالهم فالبحـر مدهـال = من مات در الكـرم ماتنتمـى لـه
خلّوا سوارى خشبهم يضرب الجـال = طووا شـراع الخشـب واعزتيلـه
واهل القرى والسواقى واخضر المال = حصادهـم قـل لـو زاد بنخيـلـه
واهل القنص في القنص ماعاد تختال = وسهيل حسّابتـه مـا تعتنـي لـه
والتاجر اللى كنـز دينـار وريـال = موت الفهد قلّـل ارصدتـه وحيلـه
عـزالله انـه رحـل عنّـا ولا زال = فقلوبنا ويـن ماراحـت تجـي لـه
عسى على قبـره الهمّـال همّـال = رحمـه ولا فـتّـر الله فهميـلـه

الرياض اليوم = تَغشَاها سحابـه
نسمع الأخبار = لو فيها غرابـه
قلت انا ويا الجزيره = في طلابـه
الخبر فيها خطـا = والا إصابـه
ما عرفنا الحق = ما فيها رقابـه
قالوا الدرب الذي = كـلٍ مشابـه
صحت أنا والكل = منـا واعذابـه
قمت أدور للصبر = ضيعت بابـه
وادري ان الكل = حزنه في ذهابه
الفهد وين الفهد = يعُلـن غيابـه
والديار اللي غدت = لحظة نهابـه
الفهد عز العرب= يومـه غدابـه
حامي الاسلام = عن ساعي خرابه
له دروب الخير = من مثله سعابه
للصديق يكون = اهلـه والقرابـه
هذي افعاله = ولاعنهـا حجابـه
والفهد فعله = وكـلٍ بـه درابـه
والختام الله يخفف = من حسابـه
ويسكنه في جنةٍ= فيها الصحابـه
وآخر التعبير = روحي يا سحابـه

ثلاثـة ايـام .. لا = وده ولا هـاتـه
وقت المصيبه خويي = غابـت ابياتـه
انتابني شـي = مـا تخفـى علاماتـه
هذا فهد والقصيـد = أن مارفـع ذاتـه
ومـدام كلـن يعبـر = يـوم مأساتـه
وااا حزني اللي = عجزت اصل نهاياته
ليـا تذكـرت = وقفاتـه وفزعـاتـه
يبكن على اللي = ما سوى العالم سواته
يوم انتخوبه وقف = والليل مـا باتـه
ولو كل تلفـاز =عـدّد= فـي قنواتـه
يالله ياربـي = تجـاوز عنـه سياتـه
ثـلاثـة ايــام لا= وده ولاهـاتـه