::|[ مرثيات : الشيخ جابر الاحمـد الصباح رحمه الله ]|::

شفتك على اكتاف الرجاجيل نايم =وشفتك مغطى بالعلم قلت بردان
يبه هو حزني داخل القلب حايم=قلت أشعل دموعي وأخليك دفيان
صوتي يبه من بين الأحزان عايم=لو أصرخه تهتز من حولي جدران
أخاف تقعد يا يبه وانت صايم=وإنت قلت قعدني على صوت الآذان
تعبان !! أدري والتعب فيك دايم=تفرش ضلوعك حب وتكون تعبان
للحين جسمك فوق الأكتاف نايم ؟=وانت الذي قامت على أكتافك أوطان
إنت العزيمه لي حكوا بالعزايم=يا ما شعلت النور في ليل الأحزان
حتى الرمل في دفنتك صار هايم=من كثر ما وجهك يشع نور وإيمان
تنزل في قبرك والدعاء فوق قايم=كل الاوادم صاروا قلوب ولسان
يالله ترحم منهو طفا الظلايم=اللي شعل عمره وسط عمر الإنسان

الله يعين العقل ويثبت الدين=فى حزن لا منسى ولا هو بعابر
بصدورنا كنه طعون السكاكين=ولعيوننا مثل الكفن والمقابر
حنا حزنا للشيوخ البعيدين =وشلون ما نحزن على الشيخ جابر؟
يااكبر غلا تدمع علشانه العين=يا اعز من ناحت عليه المنابر
يا متعب بعطفك شموخ السلاطين=ويا مثبت بسهدك سمو المخابر
يامن خلقه الله وطن للمساكين=يا اصدق قصيدن سيلته المحابر
رحت وتركت محبتك عندنا دين=علمتنا معنى فراق الاكابر
ياسيدى نلقى مثل طيبتك وين؟=وانت الذى تكبر وغيرك يكابر
ان غاب جابرنا ..يجى جابر منين؟=وحنا ملاهيفك مثل ماانت خابر
حنا يبكينا فراق البعيدين =وشلون ما نبكى على موت جابر؟؟

ياالموت كنك بالخليج إستقريت=أشوف صارت لك ديــاره محــطــات
من عام الأول وانت فينا تمثنيت=فبوظبي خليت فالقــلب حــســـرات
أخذت زايد راعي الطيب والصيت=وابكيتنا وابكــيـت شعــب إلإمــارات
خليتنا بفقده نجــر التناهـــيــت=أبوخليفه طيب الصــيــــت والــــذات
والعام عام الحزن يوم إنك أبكيت=عــمـّيــت حــزنك بالـفـضـا والمجرات
أخذت منــّـا فـهـْـد الإسلام واركيت=بقـلـوبنا من صالي الـــنــار جـمــرات
وشلون تاخذ خادم الدين والبيت=وأستغفر الله ليه شارون مامات .؟؟
لامرحبا ً بك لاهلا لاأنت حييت=نـــدري بـهـــا رادة بـديع السموات
ثم جيت لدبي الحبيبه ومديت=كفك وأخذت الشيخ راعي الجمالات
مكتوم بن مكتوم جيته وخليت=كل العيون بـْموته تـْـهل عــبــرات
ومن بعده بساعات ياالموت ماأبطيت=شفـتــك توجــهـــت المنامه بــلـحـظـــــات
في دار أبو سلمان من يوم ما جيت =أخذت فـيصل مـنــْـه في بضع ساعات
وشفت الكويت قريــّـبه ثم تعديت=منها خذيت أعـَـز وأغــلا الأمـانـــات
خذيت جابر شيخنا بس ياليت=إنك دريت شكبر حجم الـمـعـانـــات
خذيت جابر .. لاحشى خذت الكويت=إي والله إنــّـا كــلــنــا مــثـل الأمــوات
خذيت جابر .. ياهنيـّـك تهنيت=اهــديـتـنا حـزنك .. واخــذت المسرات
تدري بربك بأرضنا ويش سويت=كــثـرتها بأرض الكــويت الــمــناحـات
ساد الحزن في كل شارع وكل بيت=حــتى الـطـيـور إسـتاحـشـت والنبـاتات
خليتنا والله بلا قلوب واقفيت=نزعــتـها منـّـا عــلى غير مـشـهــات
انا اشهد إنك صح كفيت وفيت=فـيـنا مــن وسـومك لك الله عــلامـات
بسـّـك وإذا لأفعالك القشر حـنيت=بــالـك تــجي لـبـلادنا والــزعــامـات

ياعلم رفرف ترا مامات جابر=حي بارواح ٍ تضمه في جسدها
ياعلم صيته علي روس المنابر= من عرف سيرة ابو مبارك حمدها
رِفعت الاقلام وارتفعت محابر=حي ذكره لوتوسط في لحدها
ياعلم وش انت عن هالشيخ خابر = سولفه للي خفا علومك نشدها
جابر العثرات للعثرات جابر=وقفته تِعرف ولايحصي عددها
رمز عزتنا وحنّا به انكابر=مانست هالارض لِه سجده سجدها
مدّته للطيب ماتِشبر بشابر=انشد كفوف تغذّت من رغدها
الارامل واليتيم وكل عابر=والعجوز اللي تنكّرها ولدها
والفقير اللي علي اللوعات صابر=وكل منهو يشتكي ضيقة نكدها
والبلاد اللي عليها العوز ثابر=. والشعوب اللي تشكيّ من لهدها
ويوم ضاق الشعب في كل المعابر=مد كفين العطا وكل ٍ شهدها
وراح يركض من ورا داره يثابر= لين رد الدار واوفي في وعدها
والكويت بعهد جابر بنت اكابر= شامخه والمجد تلعب بّه بيدها
مجدها لاِمع ماتعشق مجد غابر = سطّر التاريخ باسطورة بلدها
ياالاهي رحمتك للشيخ جابر=ياوسيع المغفره بِيدك مددها
ياعظيم الشان عفوك في المقابر= يوم ضمت جابر الخير بلحدها

اشتقت للموته وانا ادري ليا اشتقـت=اصيـح والمسبـاح بيـدي فركتـه
عطاني اكثر من ردى حظـي الوقـت=وأكبـر دليـل آبـوي راح وتركتـه
ياموت وقـف لاتجينـي ليـا فقـت=أبوي هذا خـف عليـه ان مسكتـه
إسمع تراني سامعـك لـو توهّقـت=أبـوي ماعمـره تـأذى بـسكـتـه
أبـوي شيّـب يـوم بيـده تلزقـت=يامـوت خـوذ الأدعيَـه لااحتبكتـه
حتى انـت تغليـه وتحبـه وتعلقـت=والناس تدعيله ,, ولـه فـي بركتـه
العطف / و الخوف / الطمانه ليا ضقت=الأب / الأبيَض / والطهـاره حركتـه
الدمع الأبيَض / والسماحه ليا عقـت=الجابر / الأحمـد / ذراك إن شبكتـه
ياموت أبوي اللي خذيتـه وصدقـت=مدري هو الواقـع أو تقـول نكتـه
صدقني اخواني بكو وانـت عرقـت=حتى البكى بأحشاي جيت وضحكتـه
تالله لـوْ تـدري انــا ماتوفـقـت=الحـزن فينـي والمُصيبـه ربكـتـه
سلمـت للواقـع صبـاي وتشدقـت=وعرفت إن المـوت حـق ودركتـه
إيه الخليج يعيش نكسه وانا اشتقـت=آشـم ثوبـه بيـدي اللـي فركتـه

ياخالق الإنسان من شي ٍ عدم=ألطف بنا ياكـــافل أرزاق العــباد
ياربنا أنت الرحيم أنت الحكم=وأنت العزيز المـقـتــدر أنت الجواد
أنت الذي يارب (( علم بالقلم ))=يـارافع ٍ سـبع الســموات الـشــداد
يارب في هاليوم نشحذك الهمم=إنك تـقـديـنا عــلى د رب الرشــاد
وإنك تقوينا على شي ٍ عــظــَـم=من هوله الدنيا تغــشــلاهــا الـســواد
اليوم هذا فجـّر بقلبي حــمــم=لاوالله إلا ثــار بــركـان الــفـــــؤاد
مات الأمير العادل الشهم الأشم=مات الأمــيـر اللــي له الطــيبه تقاد
مات الأميـــر اللي من اول ماحكم =أرسى العـداله فـي البـلـــد والخـــيـر زاد
مات الأميـــر اللي تعـلا بـ القمم=وفي مــوتـته عــم الحزن كــل الـبــلاد
عم الحزن إي والله إن الحزن عم=كل ٍ لبس في غــيـبــته ثـوب الحـــداد
من شيمته يتــْعلمون أهـل الشيم=تواضعـــه دايـــم لأخـــلاقـــه مــداد
حتى وهو ميت حـبيبي ماظــلــم=أعطى الشهور حقوقها وبـكــل حـياااد
في نص ذي الحجه توفى هـ العلم=وبـْـمـنــتــصــف ينــاير إهــتــزت بــلاد
حزن إنبنى وجـْـدار الأفراح إنهدم=والدار فيـهــا مـظـــهـــر الأحزان ســاد
مامات جابر لاحشى ماتت أمم=الله يصـبــــرنا عــلـى نــار الــبـعــاد

عام مضى واقفى وقفى بزيزوم = والعام هذا باوله مات جابر
يالله تغفر ذبنهم وانت قيوم=وتفرج عليهم في مضيق المقابر
مرحوم يامن مات في صبحنا اليوم=مرحوم ياللي للكسيرات جابر
من حبنا لك كلنا صوت مرحوم=ونبكي على فقدك بكل المنابر
لو نقدر إنكافح لك الموت ياقوم=والله لنعرض دون راسك صوابر
بس القضاء والقدر ملزوم ملزوم=نرضاه .. والدنيا بها العمر عابر
مابه جداء كود الدعا لك على الدوم=يرحمك رب ٍ بالخفيات خابر
مات الفهد واقفى من الارض زيزوم=واليوم مع دربه خذا الموت جابر
يالله تغفر ذنبهم وانت قيوم=وتفرج عليهم في مضيق المقابر

ياليتني فجـر ( الاحـد ) ماتوعيـت=ولاشفت في ( دسمان ) حزن المنابر
قالو توفى ! قلت : انا اللـي توفيـت=القلب يبكـي والمحاجـر .. تكابـر
مدري عقب جابر ؟ اعزيك ياكويـت=ولا اعزي طفل .. ماشـاف جابـر
ابو اليتاما .. راعي الجود والصيـت=مقدم رجال العـز .. مجـد الاكابـر
الطيٌب اللي في كل قلب ٍ بنـى بيـت=وقت ٍ ماعاده فيه ! ذا وقـت غابـر
ماتنسـي يابومبـارك لاطـريـت=في سيرتك جابـر وللكسـر جابـر
ياشعب يومك فـي وجـوده تهنيـت=اليوم ؟ عقب الشيخ ! وشلون صابر ؟
جابر بيبقى حي .. حتى ! وهو ميت=مدام مشهـد ضحكتـه لـه مخابـر
يالوالد اللي مـن حنانـك تقهويـت=محـال يرثيـك الشعـر والمحابـر
ليتك قبل مامـت شفـت وتحريـت=ناس ٍ بكت دفنك .. جموع وطوابـر
ياقبـر لـو انـك تعرفـه تمنيـت=ما ينهري طاهر مثل جسـم جابـر
لو العمر يهدى يابومبـارك اهديـت=عمري وعمر اخواني اللـي تثابـر
الموت عابـر ان رضيتـه وعييـت=الا انت موتك شي .. ماهـو بعابـر
من اول ٍ ! ياحظنا بقربك ان جيـت=والحين في قربك .. ياحـظ المقابـر
مابه محال بذا الزمن شـي ياكويـت=الا انه ؟ ينجب واحد ٍ مثـل جابـر

صباحك يا الأحد مظلم كئيـب وهـادم اللـذات=أخذ منـا عزيـز الشـان رجـلٍ سيرتـه عطـره
فجيعه والفجيعه من سبابها طاحت الرايـات=لاكن الطيب والناموس باقي شامـخ بقصـره
رحل عنا جسـد جابـر وذكـره حـي لا ممـات=يبـا يبقـى عزيـز وكـل شعـبـه حـافـظٍ قــدره
مسيرة ربع قرن اللي حكمنا صامل الوقفات=تخطى فـالبلاد أحنـك ظـروفٍ جايـره خطـره
سياسه وأقتصاد وشيخـةٍ معهـا كـرم مـدات=وطيبة قلـب واحسـاس الأبـوه فيـه بالفطـره
مسيـرة حافلـة ياسيـدي تطويـر وأنـجـازات=مأثر يعجز التاريخ عـن حفظـه وعـن حكـره
بكـت كـل اليتامـى والأرامـل جابـر الخيـرات=بكاك العـز وأبكتنـا دمـوع الشعـب والأسـره
بكت دار المسنين وبكت كـل الوفـود وجـات=بكى الطفل الصغير الا بكى العالم لك أبأسره
رحمك الله ياأميرٍ عطوفٍ حتـى فـي الشـدات=عسى الله يرحمه ويشع نـورٍ يضـوي بقبـره
عسى الله يرحمك ياأميرنا وتعيش في جنات=تحرًم عن جسـدك النـار ربـي تلطًـف بأمـره
رحمك الله ياشيـخ الشيـوخ وجابـر العثـرات=من الي يجبر أقلوبٍ على فرقـاك مـن كسـره
عليك العالم أبأسـره حزيـن إيـذاود العبـرات=وشعبك في عيونـه بانـت الأهـات والحسـره