(( ديوان امير الشعر الغزلي / محسن الهزاني ))

بروق تلالا

(18بيتاً على بحر المسحوب)

رواها : ابن عبار في (قطوف الازهار)

يالله بـ نو مدلهم الخيـالا =طافح ربابه مثل شرد المها الزرق
لي جا على البكرين بني الحلالا =ولى عاد لايفصل رعدها عن البرق
يسقى غروس عقب ماهي همالا =حط الحريق ديار الاجواد له طرق
اسقى نعام ثم يملا الهيـالا =يصبح حمامه ساجع ساجع يلعب الورق
جريت اناصوت الهوى باحتمالا =في وسط بستان سقاه اربع فرق
طبيت مع فرع جديد الحبـالا =وضهرت مع فرع تناحت بي الورق
روشن(هيا)له فرجتينن شمـالا =باب مع القبله وباب مع الشرق
ومبسم(هيا)له بضلام اشتعـالا =بين البروق وبين مبسم هيا فرق
ياشبه صفراً طار عنها الجـلالا =طويلة السمحوق تنزح عن الورق
له ريقً احلى من حليب الجزالا =واحلى من السكر الى جا من الشرق
حنيت اناحنة هزيل الجمـالا =ينقض روي الخيل قد مسه الفرق
وياقلته في عاليات الجبـالا =ماها قراح ميرمن دونها غرق
ماعاد لصبيان فيها احتمـالا =من كود فرقاها يديهم لها طرق
قالو تتوب من الهوى قلت لالا =الاان تتوب رماح علوى من الزرق
قالوا:تتوب من الهوى قلت:لالا =الاان يـتوبون الحناشل عن السرق
قالوا:تتوب من الهوى قلت:لالا =الاان تتوب الشمس عن مطلع الشرق
اخذت منها حبتينً تتــالا =يوم ان نسناس الهوا تطرقه طـرق

ياخرداتً ناطحني ضحى العيد =ماهن عن غزلان الافلاج ببعيد
من هن ؟ قال مورد الخد والجيد =اشتر جمال اليوسفي قلت انا : بيش
قالت تكلم قلت بالروح والحال =وبكل ماتملك يميني من المال
وبكل مايرضيك ياطيب الفال =تبيع ياصافي البها قال لي بيش ؟
ومنهن قال مورد الخد ياشيت=دش الغرام وسر معانا الى البيت
فاستانست روحي للاحباب واشفيت =باغي مواصل لابسات البرابيش
قالت لداياتً لها من ورا الباب =هو ذا المولع في هوى تلع الارقاب؟
قالن نعم ياسيد غضات الاشباب =واقفيت قالو ياصبي قلت انا ويش ؟
قالو تعال ان كنت للزين طالب =اشتر قماشً ماجلب بالمجالب ؟
تراك ياشاريه بالفين غالب =مدلول معسول اللمى سايح الريش
اقفى وشديت الشبك والعشارق =شفقً على لاما الخليل المفارق
يقول لي سلطان خن المفارق =خل الشبك واقضب متان العكاريش
شديت مقذوله وهزيت ريشه =وكشفت عن صافي الجبين الكريشه
يوم التقت فرسان جيشي وجيشه=راحت على جيشه تغني شوابيش
قلت المواصل قال مافي يدي حيل=مماتبي وامهل علينا الى الليل
قلت الرهانه قال دوك المفاتيل =الطوك والمفرك ولياك تطريش
وقفت عنده ساعة قال اساليك=باللي عن اسباب المنايا يعديك
من مولع به قلت انا مولع فيك =اغضى ولجلج بالعيون المداهيش
عفرت به في ماقفه قال لياك=تفضح محب عقب مافرح بلقاك
قلت ان قصدي رشفة من ثناياك =والحروه ان عاد من الغير مابيش
مرسول قل له من محب جوابه=ولايسمعك من كان جرح الهوى به
فانه اذا ماسد للواش بابه=ثم انشده ياطارشي هو يمنيش
اعفر متركا عنه ماني بــ سالي =ريقه كما در الحليب العسالي
حلفت مايمشي على اخذ الرجالي =احب واغلى منك يابوعكاريش
اعفر متركا زارني في مقيلي=متغطرفً كنه ظبي السليلي
ياغص تفاح بحمله يميلي =فتشت في ذا القلب بيديك تفتيش
اعفر متركا هسته في ذراعه =فوق الردوف مجدله فرق باعه
واسعد ابومن عانقه كل ساعه =يشرب من الغر الثنايا المباهيش
اعفر متركا زارنا ثم شفناه =كن القمر متشعشع من محياه
ريقه عسل بين الشفايا رشفناه =درب علينا والردى فيه توحيش
حيلته يعفر خاتمه في مداسه =واثر انقطع رمانة من لباسه
يازارع زرع الحشا ثم داسه =هب الولام لناقضات العكاريش
الله يلوم اللي يلوم المحبين =خص ً الى من كانهم مستشبين
ولاهم من طرق السفاهه مغبين=واوراحهم راحت دقاقً دقاريش
هنيهم عقب الفراق ان تلاقو =من سلسبيل ارياقهم قد تساقو
فالى ارجهنو عقب خمر وفاقوا =فحب فــ تلميس بالايدي وتفتيش
هلت دموعي ثم زاد انزعاجه =شفق على طفل المها بالمواجه
واقفن عني ماتقضيت حاجه =والهقوه اني عقب الاطفال مااعيش

سرياسحاب الخير وامطر بالاحسان=وامطر من الكوثر صباحً وعصري

منشاك من طيبه بروحً وريحان=برد النسيم مذعذع باالشمطري

بامر الذي ان قال للشي كن ، كان=هطال يحيى من نما كل بذري

يصبح نعيم النبت مختلف الالوان=مشعشعً نوره بالاثمار خضري

مقام من له بلحشا روض نعمان=قطف رواعيها رقاب البختري

غرو زرع بموجل القلب بستان=نوابع اشجاره بالايغام خضري

من يوم قالوا شيل من بين الاضعان=وعنانتي من صوب لحدٍ وقبري

فقت ظعونه صوب معمول الاركان=عقب الموده ليس يرعى لصبري

ليت القبر عن شوق ذا القلب نيبان=ويش الذي بمورد الخد يمري

ياقبر ماتنباج ننظر بالاعيان=صفوة هل الدنيا بحسن نظري

ياقبر هذا يشبه لحور الاعيان=غروٍ نزل يحكم به الموت سكري

ياقبر هذا سيد غضٌات الابدان=هايف ومهضومٍ لوسطٍ وخضري

ياقبر هذا نور عيني بالاوطان=قرٌة عيوني بين بدوِ وحضري

ياقبر هذا مدة شهور وازمان=عليه دمع العين بالليل نثري

حطُوه في أظلم لحودٍ وغيران=بلحلٌ يامن له مع الحور قصري

قصرٍ فسيحٍ بين طوبى وعدنان=في جنة الفردوس وانهار تجري

ياموت ماتاخذ عن الشوق الاثمان=بحكم بكل شيًٌ وانا منك بشري

اعطيك بغدادٍ مع ملك سبهان=خزاين الشامين مع ملك مصري

وبنادر الشاهات والهند وعمان=والبصرة الفيحا مع ملك هجري

مع كل مايجنون حضرٍ وبدوان=اسوقهم باللي كما خدٌ عفري

ياورق ماتبدع غريبات الافنان=باح العزا حيثك بشكواي تدري

عذري ولوجاوبت ورق بالالحان=لونحت نوح الورق وا كبر عذري

كم عاقلٍ قلبه من العقل مليان=فاجاه من عقب السكات التهذري

يالايمي صابك من البين ما بان=تاتيك غارتٍ على غير تدري

دنياك ماتصفي لحيًٌ بالاحسان=الاان سقته من الشري والسقطري

قبل نبيً الله بنى بيت الاحزان=وبكى على يوسف والفُراق عسري

ياعين هلي دمعتك فوق الاوجان=مثل المطر ينهل من فوق حجري

وابكي حبيب الدمع من موق الاعيان=تزفير عبراتٍ تلاحب بصدري

هيهات لي هيهات مما تبلاٌن=طال الفراق وزاد بالبعد هجري

ماظنتي القى عشيري ويلقان=الابيومٍ شاخصٍ فيه بصري

عليه وجدي وجد من راح بسفان=بوسط البحرشحٌت من الموت خطري

واشرف عليه الموج من كلٌ الاركان=حاديه عاصوفٍ من الريح نهري

او وجد من له قدر عايض مربعان=جاه الطبيب وقال مافيد نصري

ايٌس وقال اللي كتب بلقلم كان=وماكان مكتوبٍ على العبد يجري

وعجٌل عليه الموت للروح ديان=كم واحدٍ في الناس فاجاه عذري

ياربنا مامن .. من الموت جزعان=والموت مكتوبٍ على العبد يجري

والموت لارواح المخاليق ديٌان=مايندفع من بعدعسرٍ ويسري

غارت خيول الموت ركضٍ بلارسان=والعبد منها غافلٍ ليس يدري

لكنٌ غض الطرف سحٌاب الاردان =لواحتمل عند امتناعٍ وصبري

الى ذكرت انٌه بملفوف الاكفان=خذه عني الموت غصبٍ وقسري

ياليت ملك الموت من حين فاجان=مضى بنا وياه عبرٍ بعبري

ماابغى حياةٍ عقب مريوش الاعيان=وزهدت في دنياي لوطال عمري

عسى تجي روحي وروحه بيمنان =يوم القيامه يوم حشرٍ ونشري

صلاة ربي لنبي سيد عدنان=عد الرياح ومالعى ورق قمري

من ناظري دمعي على الخد مسكوب=ومن الحوادث شاب راسي وانا شاب
لالذ لي زادً ولاحلو مشــروب=ولالموق العين طاب الكرى طـــــاب
لاشك مايجري على العبد مكتوب=طول الزمان وكل شيً له اسباب
وانا سبب قتلي ضحى شفت رعبوب=يضحك ويومي لي وهو من ورا الباب
من قبل شوفي له وانا كان اباتوب=ومتٌركٍ عني هوى تلع الارقاب
هايف حشا عنقه كما الشاخ مسلوب =والردف عزاٌلٍ لوسطه وجذاب
ومبيسمٍ كنٌ العسل فيه مذيوب=ان ذاق سلساله ضجيع الهوى طاب
والعين خرسا كنها عين يشبوب=وجدايلٍ من فوق الامتان سكاب
طرشت انا لمورد الخد مندوب=يقول لي مرسول معسول الانياب:
ترى خليلك قال لي قل لمحبوب=عينه تباري للقمر خامسه غاب
وانسبت له في جنح ليلٍ ولاهوب=عيب الى خل على خله انساب
لولا الحيا نطيت من راس مشذوب=وانوح نوح الورق واجيب ماجاب
وقطفت ورد فيه بالناز مكتوب=كالأس ياسي له لمن كان طلاب
وخلي سقاني كاس وصله على الدوب=وبنيت له في مسجد القلب محراب
قولي انا من عقب مادار دالوب=وصرف النيا وافق بتفريق الاحباب
لاحزن يعقوب ولاصبر ايوب=حزني ولاصبري على تلع الارقاب
ياالله يامولاي ياخير مطلوب=ياللي الى ماساله العبد ماخاب
تجعل موازين المحبه على الدوب=بيني وبين مورد الخد بالباب
ختمي صلاتي عد ماسار مندوب=يمشي بعقد الصلح مابين الاحباب

بيني وبين صويحبي وقة احوال =يامن يدير الصلح بينه وبيني
اعطيه ماتملك يميني من المال =واجعل مقرة بين جفني وعيني
ياليلة بتناه في شهر شوال =بتنا ولاشٍ حال بينه وبيني
الابريم الريش والطوق وهلال =ونويهداتٍ كنها الفرقديني
فالى تنبه مغزل العين لي قال =من ذا حضينه قلت هذا حضيني
لي شدوا العربان فوق اوضحٍ شال=فج مابين المراجل ظعيني
يرعى بسبعمايه وسبعين خيال=حامينها بمذلقٌات العريني
مرباعها مابين ابانات والخال =ناحين عنه الدوسري والحسيني
ماهم بنجع بريه جمٌاعة المال =علوى هل الردات ياشيب عيني

غناالنفس معروف بترك المطامع =وليس لمن لايجمع الله جامع
ولامانع لمايعطي الله حاسد=ولاصاحبٍ يعطيك والله مانع
وللفتى ارجا من الدين والتقى =وحلم عن المجرم وحسن التواضع
وصبر على الفايت ولو راس ماغلا =فما فات من الافات ماهو براجع
فهل تدفع البلوى وهل تمنع القضا =فما للذي ياتي من الله دافع
الى عدت ماتدفع بالاوزا مهمه =ولايرتجي ياصاح منك المنافع
سوا أن عشت دنياك اومت واحد=ولاانت في غدٍ لأحدٍ بشافع
لاتبدي اسرارك لغيرك فربما=يلومك من لافيه مافيك رامع
ولاعزٌ الافي لقا كل متعب =بسمر القنا والمرهفات القواطع
دع الناس من لايبتدي منك رقه =وماالناس الاٌ من حسود وشانع
واحذرك عن درب الردى لاتبي الردى =فتصبح طريح بين واش وشافع
تشمت عليك عداك في كل مجلس=وكن عاقل واترك كثير المطامع
فكم واحد يمدحك في حد حضره =وهو ربما في عرضك ان غبت راتع
يرميك بلبهتان والزور واحد=من العقل جيعانٌ ومن الجهل شابع
ياشيت مالي حيلة غير انني =على شاطي الجرعا امام الخراوع
اكفكف دموع آلم الكف كفها=لها بين ملقا صحن خدي تتابع
فقلت لركب شدوا اكوار كنس=عجا بالبرا ياركب روس الجراشع
اقيفوا كزج الحبر ياركب ساعة=على الطلل البالي لعلي اوادع
رسومٍ لسلمى آنس البوم ربعها =وامست خلاف الأنس قفرٍ بلاقع
بها هام قلبي واستمالت صبابتي =وغصن الرجا مني له الياس هازع
فـ لمن احق العرف مني منازل = اشارت بتسليمي اليه الاصابع
منازل لمن له في حجا الروح منزل =وفي كل وادي من فؤادي مواضع
خليلى قم لي في دجا الليل بعدما =جفا النوم عيني والبرايا هواجع
ودارت دواليب الهواجيس خاطري=ومليت من حلوى لذيذ المضاجع
فلا الوجد معدوم ولاالصبر موجد=ولاالهم عن وادي فؤادي بـ ناجع
سل الله بالانفال والحج والضحى =وباللي الى احياه نلقاه شافع
خلاف الجفا والهجر والياس والرجا=بالاقدار يسقي دار وادي المجامع
سبعة اسابيع على دور ثامن =بنجم الثريا ثم بالصرف تابع
بنو عريض خالي اللون مظلم =منه الفرج يرجي الى شيف طالع
لكن ربابه حين ماينثر السدى=جنح الدجا ريلان صم المسامع
نهاره كما ليل بهيم وليله =نهار من ايضاح البروق اللوامع
الى ماغشى وقت العشا بعدما نشا = صبا له من المشرق نسيم الذعاذع
حبذا الى هذا وهذا رفا لذا =وهذا لهذا بالموازين تابع
وزلزل وعزل به رباب ونزل =بسجر وزجر مثل ضرب المدافع
وخيم كما الحندس وغيم وديم =الى حيث مايبقى بالاوطان جاضع
وصكبت وسكب ثم بالغيث ركب =وغطلس توطا من الوطا والمرافع
وثار غبار الارض من ضرب ودقه =وضجت منه الجازيات الرواتتع
وسط الغثا شروي لنا بيش عنصل =على كل جزعٍ فوقه السيل جارع
سقى البطن والبطنان والعرض بعدما=من الوبل تخضر الغصون الرعارع
بسيح وتسكاب الر حيث مايشا=يجي اتلحول والما في خباريه ناقع
لنا ديرة من حل في ربعها امن =ولابات في قلبه من الخوف رامع
جنوبيها برك وشمال يحدها=نساح لها وادي بريك مزارع
الى ماانقضى النيروز فيها وخوضت =مطافيل غزلان المها كل خايع
سقاها الحيا في ليلة بعد ليله =من المزن هتان حقوق الروامع
ديرة شيوخ من عرانين وايل =لها باللقا يوم الملاقا وقايع
كم واحدٍ تخشى الخماسين باسه =جعلناه قوت للنسور الهلايع
باموالنا نشري من الحمد ماغلا = وبارواحنا يوم التلاقي نبايع
وبالمن مانتبع عطانا ولابعد =على الغيظ قلنا ذا به البر ضايع
ذا قول من لاهو بـ راعي سفاهه=ولاداس يومٍ لابسات المقانع
فـ يانفسي ريحي واطمئني جلاده = وكل ابن انثى من لظا الموت جارع
من الله مرتهبٍ الى الله راغب =وبالله معتصمٍ والى الله راجع
فـ يالله ياعلام الاسرار والعلن = ياللي لنا في ماقف الحشر جامع
يغني عن الأدنى والاقصى مدى البقا =وانت الذي لناس ترفع وتاضع
عن عازةٍ تقتادني صوب مبغض =وعن ماينازعني رفيق منازع
فـ بابك مقصود وفضلك دايمٍ =وجودك فـ مجودٍ وحلمك فـ واسع
وصلوا على سيد البرايا محمد=عدد ماخفا نجم وماشيف طالع

طيفٍ بعيني طاف والناس غرقا =بالنوم واحرمني بلذات الاحباب
لج الهوى بي من جنوبٍ وشرقا=ونشقت عرفٍ طاف من فوق الاطياب
حبه رقا في ضامري كل مرقا=له في سعود القلب قصر ومرقاب
له لسعة في لاجي الروح زرقا=وسم المحبه ينقضي كل ماطاب
كل جروحه تنتداوا وترقا =وانا على الفرقا تزاود ولاطاب
قربه معيش وان بدا منه فرقا=عفت المنام وطيب عيشي والاشراب
والله يالولا الخوف من حضر ورقا=يدرون في سري مع ريف الاحباب
لاقحص على طولي على الرجم وارقا=وانوح من حبه وارمي بالاسلاب
يارب تجمع بعد بعدي وتلقا=وتلمني وياه يارب الارباب
من صاحب شرواه ماعاد نلقا=بلقوم من كل الطوارف والاصحاب
هو نقوتي من جملة البيض طبقا=ان قيل خذهم واتركه قلت ماناب
ماني بـ بمن يجزي الحساني بدرقا=ايضا ولاينسى عشيره الى غاب
حبه صبغ للقلب طرق بطرقا=فلو محيته بازرق الدمع ماذاب
محبة بلقلب تهفا وترقا =لوغاب له زول عن القلب ماغاب
خل نطيب بطيب طيبه ونشقى=من حادث الدنيا الى ناب له ناب
فامنن على قلب ملكته بعتقا=ولاناسي عهدك ولا لغيركم جاب
اعذر وسامحني ترى القلب مشقى=وصلٍ وصلك الله مع كل الاسباب
وصلاة من يفني الخلايق ويبقى=على رسول الله واله والاصحاب

أباالله مايبقى من الخلق واحد=وكل نعيم ماسوى الخلد نافد
لكل امريء فيها مقام وينقضي =وكل عمل ماهو بـ الله فاسد
فلاتبتغ ي من غير مولاك مطلب= فلاعنك يوم يمنع الرزق حاسد
ولياك تلجي في حجي جال مبغض= ولاتتصل بحبال من لايساعد
ولاتامن الدنيا واياك مكرها= فكم ضيعت بلغدر من راي واحد
الى امنت اهلها مع الامن جاتهم= بغارات بين مالها من يطارد
ولامنهم اللي من هواه قضى وطر= وعوايدها تنهى عليها فقايد
بكثر التمني والتولي والدعا= وكثر التمني واكتساب الفوايد
الى حيث حطتهم بالاجداث كلهم= جثوا تحت الاجداث صرعى خوامد
الى اغتالنا حمال الارواح للبلى= وجدنا لنا عن مااكتسبناه ناشد
الى ماظهرنا جملة من قبورنا= مع كل نفس سايق ثم شاهد
سيقوا هل التقوى من الله برحمه= لهم سيد الكونين هاد وقايد
الى جنة عليا رفيع مقامها= لذيذ ومن تحت الارايك مساند
وحور حسان كن صافي خدودها= قطع صافي بلور به التبر جامد
وسيقوا هل الشر والظلم والبدع= بكرب الى حامي وطيس الوقايد
بهذا تروني يااولى العقل والنهى= ورحايلكم شيلت عليها المزاود
فـ ياويلنا من حشرنا يوم نشرنا= آهِ لنا مما نبي له نكايد
يسوقوننا سوق ولايرحموننا= لفصل القضا جو وحدٍ بعد واحد
وانت يارب قلت: الست بربكم= بلى شهدنا انك الله واحد
رحمان في الارضين والبحر والسما= وبالغيث غثنا عند كرب الشدايد
ثلاث ليالِ تلتبس فيهن السماء=وللغيث سماح وللرب حامد
دقن كما وصف الريالات كلما= تعلاه نسج الريح ظل بزايد

مريت بخشيفات ريم يخوضون=سيل وللقلب المشقى يريفون
من حين شاقني رهاف الثنايا=قامن لي باطراف الاردان يومون
رديت راسي عقب ماني معيي =قالن دعونا له الى جا نحيي
قالن حيه قلت حي المحيي =قالن علامك تلتفت قلت مشطون
قالن ترانا ثبت الله مقامك =ننذر على شوفك ونفرح بلامك
واليوم ياعذب السجايا علامك =مسمور في ذا الدار انا قلت مفتون
قالن نسالك بالذي شرف البيت =وبجاه من له في دجى الليل صليت
من به بليت من الملا قلت بقويت=قالن بليت بحبها قلت مجنون
قالن لعفرا كنها ظبي لينه =منه اقربي كنك تبي تنشدينه
وارخي له الملثم عسى تقتلينه =قالت الى مني قتلته تلالون ؟
قالن لها وهي تغطرف من التيه =تمشي على شق والاخرى تمدريه
قومي فـ لك حق علينا ان قتلتيه =وقاموا لقذلتها بالايدي يواسون
جتني كما بردية الما تخطا =مر تكشف لي ومر تغطى
لين اودعتني لااعرف اليا من الطا =سكر ولاادري ويش اللي يقولون
قالن لي الدايات ياهاب الريح =وين رايح قلت للبر اباسيح
قلن تسيح بلابسات المطاويح =نجل اللواحظ قلت لومايعيون
وش ذا الذي في الخد ياغادي العين =ذا ناز لونقش بالايدي تعنين
قالت رقيمات الهوى يامسيكين =لاتلافكم هذا اهلنا يسوون
وستاسرتني بالعيون الذوابح =ومجدل من فوق الامتان طايح
شديت مفرق سيد غر الذوبح =وهم على قطر من الما يشوفون
قلت المواصل قال مالك شفيفه =واضفى علي ثياب شفه رهيفه
قلت اسقني من اشفتيك النظيفه =لعل حسادي بغل يموتون
اقعد رعاك الله ربي وثبتك =يانور عيني لاتغير محبتك
نخاف من شي يجينا بسبتك =غديت اقول ودايتينه ينادون
واقفيت واقفى والمدامع تجارى =واصيح وانخي من صديق وجارا
ياحصة ماقلبوها التجارا =ماترحمون وقالن البيض مالون ؟
تراك يا (محسن ) اذا شفت طماع =ذا البز لايشرى ولاهو بـ ينباع
تكوسرت عيني مها الريع بقناع =قالن تود وصالنا ؟ قلت ممنون
اضفى الغطا عني على حم الاشفا =من عقب ماقلبي بوصله قد اشفى
تليت ردن الشوق من ما اقفى =قلت المواصل يااريش العين مادون
خليت انا القصه وشديت جيده =حبارة مني لعلي اصيده
اطرق بضحك وجادني قبل اجيده=وارخى اللثام وباح لي كل مكنون
واللي خلق مجدلك والمقصص =وحرز على مصقول صدر مقصص
ياانت من بد العذرى مخصص =ماافضى بسدك للعرب لويموتون
قالن لي اقعد عندنا قلت ماعاد =ماارضى مع سمر العكاريش مقعاد
واليوم ياحم المراشيف ماعاد=عطشان مامن عذب الانياب تسقون
قالن لي شرواك يابارد الجاش =لوعطش مامن شهد الانياب نسقاش
قلت ان قلبي من الوجد نشناش =باغ منكم من لما فيه تعطون
قالن لعينيك الرضا والحشيمه =اقبل الى شفت الحساسيد نيمه
والاالعجايز ناقلات النميمه =بحكايتي وياك ياالندب يدرون
قالن نعيي لانذوقك لمانا =نخاف من واش قريب حذانا
تقول ذا ولافـ حنا ورانا =حكي خفي ماله الناس يدرون
والى عجوز من ورا راس حامي =قلت لهن ياالبيض معكن حرامي
قالن لها هذا علينا يحامي =قلبه مولع مع هل الدين مفتون
قالت لهن هذا الصبي المولع =تمشن له ياالرعابيب دلع
وانتن مثل الخيل خطر تقلع =وا خوفتي ياالبيض للرجل ترنون
قالن لها هذا علينا يداري =واياك والحكي الذي به مداري
ترى ورانا من ينوش الخباري =ياليت اهلنا عن حكاياك يدرون
قالت لهن هذا عليه التهامه =هذا من القطعه واهل اليمامه
ماينومن لوكان يلبس عمامه =لو هو نقي فـ العرب به يشكون
ياالله يامولاي طالبك خيره =علام شي مايوزيه غيره
عسى تنوش النايفه والقصيره=وختامها فن الشياطين بالهون