::|[ مرثيات : الشيخ جابر الاحمـد الصباح رحمه الله ]|::

مرت سنه .. يا شيخ .. والحـال ملتـاع=ملتـاع! .. يـا منبـع حنيـن الأبــوّه
عز الله .. إنـا دون بسماتـك .. إجيـاع=جوع الفقيـر! .. اللـي بـلا حـال قـوّه
يا جابـر العثـرات .. يـا ذرب الأطبـاع=رحيلـك! .. أشبـه للجمـر وســط دوّه
لأنه رحيلك؟ .. غير عن كـل الأوضـاع=وضع السمـا .. جـو ٍ ! يعكـر صفـوّه
يا أمير؟ .. والله يا لسـان الحبـر ضـاع=ماادري شـأعبر .. والحكي ضـاع جـوّه
لو قلت! .. عبر يا هجوسي؟ .. فلا طـاع=كـل الحكـي .. ياقـف قصـاه! ودنـوّه
لأن الشعر! .. لا من طرى .. بلحظه اوداع=مثل السهى! .. فجأه! .. تعكـر بـجـوّه
أقوى حزن ذاتي! .. وأفلل بـه اشـراع.!=إلا!.. حزن فرقـاك .. مانـي! .. مفـوّه
ياأمير!. في ذكـرك تحـرك بـي أضـلاع=وذكرك!. تـرى ياأميـر!. ماهـوب تـوّه
مرت سنه!. والحال .. في بعـدك أنصـاع=قـام إتهـذرى .. بـحـرف ليتـه ولـوّه
ياأميـر!. دوك البيـت .. والكـل سمـاع=دمع الوطن .. يا أمير!. شاعـل بـضـوّه
ماقد وقف .. مسكوب في دمع .. الأشماع=نحفـظ دمـوع أموادعـك .. بـالعبـوّه
عبـوة الأحــزان . وألام .. وأوجــاع=وجعة مفـارق .. قـد تحـدر .. علـوّه
أنت الأبو! .. وشلون لا ضاع أو .. ضـاع=دمـع الطفـل .. مـا وقفتـه الـمـروّه
ياأمير!. شعبك .. يشري الحب مـا بـاع=ماشـي علـى سلـم الوفـا والأخــوّه
هذي تعاليمـك .. بـلا ظلـم .. واخـداع=يا طيب .. مبـدأ منهجـك .. يـا سمـوّه
شعبك .. يا أبو مبارك .. حسد تربة القاع=قبـر ٍ تحضـن بـك .. ويعلـن خـلـوّه
ياأمير راحت هالسنه .. نصـف وأربـاع=نصـف ٍ بكينابـه .. وربــع ٍ مـمـوّه
يعني!.. حزن هادي .. على دمع واصراع=أصـارع الذكـرى بـعــزم وجــروّه
تضربي الأحزان .. صـاع ٍ علـى صـاع=من روحتك! .. والحزن .. يبـدى نمـوّه
مرت سنه .. وأحزن سنه .. دون الأقنـاع=كل مـا طريتـك شـب بـالقلـب ضـوّه
لأنـك أميـر القلـب .. والقلـب ملتـاع=ملتاع .. مـن غيبـت .. حنيـن الأبـوّه

الحاكم اللي مرضي الله والناس=لامن رحل كلٍ يحس برحيله
عليه كلٍٍٍٍٍٍٍ هل دمعه من الراس=العايله والطايفه والقبيله( وليد العمودي)
جابر غيابه اشعل الشيب بالراس=من غيبته كلٍ مضيّع دليله
الجفن من فرقاه ماغط بنعاس=والدمع من عيني تزايد هميله ( مبارك ابو ظهير )
مات وضربنا عقبه اخماس واسداس=مات الحصان ولا بقى الا صهيله
الله يصبرنا على الوقت لا انحاس=وصرنا ضحيه بين عدله وميله (مطلق النومسي)
حرمت لا هيبة مواطنك تنداس=في ديرة فيها تهاب الدخيله
رمز الوفا موطن رهيفين الاحساس=جمال الحمول الجايرات الثقيله (بدر بن ثعلي)
نبض القلوب الداميه حس الاجراس=والشعر مثل الخيل هذا صهيله
حنا نقشنا الحرف في خد كراس=ذكرى رحيل الشيخ رد لجميله (خلف الخطيمي)
حزنه غشى دسمان والبدع والراس=والسالمي والاحمدي والعقيله
والشعب يدعي له والارياق يباس=جعل العوض باللي حكمنا بديله (عقيل المنيس الشمري)
مراجله ماتنحصي وسط كراس=كل العلوم النادره تنتميله
فوق النقا والجود والدرع والطاس=اضفى على الشعب الكويتي جميله ( تركي الديحاني )
مثل الشجر كنا وكان الخبر فاس=ودموعنا كانت سوات الحصيله
في غيبته ضاقت بنا كل الاوناس=ولاظن نلقى للــــســعاده وسيله ( جراح العليان )
قلبي على فقد الشغاميم حسّاس=وشلون لاصار المفارِق خليله
أكيد فيه أحزان وآلام وعْماس=وأكيد يسكنْه الوجع من طويله ( فهد بن عبدان )
لو ينتثر دمعي من العين لا باس=لاصار ما في مواجه الموت حيله
يا جابر الديره طوى شعبك الياس=مظلم طريقه والخطاوي ثقيله ( فالح الهاجري )
لو ينتمي هالطيب لاسداس واخماس=الطيب كله يابشر ينتمي له
جابر ومثله ما يوفيه كراس=يميل شعب ولاتجي فيه ميله ( حمود جلوي )
صارت قلوب امة فتافيت قرطاس=دوامة الاحزان هبت تشيله
خيم عليها الفقد واليتم والباس=واغتالها فقد الزعامات غيلة ( قهر يزيد )
في غيبته ثارت أحاسيس وأنفاس=فيني ولدّ الـ هم ينشي سبيله
يرحمه ربي رحمةٍمالها قياس=عِد الـ وبل وعـْداد برقٍ نخيله (وعد العبدالله)
الموت فاسٍ وان هوى الفاس بالراس=باح الحزن جماعي بكل عيله
غلاه .. مره بس شهقته بالانفاس =وحلفت مايـُـزفر غلا ذيب جيله ( عقاب الربع)
وانا رثيته شعر وشعور واحساس=النادر اللي صعب نلقى مثيله
للمرجله معنى وللحق نبراس=عدل وضمير وطيب قلب..وفضيله (نمش الشمري)
كل المشاعر والعواطف والاحساس=تنعاك يارمز الشيوخ الجليله
دعمت ساس الدار ياطيب الساس=للجيل هذا والــذي بعد جيله ( صلاح مناور الشمري)
يوم الاحد جيــتّــــك هي رمح جساس=والشعب ظهر كليب وانهد حيله
غزيتنا واخذت من يرفع الراس=والجرح ينزف والاماني قتيله ( ثاني الدهمشي)
يالله شفنا الحزن طاغي وحماّس=وغصبٍ على خشم المراجل نجي له
وش حيلة الدمعه اذ الحزن قرناس=يضرب وحنا بالالم ننحني له ( عبد الله النافع )
ياشيخ شفتك ذيب بالرجم نبراس=يعوي ونسمع بالبوادي عويله
وياشيخ شفتك في سنا المجد جلاّس=لازال مجدك..والملا ترتقي له ( فيصل سعود العنزي)
وأصير أنا من بعد فرقاه محتاس =عزي لمن مثلي أنا عزتـي لـه
لا يهتني نومي ولا يهتني اجلاس =يا كيف أنا بنسى يديـنٍ طويلـه (خالد بن مساعد الرشيد)
شيخٍ حكيم وماخذ الحق له ساس=بالعدل عدلّ كل نفسٍ عليله
للجود والاحسان ماحط مقياس=والطيب من طيبه بعد ينتخيله ( جراح مناحي )
اليوم ذا شعبك هنا رافع الراس=هو يفتخر بك وبحقك قليله
قد صار حبك نبض فقلوب هالناس=يا نبض عايش للدروب الطويله (محمد آل مبارك)
ياناس مافيكم احد مثلنا حاس=حتى قصر دسمان من يشتكي له
الشعب صابه حزن قاسي وهوجاس=كلٍ صرخ ذا شيخنا فدوتي له ( سلطان النواف )
ياشيخ حبك وسطنا ماله قياس=ياللي بفعلك مرتكي للثقيله
ماغبت يالزحزيح ياطيّب الساس=زولك ترى موجود محدٍ يزيله ( حربي الضفيري )
البرق لا لاح بسما كل خناس=و ( الــنـو ) لا سولف نزاهة زميله
مرقدك امن..ياعسى معك حراس=ملائكة رحمه معك مستقيله ( سعود فرحان )
مات الامير وجال بالراس وسواس=من يشبهه بالناس منهو مثيله
كن المراجل بالعرب جالها افلاس=مات الفقيد اللي يساوي قبيله ( محمد البغيلي )
ياقو صبره يوم الارياق يباس=هاك السنه يوم الخطوب الجليله
يوم المشاكل تصطلي فوقها داس=ابلى وحقق حاجةٍ مستحيله ( موسم بن سفر القثامي )
للعز والوقفات والفعل نوماس=يوم الملاقى والصعب يرتكيله
بنك الغناة ولاظهر منه افلاس=مدته للمحتاج ماهي قليله ( مبارك الفعم )
الموت؛ كاس وكلنا؛ شارب الكاس=ولا لنا غير التصبّر . . وسيلة
وفراق شيخ الناس صعبٍ على الناس=يرخص عزيز دموعنا في رحيله (فيصل الشريف)
قلبه كبير وشامل الشعب باحساس=متفردن باوصاف من دون جيله
وصفه ذهب ..يمكن بعد اكثر ألماس=يا حاكمٍ كل العرب تعتني لــه (حامد المطيري)
زعيم شعب ورأي وقلوب وإحساس=وفي حب شعبه ماش حاكم مثيله
يارب تجعل له إقامه ومجلاس=في جنة الابرار واهل الفضيله (ناصر تراحيب)
مواقفه تشهد لها كل الأجناس=شيخٍ حكيم..ودوم عقله دليله
فيه الوفاء والطيب والدين نبراس=رجل المواقف والفعول الجزيله ( فهد المجلاد)
ماارتاح بال ولااهتنت عين بنعاس=بعد رحيله والمصيبه ثقيله
مكتوبٍ اسمه من ذهب واغلى الالماس=بقلوبنا فاقصى الضماير نشيله (ضيف الله حمدان الدلبحي)
في مدت الخيرات ماهو بمحتاس=اقسم يمينه لاحشا ماتعيله
جابر بعمق الخير ياناس غطاس=ماهو سوالف الف ليله وليله ( عمر اللهيميد )
هذا كلام ٍ من ضميري بقرطاس=واللي بقلبي ماطلع عزتيله
الله يبيحه كان تاج ٍ على الراس=مالي على رد المقادير حيله ( محمد بن فارس )
اعلامنا في غيبتك صارت انكاس=والروس من بعدك تراها هزيله
تعبت ادوّر مثل قلبك بالاجناس=بين القلوب الطاهره والنبيله ( صلاح مطرف البقان )
من غيبتك والقلب يا امير والقلب محتاس=ياللي كسبت الطيّبه والنفيله
كلٍ بعد سوء الحدث يضرس اضراس=يابو المكارم والوفا والنفيله ( عايض مبارك )
يفداك وانته بالقبر كل بلاس=واهل النمايم والدروب الضليله
ويفداك كل طاغي وظالم وهماس=ياللي دموع الناس لاجلك هميله ( طلال فحمان )
مهما زرعنا القاف او نغرس اغراس=تبقى غصون اشعارنا به ذبيله
ذكراه يقبس داخل الروح مقباس=مولــعٍ بين الضلوع النحيله ( طارق بن زياد )

حكم القدر والمـوت محـدٍ يدانيـه=لكـن شـرع الله والمـوت سنَـه
سنه على كـل الخلايـق مماشيـه=يالله عليـك الـوقـت لاتمتحـنَـه
وامـرٍ كتبـه الله بالـوح مقضيـه=واللي وطاه الموت ماغـاب عنَـه
هذي سنه والحزن مثلـي يخاويـه=واشعلت انا التنباك والصـدر كنَـه
شاعر رهيف احساس والبيت مرهيه=لامن طلبت البيـت ماخـاب ظنَـه
قد قلتها شاعـر ومبـدع قوافيـه=قـد الكـلام وكلمـتـي ماتثـنَـه
والشيخ جابر داخل القلـب مغليـه=في داخلـي جابـر وحبـه سكنَـه
اغليه ومن شوق المحبـه نقهويـه=واطرب له ابيـوت الشعـر واتغنَـه
واضحك بدون شعور لاحل طاريـه=لو الحـزن شيًـد صـروحِ وبنَـه
ولامن حضر طيفه اوقـف واحييـه=يستاهل التقدير شيـخ اشهـد انَـه
عليـك ياشيـخِ عريبـه مجانيـه=لامن حضر طيفـه عيونـي بكنَـه
وصاحت هجوسي تالي الليل تبكيـه=والفين ونـه تقفـي الفيـن ونَـه
والفيـن ونـه حاضـراتٍِ تعزيـه=من حبه اللي داخـل القلـب منَـه
منـه ومنـه داخـل القلـب منيـه=كلي حزن والحـزن رعـدٍ وحنَـه
مو بس انا اللي اشكي حزني واخبيه=انا مـع الشعـب الكويتـي حزنَـه
وشعب الخليج اللي يحبه ويرضيـه=واللـي ورى لبنـان منَـه ومنَـه
والساحل الشرقي وكـازا واهاليـه=والساحل الغربـي بكـى وستجنَـه
حتى بلاد الغـرب والصيـن ترثيـه=ونشد هل المكسيـك والبابـا حنَـه
واهل اليمن والشام واللي سكن فيه=اكرم كريـم ولاهـو رجـلٍ يمنَـه
والهند عـزت وستلجـت موانيـه=وفاضت عيون الهند يـوم ادمعنَـه
وجزر القمر والموج غطى مراسيه=وتشاد صاحـت والعيـون اغرقنَـه
ونجلترا شعـب الكويتـي تواسيـه=والامريكانـي ماهـدى وستكـنَـه
والروسي ضاق وباينـاتٍ مواريـه=واطلق رصاص الحزن حزن اطلقنَه
والقاهـره تبكـي سمـوًة معاليـه=لاجـل الاميـر اعلامهـم ينكسنَـه
واهـل فرنسـا حزنهـا مانخليـه=كن الهموم السـود هـن يطرقنَـه
حتى فيًنـا هلـت الدمـع صافيـه=قامت توجـد بيـن عبـره وخنَـه
خنَه وصوت الحزن بانـت خوافيـه=تبكـي سمـوًه واليديـن اصفقنَـه
واللي ورى سيلان صفـق بياديـه=ودمـوع عينـه كالنهـر سًيلـنَـه
من موتت اللي كل فـرضٍ يصليـه=ماغاب عنه الفرض فرضٍ وسنَـه
سنة رسـول الله والفـرض مديـه=هذي عوايـد شيخنـا مـن فطنَـه
يشهد له التاريخ حضـر وبواديـه=والطيب شاهد والصحـف سجلنَـه
حتى ملوك الارض بالخيـر تطريـه=بالطيب والمعـروف والمجـد لانَـه
قرمٍ ليـا شـاف الفقـاره تشاكيـه=أرًها الكفـوف البيـض مايبخلنًـه
مثل سحاب الخيـر لاهـل مافيـه=يسقي هشيم القـاع منـه اشبعنًـه
يشهد عليـه الوقـت ويـا لياليـه=كم ديـرةٍ طاحـت ومنـه اعمرنَـه
انا اشهد انه راعي الطيـب راعيـه=ويديه مثـل الحـر هـن يقنصنَـه
والطيب ثوبٍ وافـي لـه وزاهيـه=والطيـب تـاجٍ واليديـن املكـنَـه
كل الشعـر ويـا القوافـي تغنيـه=لانـه سنـام الـعـز ماخيبـنَـه
ماضاع في دربه ولا فـي هقاويـه=يضـرب علـى الكايـد ولا تعبنَـه
حامي بلاده من غثى الوقت حاميـه=وصدره كما درعٍ ليـا مـن غثنَـه
كم موقـفٍ مـرًه وثبًـت خطاويـه=ورجليه وقت الضيـق مـا يخذلنَـه
افديك يا نبـعٍ روى منـه ظاميـه=يمناك نبـع الطيـب يامـا سقنَـه
افديـك ياحـرٍ تعـلًـت مراقـيـه=ماضيُـع الصـيـده ولا ضيعـنَـه
هذا الامير اللي له الـروح تفديـه=مرحوم ياشيخٍ لـه الشـوق حنَـه
ذكراه في قلبـي وشوقـي يباريـه=لامن طرى جـات البيـوت ورثنَـه
لامـن رثيتـه ماعليًـه مشاريـه=يستاهـل بيـوت الفخـر لا طرنَـه
ياعزوة اللـي ضايعـاتٍ محاريـه=اللـي همـوم الليـل هـن جننَـه
عـز اليتيـم وكـل شـيٍِ موفًيـه=اللـي سـواد الليـل هـن يتمنَـه
الشين عنه ابعيـد لا مايجـي فيـه=والزين كـل الزيـن فيـه وظمنَـه
دسمـان يبكـي والليالـي تهديـه=بان الحزن يـوم الليـال استرنَـه
دسمان مل الحزن والهـم طاويـه=سود الليالي مـن بلاهـن طونَـه
في غيبته يشكي من الهـم صاليـه=وسيوف هم الليـل هـن يجرحنَـه
وليا انتهى همٍ يجـي هـم مقفيـه=ياشينهـن حتـى الفـرح غيبـنَـه
ياشيـن قلـبٍ هالليالـي تفاجيـه=وياشيـن قلـبٍ هالليـال اغدرنَـه
كن الحزن خيًم على كـل اراضيـه=وكن الفـرح مـل البـلاد ودفنَـه
والقلب مع سـود الليالـي امنيـه=والقلـب غيـر الشيـخ لا ماتمنَـه
دام الحـزن منـه فلانـي بناسيـه=وشلون ابنسى والمشاعـر حونَـه
مانساه لين العمـر يوصـل لتاليـه=حتى هواجيـس الشعـر لا نسنَـه
اعاتب هجوسي واعيد النظـر فيـه=واجدد هجوس الحـزن فـي زمنَـه
يوم المشاعر بالمشاعـر تصافيـه=حـرام ماربـع المشاعـر جفنَـه
الله اكـبـر والمشـاعـر تدفـيـه=لاصار بـرد الليـل جـن احظننَـه
سلام ياشيخ سكـن قلـب غاليـه=وعروق قلبي بالغـلا هـن سقنَـه
سـلام ياشيـخٍ كريمـه مساعيـه=يوم اليدين البيـض هـن يكرمنَـه
اسمع صدى صوتك ومثلي تناديـه=واشوف انا طيفك ليـا الليـل دنَـه
ورد انا صوتي علـى وادي التيـه=والحزن بايـن والهمـوم اخنقنَـه
يمناي ومًـت والمشاعـر توميـه=والعين هلـت والدمـوع افضحنَـه
مثل النهر ولا المحاجـر شواطيـه=كـم واحـدٍ مثلـي عيونـه بلنَـه
الله يـوم الـراس هلـت غواديـه=متيـن شطـرِ والبيـوت احتمنَـه
مرحـوم ياشيـخٍ ولاحـدٍ معديـه=بالطيب والمعـروف لطيـب رنَـه
يسمع صداه اللـي بعيـدٍ مراميـه=اللـي همومـه بالليـال اذبحـنَـه
يتعب على اللي هالليالـي تشقيـه=ويفرح ليا شاف العيـون اسعدنَـه
يتعب على اللي من زمانـه معنيـه=ويرتـاح لامـن العظـام اجبرنَـه
يتعب على اللي مالقى من يداويـه=يجيـه وافـي واليديـن اسعفـنَـه
يوم الزمـن هـذا تكاثـر بلاويـه=تلقـاه حـرٍ ماالحـبـاري قفـنَـه
حتى سحاب الخير بالخيـر تسقيـه=من فوق قبر الشيـخ يامـا رونَـه
جابر خوي الطيب والطيـب حاويـه=يرجح لـه الميـزان لامـن وزنَـه
تبكي عيون الناس قاصـي ودانيـه=لانـه سخـي ولا يديـه اقصرنَـه
كلمة هلا واهليـن هـذي مباديـه=وعيونـه اللـي للوطـن يسهرنَـه
ويديـه صـارٍ بالليالـي مراكيـه=وعيونـه الثنتيـن لا مـا غفـنَـه
ونضاعت الاريـا فصيـحٍ تلاقيـه=رايـه سديـد ولا الليـال اخلفنَـه
متواضـعٍ حـده ولاحـدٍ يساويـه=ودمـوع عينـي لاطـرى يذرفنَـه
المرجله عنـده وماهـي حواليـه=تعجـز حريـم الوقـت ماينجبنَـه
فارس وسيف العز والعـز راقيـه=يدييـه وقـت الضيـق مايرجفنَـه
وعينٍ من الرحمن لاشـك ترعيـه=ونفسه من الرحمن هـي مطمئنَـه
شيًـد بـلاد العـز والعـز بانيـه=لاهنت ياشيـخٍ لـه الطيـب فنَـه
والصدر مل الحزن والحزن ماليـه=في داخلي بـرقٍ وظـرب الاسنَـه
وعيني على شرواه هلـت تباكيـه=وجدي عليه وزايـل الشـك منَـه
من وين مالديـت اشوفـه واهليـه=واقلطه فـي صـدري هيـلٍ وبنَـه
غالي ولـه بالقلـب شـي وبنيـه=وعـروق جسمـي بالعطرعطرنَـه
حقي ومـن حقـي احبـه وبديـه=لانه اميـر افعولـه هـن شيخنَـه
واليـوم حنـا بالمياديـن نرثـيـه=وانـا اعـرف الابيـات مايوفينَـه
الطيب له ميـزه ولاحـدٍ يضاهيـه=شيخٍ على طيـب المراجـل تعنَـه
حـرٍ عريـب وافيـاتٍ موامـيـه=قد ساعد المحتاج مـن دون منَـه
وهذي كويت العز باسمـه تناديـه=تبكي سمـو المجـد تشهـد بأنَـه
اطلق شنب واشرف مواطي مواطيه=مامات جابر حـي و داخـل وطنَـه
مرحـوم ياشيـخٍ قويًـه عزاويـه=يالله عسى الحسنات هـن يرفعنَـه
مرحوم ياشيخٍ ليـا هـل ماضيـه=شـرفً بـلاد الـعـز مادنسـنَـه
مرحوم ياشيـخٍ دمـح زل مخطيـه=يالله عسى الفردوس لشيـخ جنَـه
امين ياللي بامـرك الكـون تنهيـه=أميـن ياعالـم بـسـر الاجـنَـه
سبحان ربٍ كـل شـيٍ علـم فيـه=يعلم بصدر النـاس وشهـي تكنَـه

يوم الاحد الصبح جتني تعازيه = قالوا توفى راعي الخير جابر
وفزيت من نومي وآنا أصيح وأبكيه = وشلون مبكي راعي الطيب جابر
وكويتنا والشعب والكل ينعيه = أمير القلوب لا شك جابر
يالله تكفا أعف عنه وأجزيه = ابجنة لفردوس الشيخ جابر
ومن الذنوب اطهره ثم تنجيه = وترحم رحيم القلب ابوي جابر
عهدن علي منساك والعهد نوفيه = جابر وتسوالك ثمانين جابر

الأحد جانا بوقت الرابعه=صبح يوم ٍ للكويتي اسودي
في شهر واحد والامّه متابعه=ستّه وألفين عام ٍ سرمدي
في وفاة الشيخ جابر فاجعه=الأمير اللّي بدربه نقتدي
من خبر موته عيوني دامعه=عظـّم الله اجرنا في سيّدي
يا قلم ورّد بوسط الطابعه=عن مشاعر شعبي واحزان بلدي
شعبه اللي بالمحبه بايعه=مانسى المعروف والكف الندي
هذا جابر كل طيب ٍ جامعه=والكرم في ذروته به يبتدي
مدّته تملا البطون الجايعه=لخدمة المسكين دايم يجهدي
حكمته تهدي قليل الرابعه=ولأجل شعبه كل غالي يفتدي
بالسياسه كل حاقد قامعه=وبالفطانه رد كيد المعتدي
شامخ ٍ مثل النّجوم اللامعه=مات وكلن في صلاحه يشهدي
القلوب ابحكم ربّي قانعه=والقدر لازم على النّاس يعدي
ذي عقيدتنا ومنّه نابعه=ولولا توفيقه أبد ما نهتدي
يا إلآه ٍ كل شيء ٍ سامعه=وأنت في عرشك ولا لك مسندي
جل شانك عن اياد ٍ طامعه=من على المكروه غيرك يُحمدي
نطلبك وقلوبنا لك خاضعه=ولا حد ٍ غيرك إلاهي نعبدي
روح ابو مبارك لوجهك راجعه=جعله بجنّات عدن ٍ يسعدي
وجابر الأحمد صعيب موادعه= الامير اللي معانا مخلدي

مايحمـد الا الله علـى الـشـر والخـيـر=الحـمـد لــك يالله فــي كــل حـالـة
راضيـن حكمـك والقـضـى والمقـاديـر=ونسئـلـك لطـفـك بالـقـى واحتمـالـه
الـمـوت حــق وسـنّـه ولازم يصـيـر=والكـل يبـكـى بــس جـابـر لحـالـه
يسـود حــزن وينتـهـي كــل تفكـيـر=ويطـول صبـر الشعـب مـمـا جـرالـه
مافيـه غيـر الـدّمـع للـحـزن تعبـيـر=ولاعــاد بـاقـي للقصـايـد جـزالــه
نكتـب نبـي نـرثـي تـجـفّ التعابـيـر=واذا رثـيـنــا حـالـنــا يـنـرثـالـه
اذا الـمـصـيـبــه لا رحــــــل جابر الخير=أكبر مصيبه وين نلقى بداله
سهلـه عليـنـا لــو نــودّع مسايـيـر=لـكـن وداع الشّـيـخ مـاهـو سـهـالـه
أصعـب مـن الاعـدام فـي حكـم تعزيـر=نـودّع الـلـي ضلّـنـا فــي ضـلالـه
الحاكـم اللـي سطّـر المـجـد تسطـيـر=بـكـاه دمّ القـلـب حـــزن ووفـالــه
عجـزت أخفّـي دمعـه بعيـنـي تشـيـر=لابـوي يمـسـح دمــع عيـنـه بشـالـه
كـلٍّ بـكـى بفـراقـه كبـيـر وصغـيـر=لا والله الا كـــل شــــيٍ بـكـالــه
يبكيـه مـن وضــح النـيـاق المغاتـيـر=ويبكيـه مـن خيـل الشـرف والاصـالـه
ويبكيـه مـن صفـر الــدلال المباهـيـر=وتبكـيـه رايــات الـكـرم والـعـدالـه
ويبكيـه حتّـى البـر والـجـو والطّـيـر=حتّـى الخليـج نشـوف دمـعـه بجـالـه
ويبكـيـه طـيـبٍ مالـفـى بالاساطـيـر=ويبكيـه زود الطّيـب مـن طـيـب فـالـه
الطيـب بـه ماقابـلـه طـيـب بالغـيـر=وكـنّ الله اللـي خيّـره فــي خصـالـه
حكمـه وحنكـه بـعـد نـظـره وتدبـيـر=كـنّـه يعلّـمـنـا نـزيــل الجـهـالـه
ومـن التواضـع مايجـي مثـلـه امـيـر=حتّـى حـرس قصـره تقـهـوى دلالــه
ومـن الكـرم مـاشـال هــمّ الدّنانـيـر=بالغـزو كـان الشّعـب عـايـش بمـالـه
واذا تكلّـمـنـا بحـشـمـه وتـقـديــر=يكفـي حـدث واحـد يجـي فـي مجالـه
يـوم انغزينـا مــن جـنـود ومغـاويـر=قـال الخطـاب وهــزّ عـالـم بحـالـه
عالـم بحالـه مـن جـيـوش وطوابـيـر=ردّو لـنـا الــدّار بشـمـوخ وبـسـالـه
ولاتجـي لـو مـاهـو بجـابـر الخـيـر=ولايـبـيّــن حـبّـنــا دمـعـنـالــه
أتعـب خلـف حكمـه بطـول المشـاويـر=وأصعـب وصـول المجـد للـي سعـالـه
رحـل وعـمّ الحـزن شعـب وجماهـيـر=ولا بـقــى الا حـبّـنـا والـدعـالــه
يالله عـسـى قـبــره ورود ونـواويــر=ويالله عـسـى الجـنّـه بـقـاه ومـآلــه
ان شفـت حـزن الشّعـب قلـت الله يجيـر=وان شـفـت ديـنـه قـلـت ماينبـكـالـه
واذا الـمـصـيـبــه لا رحــــــل جابر الخير=اكبر مصيبه وين نلقى بداله

هذي سنه راحت عن البال ماغبت=إي والله إنك حاضرٍ في غيابك
يامهيّب ٍ ضيم الليالي ولاهبت=على عيالك ضيم الأيام هابك
ياجابر العثرات ياكم بنا طبت=وأنت الذي بالطيب يذكر جنابك
ياللي بدينك ياحبيبي تأدبت=مات الكبر بك والتواضع حيابك
حبك وربي ثابت ٍ فـالحشا ثبت=نابت ومن كثرة غلااك متشابك
ذبنا بحبك وانت في حبنا ذبت=كنا لك أقرب سيدي من ثيابك
بعيوننا عبره وبصدورنا كبت=على فراقك عطر الله ترابك
(( دسمان )) لاشفته من الهم شيبت=ياما وياما نوخت به ركابك
ولا ّ (( بيان )) إن جيت يمه تعذبت=يهزني شوق ٍ بطاريه جابك
يمكن لأني فيه جيتك ورحبت=شرفتني ياسيدي باللقابك
و (( السيف )) لاجيته تحطمت وإنصبت=كم ليلة ٍ يابومبارك زهى بك
واشيب عيني كل ماإشملت وأجنبت=أتْذكرك والموت عني غدابك
للحين كنك بيننا ماتغيبت=شفنا ندور شوفتك عند بابك
مثل اليتامي من عقب ليلة السبت=يوم الأحد يومه فجعنا مصابك
ياالغايب الحاضر لك الله ماغبت=دايم وحنا نذكرك في غيابك

يالله يامثبت هل الدين بالدين = الشعب في رجوآك يالله صآبر
عشنآ الغزو في بآس محنا ضعيفين = لكن عرفنا الضعف في موت جآبر
ابو اليتآمى والضعوف المسآكين = صحيح من قآل المرآجل مخآبر
اليا تيامن كلنا نوقف يمين = خلفه ليا من الزمن صار غابر
وشلون ننسى موقفه عام تسعين = يوم انحنت قدمه كبار المنابر
وقف ووقف له شعوب وسلاطين = الشعب خابر واغبر الوقت خابر
وشلون ماتبكي على جابر العين = من يقدر اليا شاف قبره يكابر
حكم قلوب الشعب سبعه وسعبين = والفين وسته راح ماهو بعابر
باقي بقلب الشعب مثل الشرايين = صارت لقبره قلوب شعبه مقابر
الفين وسته ليتها سته الفين = استغفر الله وش تقول المحابر
مايرجع الي راح لو نبكي اسنين = بس ندعي الله وللعزا الله جآبر
نسجد لوجه الله عبيدن مصلين = يالله ترحم عبدك الشيخ جآبر

عظيم ولا اله الا أنت ياربي عظيم الجود=خلقت الكون والغيب المقدر حاسب حسابه
غفور وتغفر الذنب الكبير وتنصر المضهود= كريم وتعطي الجنه بروضة عدن واعنابه
رحيم وترحم الأنس الرحيم الطيب المحمود=ولاغيرك الهٍ مهتدينا وهتدينابه
خلقت العبد من نطفه وتعلم يومه الموعود=وتعلم من رفع يمناه يوم الحشر بكتابه
الا يالله يارب العباد الخالق المعبود =دعيناك ودموع العين فوق الخد مرتابه
ليامنه رجاك المسلم المخلص تجيه بزود=وأذا صاح اليتيم اهتز عرشك كله اسبابه
الا يالله أنا طالبك ودموع العيون تزود=أنا طالبك والقرأن نحفظ له ونقرابه
جميع الشعب يطلب فزعتك يوم الجباه سجود=بكتبك مع ملائكتك وكل اسمٍ تسمابه
الا يالله يالمعبود ياسامع دبيب الدود=ترى القرأن رتلنا حروفه ماكفرنابه
الا يالله ترحم من توفي والعباد ارقود=حبيب الشعب نور بلادنا عشنا وعشنابه
فجر يوم الأحد يالله عسى اللي صاربه مايعود=فجيعه هزت الشعب الكويتي وهدمت بابه
عقب نشر الخبر طار الكرى والنوم مابه فود=علينا من سحاب الدمع ديمومه وصبابه
عقب فقد الأمير الحزن وسط قلوبنا مشدود= سندنا لاتضايقنا فزعنا وعتزينابه
سندنا جابر الاحمد ونرقى بالسنود سنود=عطاياه الثمينه تشهره في راس مرقابه
كريم اي والله ان جابر كريم ويعطي الممهود= ولا يأخذ من سلوم البخيل ارياه ونهابه
شجاع ولا يهاب ولا مشي في سكة المنقود= يحبه كل شعبه والعدو يخشاه ويهابه
سبب سر التواضع طيب ذاته والجدود جدود=الا ياقبلة الله بالزمن يوم الزمن جابه
يشيل الدمع من خد اليتيم ويستمع للعود=ويفهم موقف اللي يطلبه وينوخ اركابه
عليّ الشاهد الله في قصيدي والشعوب شهود=وكم شعبٍ يعيش بخير جابر ويتهنابه
يساعد كل شعبٍ مضطهد من حظه المغمود=ويعطي كل محتاجٍ عطايا تملي ازهابه
نهار الحرب ثبت فزعته بالموقف المشهود=وخلا العالم تهل الدموع وتكسب اعجابه
جميع الناس تصفق باليدين لهرجه الموكود=حمامات السلام تعيش في كفه ومخلابه
نعم رجل السلام الشيخ جابر بالرخى والكود=ذرانا يوم هومات الزمن عجله ونهابه
وحقق ماتمنى شيخنا والجود بالماجود=توكل بالاله اللي بدانا وبتدينابه
وحرر ديرته والامن ساد السيد والمسيود =عسى ربي يبيحه بالقبر ويعطر ترابه
عزانا من قصر دسمان لين حدودنا ممدود=الا ياعين لاتبكين كثر الدمع ماجابه
ترى حنا خلقنا من تراب وللتراب نعود=ولو طال العمر له يوم كف الموت يغتابه
وترى أل الصباح شيوخنا ولاعليهم زود=ولكن جابر الأحمد زعيم ومابه اطلابه
أديب ومنهجه منهج أديب مهذب المردود=عسى الله يجزي الشيخ الأديب بحسنة أدابه
أنا لاشفت صورة شيخنا دمعي يزود بزود=قلوب الشعب منصابه وعيني منه منصابه
يغيب الشيخ لكنه بوسط قلوبنا موجود=غلاه من الله بوسط الضماير ونتغذابه
وأنا مانيب بالحالي حزين وخاطري معقود=ترى كل الكويت اليوم عقب الشيخ منصابه
عسى ربي يبيح اللي توفى والعباد رقود= حبيب الشعب نور بلادنا عشنا وعشنابه
فجر يوم الاحد يالله عسى اللي صار به مايعود= فجيعه هزت الشعب الكويتي وهدمت بابه

يااطيب قلب انا وشلون أطول القلب وأكتب لك=قصيدة من حزن تشعل حنين الأرض مـن شانـك
عجزت اسهر على المعنى احاول بـس اعبرلـك =عن شعوري وعن احساس الحزن في عين خلانـك
لو ان هذي النجوم قلوب صعدت بعيني واقطفلك=سناها واشعـل الدنيـا قلـوب بليـل فقدانـك
ياشيخ الارض وشلون الشعر من قلبي يوصلـك =وانت الشعـر والمعنـى وكـل الحـب بأوزانـك
وشعري لو ظلم عمري انا ارضى بس من عدلك=لأنك من عدل بين القلـوب بوسـط وجدانـك
اقول الحب هذا الحب لو هو انسان يشبـه لـك=وانا اصلا ًمن عرفت الحب شفته بهيئـة أنسانـك
وأقول العز والمجد القديـم يضيـع مـن أجلـك=نعم مدام هـم عاشـو سنيـن اطـوال بأعيانـك
انا ما اقول من ترحل بكانـا بـس يدمـع لـك =أقول الله يعين عيـون تشـوف أجـدار دسمانـك
هو اكثر من حضن قلبك بهالدنيـا ويشهدلـك=بأن ياما زرعت الحـب والرحمـه مـن احسانـك
اذا ترحل تشوف أصوات كل النـاس تندهلـك=لأن قلوبهم تنـزل معـك فـي داخـل اجفانـك
ذخرت الحب ياجابر واشوف النـاس تذخرلـك=بكا مرفوع من صوت الدعاء يصعد على شانـك
تفارق فينا مو/ عنا وهـذا الشعـب يذكرلـك=بأنك واحد وتجمـع قلـوب الشعـب بأكفانـك
نعم حنا الفروع اللي تقـول ونجتمـع بأصلـك=رويت الارض وهم حنا ارتوينا بطيـب شريانـك
ياشيخ الارض مدام ان الشموخ يكون من فعلك=وهذا العز من تحت الاراضـي يكـون عنوانـك
لابد أنكون فوق الارض نمشي كلنـا بشكلـك=على نفس الشموخ ونفس طيب افعـال جدانـك