::|[ ديوان :شاعر الوطن معالي الفريق:خلف بن هذال العتيبي ]|::

من هنوفٍ سلب عقلي هدب عينها
حفرة الموت في مقرن حجاجينها
والوعد طاف والاقـدام مشقينهـا
فرقا الاحباب لو يو مين ياشينهـا
صورةٍ حافها الرحمـن يازينهـا
وانتم اللي كبود النـاس كاوينهـا
شجرةٍ عن سموم القيض حامينها
ليت من ذاق من خضرة بساتينها
هلت العيـن واختلـت قوانينهـا
تحت هيبتك نعصا الروح و نهينها
شبكة اللي مكسرتـن جناحينهـا

يقطعك يا حبٍّ توقف علـى مـاش
=و من حب حلوين المظاهر بلاشـي
اللـي يبيعـون المحبيـن بـبـلاش
=حلوين الالسن و القلـوب الغشـاشِ
العرق لو يقصر عن المي ما ذعاش
=و الشمس لو تغرب على الكون عاشِ
تفخر بزينك يوم تجفـل و تنحـاش
=ما تدري اني منك قانـع و ماشـي
من اولٍ عيني ترفـرف بالارمـاش
=جفن غطا و الجفن الاخـر فراشـي
مطوعٍ لك قلبٍ ابيض مـن الشـاش
=و مستدخلك بين الضلـوع الهشـاشِ
و اليوم اب أنقش سر حبك بمنقـاش
=الله ولا حـبٍّ سعـى فيـه واشـي

وانا خطر ٍ علي اعوي عوى واجاوب الذيبي
=ولوتبكي نهاروليل ماتطفي لواهيبي
جرالي منك ياجفن العناسهر وعواقيبي
=خفيف النود من فرقاه تقبلبي وتقفيبي
ولاغيرك من الخلان إلى جيته يهليبي
=ابي منك الصراحه وانت فاهمني وتدريبي
واصبت القلب يامطلق عطيبات المضاريبي
=دريت انك عذاب الروح لاشك ٍولاريبي
على شان المحبه تتصل شرط ومواجيبي
=حلفت إلك بيمين اللي يعلم السروالغيبي
ابي اكمل مطاليبك وكملي ومطاليبي
=جزا ً لك ماملكت فداك يازين التعاجيبي
تحتك اخضع مطيع مريع والاقدارترميبي
=إلى مني ذكرتك جرقلبي بالكواليبي

يا عيد سود العيون استنكـرن منّـي
=وشلون ابارجع وارجّع وقتي الماضي
اسأل عن حالهن مـا سائلـن عنّـي
=الله يغربـل حيـاةٍ جوّهـا فاضـي
يا عيد رمح الهوى بالقلب طاعنّـي
=والحب يمضي ورمحه بالهوى ماضي
يا عيد حدب الضلوع تصيح وتحنّـي
=من عام الأول وانا صابر ومتغاضي
يا عيد أنا مولـعٍ بصغيـر السنّـي
=والحال منّي قضى وأنا بعد قاضـي
يا عيد لي صاحـبٍ فاتـن وفاتنّـي
=ولو مبسمه سمّ قبّلته وانـا راضـي

فقلت اعطف لمن يرعى نجومك
= بجاه الله عني لا تجلا
ثلاث ضلوع يشكن الهضايم
= علي المعلوق والقلب ايتدلا
ليا نامت تصحّيها حلو مي
=و ليّا صحيت تفيّضّ ثم تملا
من المو قع وخلا القفر خالي
=على دربه يتلّ الريم تلا

ياما حلا المسرى بعيد عن الأنـذال
=في ليلتن يطربلهـا كـل سـاري.
مسرا مع الفج الخلا عـز وجـلال
=متشطرن ماخضت في عرض غاري
على خطات مشومرن يقطـع الـلال
=تدفن مداهيلـه هبـوب الـذوراي
أجمع من البل عشر وتصير وبـال
=وأختر فحلها مـع جنبهـا يبـاري
البل لها في مهجت القلـب منـزال
=منايح القصـار سفـن الصحـاري
مراجلـن يشقابهـا كـل رجــال
=أفلاس بايعهـا نواميـس شـاري
يكفيك ابن هندي ومسلـط وهـذال
=ومن شمر العاصي وبرغش وضاري
لقيت في الوحده سكون وسعت بـال
=بعيد ماعندي مـن الهـم طـاري .
ارجع الذكرا علـى روس الاجـذال
=وأمرح خلا بين الحجـل والقمـاري
ماهمني جمـع المرابـي للامـوال
=عزيز لو امسيـت جيعـان عـاري

انا واليـل خـلان ورفاقـه
=أخذته عشق وأخذني عشَاقه
افيضله ضنايـن مابروحـي
=ويفتحلي على الغيات طاقـه
ألاياليل وش عندك وعنـدي
=يقوله مـن تكدرلـه مذاقـه
عيونه من غرام الشوق تهمل
=عبايرها على ذيـك الدقاقـه
وأنا بنهايت التسعين هجري
=إلى خلن عجزت أقوى فراقه
إلى عام وثمان شهور كنـي
=كسيرن عيب الجبار ساقـه
يفزع بالصياح هجوع نـاسٍ
=لهم بالنوم والراحه علاقـه
ألاياليل وش عندك وعنـدي
=أنا وياك لا عـادت صداقـه