::..:: يـا راكـب الـي للحيـا خيالـه ::..::

يا راكب الي للحيا خياله=الي ليا ساقت تجيب ضلاله
فرعاً سنيدن مارق غاربها=خفاقتن حسكيتن جلاله
وطيفتن لا موحت بخفوفها=من كبر ما طاها تثير الهالة
مكنورة الفخذين راهيت النحر=وطفن بإيدها تعسم الغياله
(آذانها من فوق هامة راسها=مشوذر رحيان ابو دقاله)
(وسم آل ابو عليان بيمن فخذها=مطرق وحيه والوسم دلاله)
(من طيب ابوها المهتوي فاهقها=تشعف هلا البارود والحياله)
(هزعية السرجووف من هزعية=متسلسلة من حايري الخاله)
(أسلافها .. مع العقيلات نوخن=واستوخلن مع صيرمي الهاله)
(مربعات في حمى من قااادها=في ضل سيفه نوخن بضلاله)
قل هيه يا لي راتسب من فوقها=من دار زومه يا ولد هلاله
اعبر بها ملح الجريف وشرق=يا ما تجي ديرة علي وعياله
هاثم شمل يا نديبي شمل=يم المزاين في شمال الداله
لنا عدادن في عدود عده=متحيزين ابها تخوم الهاله
مهضلين فلولها من الزلعا=وفياضة الصمان وي تواله
(تقوده مريعه على محبوبه=والغالي مزوعان يجر عقاله)
ذو دن يموح الأرض يادفع البلا=هرش الصفايح للنقاء فلاله
علط الرقاب مطوبرات كنهن=مخوفري الباش ابونشاله
شلع الزواير معدييييت الهقا=فجحن من السيقان للوباله
مرتاحتن في مشيها لا دفلجت=يطرا على الهاجوس ما يطرا له
مشرهفات الاذن خفقات اللحا=تفدح فداااح اليا اوحت الهوباله
لا شاشهن الصيرمي وصيح=كن الضوار تنهش الذياله
يا طيبهن يا محزمي يا طيبهن=سلالة ما هيب واي سلاله
يا ما حلاهن في فياض مزهر=فيه ام سالم تسحب الحداله
(عز لنا ونشيلها عز لنا=ذيدان ربعي عاربين الطاله)
ماهن جلايب ويعقب سوامهن=من فوق خشمه وتخسى الدلاله
عطية الله مانتشلوح دونها=بالسيف نحشاها وابو محاله
مركن لها آل الشيخ راع الأوله=وأبو محمد فالنا من فاله
راع الحلايا من جهابذ قومي=بني تميم مهبطين الهاله
أهل الوبر وأسياد اهلها حنا=أي واعقبوا يا ملفقين القاله
السبع الي ضافرين السبع=يا علهم للطايله والطاله
(اهل الظفر واهل السعد نقنا الهوي=بمشلهب الشذراي والصقاله)
حزناه بدو والبدواه سلمنا=متصدرين وفعلنا يراوله
والحاضره يوم وطينا ركبها=سفيهنا مع سبته يرثاله
ترتسا ملوك من السلاله للسلا=هامة مضر (والهايفة عياله)
وختامها يا سامعيني صلوا=على النبي الهاشمي وي آله

اقتباس   المشاركة الأصلية كتبت بواسطة أحمد العبدالله شكر شكر اخوي وعافك ربي قصيده جميله وسلمت يا التميمي يستهلون بني عمومتي تحيااتي لك اخوي

اقتباس   المشاركة الأصلية كتبت بواسطة تمام اللهم صلي وسلم على على محمد ماشاء الله تبارك الله الله لايضره قصيده جزله من جزل صح لسان ابن العم يستاهلون عصابه راسي ولاتهون باقي القبايل سلمت يمينك ياولد العم على اتحافنا بهذه الرائعه لاخلاولاعدم

اقتباس   المشاركة الأصلية كتبت بواسطة ترانيم الحجاز قصيده رووووووووووووعه تشكر أخوي وصح لسان الشاعر إلقاء رااائع الله يوفقه إن شاء الله ..

اقتباس   المشاركة الأصلية كتبت بواسطة ابوعبدالله22 صح السانك ولاهنت