::|[ مرثيات : الشيخ جابر الاحمـد الصباح رحمه الله ]|::

كل راحل نفقده .. الا جابر ال صباح=من رحل جابر غدينا كلنا أرواحٍ فقيده
أمحق علومٍ لفتنا وباغتتنا في الصباح=بالدشوش وبالرسايل وأعلنوها بالجريده
قالوا بأن الشيخ جابر ..جاه يومه وإستراح=وقتها عليت صوتي ..رحمة الله في عبيده
ما يرده شق جيب وما يرده هالصياح=والمشاعر كل أبوها أصبحت فينا بليده
يالكويت ويا الكويت .. ما يفيد إبنا النياح=ولا يفيد دموع شايب .. يمسح الدمعه بإيده
جرحنا في موت جابر يعتلي كل الجراح = يندمي قلب ٍِ تداوى وصارت جروحه جديده
ياعيون الحزن إبكي وأدمعي بالارتياح =كل شخص ٍِ للمقابر وجهته هذي وكيده
الحزن زايد علينا .. مابعد حزني يزاح=الفهد والشيخ زايد حزنهم باقي نعيده
من حدادٍِ في حداد وحزننا يبني صراح =وكل حزن وكل كلٍِ.. مابقى شيٍِ اجيده
اشهد انك يالكويتي .. فاقدٍ ذيب ال صباح = المميز بالفعايل .. راعي علوم ٍِ فريده
بالنيابه عن وطنّا ننعي ونعزّي ما راح=يرحمة رب العباد ويسكنه جنه مديده

أهل الكُويت أفواج في قصر دسمان=فعيونهم لهفه وحسره وتخمين
ذاع الخبر ياليت راعيه غلطان=رحل حبيب الأمّه سنين وسنين
غم وألم واجراح وهموم وأحزان=القلب شعلة نار .. والدّمع في العين
مات الأمير , الوالد, الحر, الانسان=يبكيه شعبه والوطن والملايين
مات الزعيم اللي له العز عنوان=شمعة وطنّا والعرب والمسلْمين
( جابر الأحمد ) شان .. من مالهم شان=أبو اليتامى والضّعوف المساكين
معروف في المعروف .. واحسانه احسان=يمناه بيرق جود في العسر واللين
عطاه غيث يحوّل الجرد ريضان=حدود خيراته من الصين للصين
من دون حق الشعب مخلب ونيبان=ومن دون حد الدار شلفا وسكّين
قايد وفي حكمته للعدل ميزان =حق المواطن كاش .. ماياخذه دين
حصان وبن حصان وربوّة حصان=عزيز مايرضى الاهانه ولايهين
لاضاق صدر الشعب يظهر كحيلان=ماينشرح صدره وشعبه حزينين
مايشرب من العد لو كان ضميان=الين يسقي اللي على العد شفقين
الله يجعل قبره جنان في جنان=قلته ودمع العين في محجر العين

مرحوم ياشيخ(ن) له الطيب تذكار= اللى على شعبه يمد العطايا
يومن سمعت العلم فى كل الاخبار= هليت عبراتى بذيك الزوايا
اى والله ابكى شيخنا نسل الاحرار= رمز المحبه مال جابر تهايا
ماهوب انا ابكى غيرى اكبار واصغار= هذاك ابونا مسكنه بالحنايا
جابر ملاذ اللى عليه الزمن جار= قايد سفينتنا عظيم المزايا
يشهد له الشعب الكويتى والاقطار= خيره على بعض الدول له روايا
ياما كسا شعبن فقير(ن) ومحتار= ومن اولن يمشون شبه العرايا
وكم من يتيم(ن) عاش من مده الحار= خله حياته تزدهر بالهدايا
كل(ن) ذكر طيبه وفعله له اذكار= فيه الكرم ثابت وحسن النوايا
ليا عطا لله مداته اكبار= ماكان يرجى من عطاه الدعايا
شيخن يعديك المنايا والاخطار= يوم العدا شنو علينا الخطايا
كافح بجهده يوم صار الذى صار= بالمال والحكمه وزود الوصايا
رد البلد لاهل البلد وافى الاشبار= واعلن صداها فى جميع النحايا
ننعيك ياشيخن لنا والد(ن) بار= ماهى بدينا يوم جتك المنايا
الموت حق ولاعن الموت مفرار= امرن من اللى عالمن بالخفايا
الله يجيره من سنا واهج النار= عساه بالجنه حميد السجايا
تمت وصلى الله على خير الابرار=محمد الهادى شفيع البرايا

هم وغرابيل وأسى فجرٍ كئيب ودمعتين=ضيقة خواطر والحزن طاغي على موالها
مدري بكيت البارحه ولا خشعت بركعتين =ولا أنكسرت وضيقتي طاشت عليُ أبجالها
ولا توشحني ظلام الليل في لحظة يقين= ألها البشر ماهيب شفقانه ولاهي أبفالها
بألفين وسته شئم يوم الاحد لا الاحد الحزين=في ساعةٍ ينعي بها التاريخ موت أرجالها
جاني خبر موت الشجاع الوايلي أبن الامين=الشيخ جابر جابر العثرااات شيخ أجبالها
راع الوفا والطيب وأجود يد الشيخ الرزين=مافيه خصله طيبه في ذى الزمن ما نالها
أبو اليتامى راعي الفزعات والدر الثمين=أمعرب الجدين عم الطايلات وخااالها
قاد البلاد بحكمته في وقت عسر و وقت لين=حتى رقى القمه وداره فوق كتفه شالها
وأكبر دليل أن الكويت الحين ماهي بأي حين=شفها مع العالم تصدر فعلها وأقوااالها
فيالله ترحم شيخنا جابر بعطفك يا حنين=وأنك تغمد روحه الجنه وتشرح بالها
وأنك تخلي منزله يارب ويا المرسلين= وأنك توسع قبره اليا ضك به دجالها
لأنه أتقى شخص من بين العباد المتقين = ولأنه أعدل حاكم بدنياً كثير أهوااالها

(جابــر..) وياخذ صباح الكون من صبحه=ياليل غـــرّد ..((وعربد )) مابقى جابر
ياصبح انسى صباحك والبس الطرحة=ماعاد باكر .خلاص الليل هو باكر..
جــابر واحبّه واحس ان الخبر مزحه=ماكنت اصدق بأن الموت له قادر
ياموت ماتستحي..وش شفت.من قُبحه=من وين ماجيت يمّه..قلت ياطاهر..
هالقلب دونك..تخبّط ..ماخلص جرحه=والا انت غاوي تهد القلب للآخــر
ياما اليتامى ..لقوا تعريف للفرحه=والجوع كافر بكفّه يسلم الكافر
قبر يضمّك..انشهد ياكبر ربحه=نستبدل الغيم..بعدك بالثرى الماطر
عزاي ..ذيك الوجيه..الباقية سمحه=جابر..توفّى ولكن كلّهم جابــر..

راح شيخ ٍ مايمد إلا الجزيل = حي ذكره فوق الأرض وتحتها
جابر العثرات يالسيف الصقيل = مابقت دمعات لك مابحتها
ماعرفتك كود بالخلق النبيل = والصعاب ان جيتها طوحتها
جعلك بجنات خلد وسلسبيل = عد أسماء بالدعاء سبحتها
نحسبك من حسبة الوزن الثقيل = كفتك عند العرب رجحتها
نفتخر بك صدق يالقرم الدليل = الكويت بطيبتك وشحتها
جابر الأحمد ترى مالك مثيل = كم دروب ٍ جيتها سمحتها
شيخ مامثلك خبرت إلى قليل = شيخنا وشيوخ دار ٍ رحتها
نبكيك مثل الفهد صبح ٍ وليل = ومثل زايد دمعتي سيحتها
والله انه مابقى بالحيل حيل = الأرامل بالوفى نوحتها
العزا ذكر المواقف والجميل = في صفى التاريخ يبقى نحتها
رحت ياللي ماتمد إلا الجزيل = حي ذكرك فوق الأرض وتحتها

فجر الاحد والحزن عم الناس في كل الكويت=خمسة عشر يناير وميعادها بكتابها
وقع الخبر زلزل شوارعها وزلزل كل بيت= في جابر العثرات تشكي من عظيم مصابها
الحزن بعيون اليتامى مع اراملها قريت = تعانقت كل العيون دموعها باهدابها
يبكيك شعبك وارضك اللي فوقها عشت وربيت= واليوم في بطن اللحد ولحافك اغلى ترابها
اشهد شهادة حق ماقصرت ياالقايد وفيت= نهضة بلادي حكمتك ياشيخ راس اسبابها
ياما وياما من صروح المجد لبلادك بنيت=كل الامم تشهد تطور ديرتك وركابها
رغم الظروف الكايده قدت السفينه ماانثينت= تضحك ولو سود الليالي طايلات انشابها
للمجد قمه وانت في عزم وجزم فيه اعتليت= رغم انوف الحاقدين اللي ترف اشنابها
طويق راسي وانت مثل طويق ياجابر رسيت= في وجه عدوانٍ تشيل احقادها بثيابها
لاجل الكويت وشعبها ياجابر الخير انتخيت= مال الشدايد غير اهلها لا حزم كلاّابها
لاضاق صدر الشعب ساعه ياالصباحي مااهتنيت= ولا استّر صدر الشعب قلت كويتنا تهنابها
كلمة شرف قدم الامم لكويتنا فيها بديت= في عام تسعين اذهلت كل الدير واقطابها
لاجل الكويت وشعبها وترابها بعت وشريت = تفازعوا يااهل الشرف وكويتنا نـحظابها
الكل وقّف بآخر الكلمه وفي نصرك حظيت = كل الآيادي صفقت واهتز قلب اصحابها
خسيت يااللي في جيوش الحقد لبلادي غزيت = اقبلت وسهام المنايا موتكم باعتابها
ياللي حفرت الحفره اللي في نهايتها انتهيت= بشاية الله ردت الديره لكل احبابها
في قلب مؤمن يوم شفت ترابها لامانسيت= سجدة شكر لله جابر بارضها صلابها
يمناك لامدت شمالك مادرت باللي عطيت= ياالله عسى الفردوس تدخل من وسيع ابوابها
مامت ياامير القلوب بقلب شعبك به بقيت= شيوخها وكبارها وصغارها ونوابها
وبقلب مؤمن في قضاء الله وبأمره رضيت = الموت حق وكل نفسٍ يومها طلاّبها

العلــم طــوّح عــن عــيوني مبيتــي =والجــرح غــار ومــالقى مــن يداويه
ياعيــن أدري لا بكيتــي ،، بكيتــــي=ويا قلــب جمــرك عيت العيــن تطفيــه
ويا ليــلتي للصبــح كيــف أحتريتي؟=وآل الصبــاح اليــوم مفقــود غاليــــه
جاني خبــر مــوت الأميـــر الكويتي=والمـــوت لاحيــــه ولاحــي طــــاريه
لا يا المــنــايا مــا هبيتــي وجــيــتــي=جيتـي بحـكـم الــلـه.. درب ٍ ونمشيه
ويا كويت حزنك ظــاهر ولــو خفيتي=الحــزن نثـــّـر بالمحــاجر مــواريــه
تصبــري وإن كــان به مــا قويــــتي=مـــاني بسايل ليــه دمعك كــذا ليــه؟
كــــل الخليــج اليــوم كــانك دريتــي=حــزين من فــرقا أميــرك ويــبــكــيـه
ندعــي لــه الله بالخــفا وان دعيتــــي=جعــل الــولي يغفــر ذنــوبه ويجــزيه
ويا شعــــر لاهيّضت قــافــي وبيتــي=اطلبــك طلبــه لايجــي بيـــت ترثيــه
جــــــابر هنا بالقــــلب ما هو بمــيتي=في كــل شبــر ٍ مــن ديــاره وأراضيه
جــــــابر هنا يــا أرض لا مــا خذيتي=مادام ذكــره حــي ماغــاب يكفــيــه
ويا دار أنا مــاني سعــودي... كويتي=وكــل الخليــج الـيــوم يقبل تعــازيه

تبكي الكويت وحزنها فقد جابر=والكون كله سابح بدمع فرقاه
صبح الأحد ذاع الخبر في المنابر=وكل البشر تطلق بصرخاتها الآآآآه
الشيخ جابر مات والموت عابر=ومن عقب موته يبكي الكون بلواه
بلوى عظية لكن القلب صابر=على حكم ربي وصبر احتسبناه
مرحوم ياشيخٍ اصيل ومثابر=حقق لشعبه كل عزٍ بتقواه
هنيلك ياتراب ساكن مقابر=جابر سكن وسطك وروحه لمولاه
يالله عسى ربٍ كريمٍ وخابر=امور خلقه ومابها شئّ يخفاه
يغفر لمنهو بخاطر الناس جابر=ويجعل جنان الخلد داره ومثواه

خمسة عشر في الحج ياشين ليله = وسته بعد عشرين ياعام الأحزان
فجر الأحد عشنا بهمه وويله = يوم أعلنو فقده وينعاه ديوان
( جابر الأحمد ) فيه نبكي رحيله= وتبكي عليه أمَه وتبكيه بلدان
وتبكي على فراقه سنينٍ طويله= فيها خدم لأرضه ودينه بالاحسان
لو يرجعه دمعٍ ذرفنا هميله= وبدمعنا نسقي فيافي ووديان
حكم القدر لاشك مافيه حيله= لابد جوره تشهده كل الأعيان
راح الفهد ثم راح جابر قفي له= اللي على رووس الزعامات عنوان
مرحوم ياشيخٍ فعوله جليله= أغلى الكويت وعزها كل الأحيان
قدَم جهودٍ مالها من مثيله= تبقى بتاريخ العرب دون نسيان
يارب جابر جاك كرَم نزيله= شيخٍ يحبونه صغارٍ وشيبان
وأكتب له الجنه حياةٍ بديله= وأجعل مقره بين روحٍ وريحان