|
|||||||
| خيمة الشيلات الشعبية و القصائد الصوتيه والمحاورات شيلات ، شيله ، شيلة ، شعر ، شعراء ، أدب ، شعبيات ، صوتيات ، الخيمة الشعبية ، هجيني ، هجينيات ، هيجن ،أغاني ،أدب شعبي ،الشعر ، صوت ، حداء ، لعب ، أصوات شعبية ، شعبيه ، قصائد صوتية |
 |
|
|
أدوات الموضوع |
|
#1
![[ Thanks Pink & Candy 3hood ]](images/Pink-Candy/Pi-Ca-76.gif)
11-01-2007, 10:39 PM
|
||||
|
||||
يبه شلونك يبه شلونك ملل هالكون من دونك !!!(صوره وقصيده مؤلمه )
السلام عليكم ورحمة الله وبركاته
 وكأن البنت تكلم أبوها وتقول يبـه شلـونك يبه شلونك...ملل هالــكــون من دونك .. يبه شلونك ؟؟وتمضي رحلة الدنيا.. بليا طلة عيونك..؟؟!! يبه شلونك ؟؟وشلون المرض وياك ؟؟ بعد ماهدك بدنياك..عساها تغمض جفونك ؟؟ تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟ .. يبه امي تخيلك دوم...تغني لك مع القمرا.. يبه واللي خذاك بيوم....خذا بنيتك بكرا.. خذا.. وياماخذا.. وياما..خذا ناس يحبونك يبه حنا صرنا كبار..توفقنا وتخرجنا.. يبه ماعاد فيه صغار..يموج بهالزمن كل شي.. وحنا ماتموجنا..على ذاك العهد نسري.. نبيع العمر والدنيا..ولا تخلف بنا ظنونك يبه شلونك ؟؟تبي تدري عن اخباري ؟؟ عن افكاري وتذكاري ؟؟ اشيلك داخلي جمره ..وبعيون الحزن عبره..تغرقني .. وتحرقني.. اشوفك نجمة تجبر..مراعيها .. يراعيها.. واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى !! يبه تذكر زمان مر؟؟ يبه تذكر مجالسنا ؟ مقلطنا ومجلسنا ؟ وحارتنا ومسجدنا ؟ يبه تذكر هدايا العيد ؟ صلاة العيد؟ وبشت العيد؟ يبه تذكر سوالفنا ؟ لاجل هذا .. وكل هذا .. اقول اليوم يايبــه .. ملــــــــــــــل هالكون من دونك يبه وينك ؟؟ .... ولهت لنظره من عينك .... يبه وينك ؟؟ اشوفه طوّل غيابك !! ... و من ودّاك .... ما جابك !! قالوا ما يدوم الزين !! ... و انا عندي امل للحين .. و لكني اعرفك وين !! يبه وينك ؟؟ عسى الداعي يبه بس خير ؟!! عساك بخير .... مداين تكرم لعينك ... بس ارجوك علمني ... علمني .. يبه وينك ؟؟ سألت امي عن رجوعك ... ولا كني اعرفك وين !! و قالت .. ما يدوم الزين !! ... و انا .. عندي امل للحين .. في رجوعك !! .... يبه بس تكفى علمني .... متى رجوعك ؟؟ .... يبه بس تكفى علمني . وش احلى من طلوع اثنين ؟؟ طلوع الشمس .... و طلوعك يبه وينك ؟؟ سألت امي ...... غيابك طال ؟؟ ولا كنّي اعرفك وين !! و قالت مثل ما قالت .. حسافه ... ما يدوم الزين ... مع كل هذا صدقني .. انا عندي امل للحين !! سؤالي عنك يالوالد .. صار كما الموال و اشوفه طال ... والله طال .. حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه .. يبه .. ارجوك علمني ... تشوف اللي انا اشوفه ؟؟ انا اشوفك نهار و ليل ... في وسط المجلس تصلي .. و تدعي الرب ييسر لي .. يبه .. ما عاد بي من حيل .. وين الحيل ؟؟ و انا اشوفك نهار و ليل .. مع اني ادري ما ترجع !! غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !! يبه .... وينك ؟؟ و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك .. و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !! يبه.. كل جرح في الدنيا .. مصيره بالدوا يلتم ... و لكن البلا من جرح .. نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!! ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما تـلتم .. بس عندي امل للحين !! ... و لا كنّي اعرفك وين !! يبه .. ذكراك تفرحني .... في نفس الوقت تجرحني !! ... لا من جبت في طاريك ... دموعي غصب تفضحني .... يبه .. تذكر ليالي الصيف ؟؟ عرس الحي .. و رقص السيف ؟؟ و كرم قلبك معَ هـالناس .. كل ٍ كان في بيتك ضيف .. الا يا حيف .... الا يا حيف .. زمن قاسي .. زمن قاسي ... اخذ مني بلا رحمه ... اخذ مني اعز ناسي !! و خلاّ لي سهر هالليل .. في عيني ضيف .. الا يا حيف !! يبه وينك ؟؟ تعال و شوف ... كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف .. يبه وينك ؟؟ تعال و شوف .. صحيح الدنيا ما ترحم .. تجرعنا التعب انواع ... و لكن الأمل ما ضاع .. و انا عندي امل للحين !! ... و لا كني اعرفك وين !! يبه تذكر شطانـتـنا ؟؟ انا و اخواني و اخواتي ... معانا عيال حارتنا .. نلعب في زوايا البيت .. يبه ... والله انا حنيت .. لذاك الوقت في وجودك ... الا يا ريت ... الا يا ريت ... ترجع .. يا يبه حنيت .. حسافه الدنيا ما ترحم ... خذت منا سعادتنا ... خذتك بعيد .. و خلتنا !!! يبه امي تذّكرنا ... بأيامك قبل ما تروح ... تناديها.. يا روح الروح .. تغازلها و تنظر لك .. مثل طفله ... ملامحها عشق مفضوح ... في ذاك الوقت .. كنا صغار ... معَ هذا ... كنا نغار .. عليها .. او بعد منها ... كنا نغار نحبك يا يبه ... ارجع .. مثل شمس الفجر .. اطلع حزينه الشمس في غيابك .. و نفس الحزن في احبابك .. واخاف الشمس من حزني .. تغيب و ما بعد تطلع !! .. يبه ارجع !! ... اذا لي خاطر فـ قلبك .. تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم .. لكن قلّت الحيله ... و يمكن مـ البطا ضاعت .. و قلنا يوم !! يبه سامحني بترخّص ... قبل ينشف حبر الأقلام .. كلامي بعده ما خلّص .. و لكن موعد الأحلام .. حان .. ولازم اوفي له.. بعد ما ضاعت الحيله .. اشوفك والوعد باكر !! اذا فكّر يجي باكر ..!! .. و برجع اسألك وينك !! بس لازم تجاوبني .. ترى عندي امل للحين !! .. و لا كني اعرفك وين ..!! يبه شلونك ؟ ملل هالكون من دونك يبه شلونك ؟ وتمضي رحلة الدنيا ... بليا طلة عيونك لاجل هذا ... وكل هذا ... اقول اليوم يابـيـي ملل هالكون من دونك النص من أجمل قصائدالشاعر مسفر الدوسري هي قصيدة كتبها رثاء بوالده رحمة الله عليه وهنا القصيدة صوتية بهندستين هندسة المحترم وهندسة M300SEL اختكم في الله الاترجه   ــــــــــــــــــــــــ 
|
|
#3
![[ Thanks Pink & Candy 3hood ]](images/Pink-Candy/Pi-Ca-2.gif)
11-01-2007, 11:34 PM
|
||||
|
||||
وعليكم السلام ورحمة الله وبركاته
ياهي حزيييييييييييييييينه تقطع القلب وربــــــــــــــــــــــي  الواحد مايسيطر على دموعه امامها الله يرحم اموات المسلميـــــــــــــــن  اختي الغاليه الاترجه مواضيـعك كالدرر لاهنتي يالغاليــــــــــــــــــــــــــــهـ الحياه أصناف وأنواع وصفات رحلتن ماهي على حسب الطلب طاعة الله مع رسوله والصلات واهني اللي حفظهن واكتسب والله إنه ماعلى الدنيــا حلات لونبت في عشب أراضيها ذهــــب اختبارن للنفوس العاصيات ومن غرق بذنوبها يعني رسب في حياتي أسأل الله الثبات وفي مماتي يغفر الله ما كتب ملاحظـه : يمنع ارفاق الصور النسائيه في المنتدى و سيتم ازالة الصور المخالفه من قِبل الادارهـ دون الرجوع لأصحابها
|
|
#4
![[ Thanks Pink & Candy 3hood ]](images/Pink-Candy/Pi-Ca-106.gif)
12-01-2007, 02:04 AM
|
|||
|
|||
|
قصيده جميله وانشاد اروع سبق لي ان سمعت هذه القصيده بانشاد اخي الغالي ابونواف في
شريط (( عذب القوافي )) ان لم تخني الذاكره  تـنـعــاف ديـــره ما بها همس صوتك حتى لو صارت بساتين وانهار مواضيعي برعاية -:  
|
|
#5
![[ Thanks Pink & Candy 3hood ]](images/Pink-Candy/Pi-Ca-89.gif)
12-01-2007, 04:39 PM
|
||||
|
||||
|
انا جرحي غريب الطور !!!
ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما تـلتم .. بس عندي امل للحين !! ... و لا كنّي اعرفك وين !! يبه .. ذكراك تفرحني .... في نفس الوقت تجرحني !! ... لا من جبت في طاريك ... دموعي غصب تفضحني .... يــــــــــاربــي....تقطع القلبــ...الكلماات والالقااء بعد..  الله يرحمه يااربـ ..ويرحم االمسلمين اجمعين ..._ مشكوووووووره مشكوووووووووووره غلااااااي على هالابداااع الي انفردتي فيه ..  مودتــي لكـي... ـالـمـــــــــــــــــــزن..  / /  /  /  / / [ معــآكـ .. لين تشوـوـوف .. البيرق ، بيمنــآكـ ،]
|
|
#6
12-01-2007, 05:14 PM
|
||||
|
||||
|
يبه حنا صرنا كبار..توفقنا وتخرجنا..
يبه ماعاد فيه صغار..يموج بهالزمن كل شي.. وحنا ماتموجنا..على ذاك العهد نسري.. نبيع العمر والدنيا..ولا تخلف بنا ظنونك يبه شلونك ؟؟تبي تدري عن اخباري ؟؟ عن افكاري وتذكاري ؟؟ اشيلك داخلي جمره ..وبعيون الحزن عبره..تغرقني .. وتحرقني.. اشوفك نجمة تجبر..مراعيها .. يراعيها.. كلمات هلت دموعي بعدها بارك الله فيك أختي الأترجة أسأل الله وفي هذه الساعة المباركة أن يرحم أبي ويكرمه بالفردوس الأعلى وأن يتجاوز عنه وأن يرحم موتى المسلمين ^ ^ ^ ^ بل أكثر من رائع ^ ^
|
|
#8
13-01-2007, 01:56 PM
|
|||||||||||||||||||||||
|
|||||||||||||||||||||||
ياهلا بالعود الأزرق أيوالله صدقتي نسأل الله ان يكون في عون كل من فقد والده او والدته او كلاهما ومرورك هو الأدر <<ماتعرف ترد : ) حيك الله وبياك عزيزتي
|
|
#9
13-01-2007, 02:30 PM
|
|||
|
|||
|
الأترجه مشكور اختي العزيزه على نقلك الرائع لهذا الشاعر
وفي الحقيقه الصوره أبلغ من أي تعبير لاهنتِ ولاهان شديد العزايم تحيتي واحترامي أبو يــــــــــاسر الباسقه والبارقه والحارقه ,,, جديدي
http://www.5ymah.net/fm/showthread.php?t=29705 al_whm1@hotmal.com al_whm1@yahoo.com al.whm1@gmail.com al_whm1@alyahya.org
|
|
#10
13-01-2007, 02:55 PM
|
|||
|
|||
|
مشكور قصيدة مؤلمة
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | الأقسام الرئيسية | مشاركات | المشاركة الاخيرة |
| يـبا شلونك ؟ يـبا شلونك؟ مـلـل هالكون من دونك "فلاش" | حبحر | خيمة الشريط والتسجيلات الاسلامية | 6 | 22-04-2006 03:46 PM |
| يبه شلونك ملل هالكون من دونك نشيد اكثر من رائع | الولد البار | خيمة الشريط والتسجيلات الاسلامية | 1 | 15-04-2006 02:46 AM |
![[ Thanks Pink & Candy 3hood ]](images/Pink-Candy/Pi-Ca-88.gif)
