::|[ ديوان :شاعر الوطن معالي الفريق:خلف بن هذال العتيبي ]|::

اخذت من روحي لروحي نصايح
=ثلاث يرضن النفوس الضياقي
جمع الحطب ومعلقات الذبايح
= وحذف النشامى للغتر والطواقي
بقفرن خلا عشبه بالازهار فايح
=غصن الخزاما له بلاخر مراقي
تلقى ام سالم تجر له بام النوايح
=يطيب مع طيب الربيع التلاقي
بين اربعت جدران ماني بطايح
=قطع الخرايم جبرت عظم ساقي
في نون عيني بارق الوسم لايح
=كن السحاب تسل فيها السناقي
ان عودو لغب المطر عودو للفلايح
= ماني بفالحن يعدل سواقي
عودت للي يكسبن المدايح
=فيهن طرب قلبي ولذة مذاقي
سود البكار مكرمات المنايح
=هذي ضوت خلفا والاخرا ملاقي
ملحا نتفاهق للصميل ويتمايح
=تركي على كبد الحسود العراقي
خلوني اقضي باقي العمر سايح
= ما دام للعمر المطرف بواقي
امشي تحت المزون الروايح
= هذا هواي وطربتي واشتايقي
يرتاح بالي يوم اوده واصايح
=وابسط فراشي في مبارك نياقي
انحاش عن ناسن تسوي الفضايح
= عاشت بسو اخلاق كذب ونفاقي
ناس تسرد للمشاكل شرايح
= تثير من بين الاخوان الشقاقي
كل الحياه احلام والعمر رايح
=طرقي بهالدنيا وغيري طراقي

هلي بعيد و ذقت هجر و عواقيب
=يا أكالة الخنزير مانتم هلٍ لي
أهلٍ محبتكم دعاية و أكاذيب
= تتكهنون ان الهوى صافيٍ لي
في محفظتكم فرحتي يا معازيب
=رسالةٍ عنوانها من محلي
عطوني اقراها و أوسع لها الجيب
=جيب القميص لحملها ما يملي
مكتوب يطلع لي بطيه مكاتيب
= و لعل مكتوب الحبايب يسلي
من دمع عيني ما قريته بترتيب
=ساعة نشرته قمت أرحب و أهلي
و أشوف يا مكتوب فيك التعاجيب
=المنشي أصبح ما قطع عبرةٍ لي
لكن يا ترحاب و أجمل تراحيب
= و اللي نقص من شرحكم جايزٍ لي
لنا يا دو خالد عليكم مطاليب
= أخباركم باقلامكم ونسةٍ لي
و ان سلت عني مستقيمٍ على طيب
=أرعى حقوق الله و أكبر و أصلي
عن فرض ربي ما أتهاون ولا اغيب
=مكة و أنا بانجلترا قبلةٍ لي
في واجب الدنيا بذلنا التسابيب
= و خدمة حبيب المملكة غايةٍ لي
و عبدالله أرسلنا لكسب و تجاريب
=يبي رجالٍ بالعمل تستقلي
إن ما وفينا معه حياتنا عيب
=أحسن نروح مع البهايم نفلي

قالو توادع قلت ياصعب الوداع
= وشلون أوادع من معه قلبي وديع
قلبي معه والسر من فرقاه ظاع
= صحيح من يفقد زمام امره يضيع
الى ذكرت الخد والسود الوساع
=تسابقت غارات عبراتي جميع
اصبر على الهجران قدر المستطاع
= أحمل همومي للخلا وأشري وأبيع
أبيع شي بالجواهر ما يباع
=بعته رخيص وضاق توي كل ريع
بين الرجا والياس يشتد النزاع
=بعده دهر ومشاهده لي ربيع
تستدرج الأيام مفتول الذراع
=من حيث لا يعلم ويرمي بالسريع

يقطعك يا حبٍّ توقف على ماش
= و من حب حلوين المظاهر بلاشي
اللي يبيعون المحبين ببلاش
= حلوين الالسن و القلوب الغشاشِ
العرق لو يقصر عن المي ما عاش
=و الشمس لو تغرب على الكون عاشِ
تفخر بزينك يوم تجفل و تنحاش
= ما تدري اني منك قانع و ماشي
من اولٍ عيني ترفرف بالارماش
=جفن غطا و الجفن الاخر فراشي
مطوعٍ لك قلبٍ ابيض من الشاش
=و مستدخلك بين الضلوع الهشاشِ
و اليوم اب أنقش سر حبك بمنقاش
=الله و لا حبٍّ سعى فيه واشي

يالله يالي تغسل الأرض بالسيل
=أغسل قلوب أهل الحسد من حسدها


وترد كيد أهل القلوب المغاليل
=بنحورها وأعنا الوجود تحصدها


وأجعل لنا من باب يسرك تساهيل
=مدات جودك نستمد بمـد د هـا


بارك لنا بالمد والصاع والكيل
=ونفوسنا عطها القناعة وزدهــا


وأحفظ فهد وأمهل له العمر تمهيل
=واحم البلاد المنعمة في رغدها


من منبر المحفل بدعة أجمل القيل
=أقطف من أطراف المعاني جددها


الشعر سبك وحبك معنى وتجزيل
=أسبك بيوت الشعر واحبك عددها


أكحل عيون الشعر بالكحل والميل
=وأمسح مدامعها وأداوي رمدها


يامرحبا بمجمل الحفل تجميل
=ترحيبةً تبسط على الصدر يدها


بالواصل الي فيه للوصل توصيل
.=.يمناه بالمعروف كلً حمدهـــــا


ركنه حجا يذري وبله مقاييل
=حاز المراجل كلها وافتردها


بيته لعطار الشوارب مداهيل
=من دون وجهه خزنته ماأقتصدها


ينصونه العربان مشي وزرافيل
=شمايلة ما خيبة من قصدها


يحيى الكريم وله معزة وتفضيل
=يبقى وتبقى دينته مافقدها


فعلاً عليه شهود ماهو بأقاويل
=نعم اليمين اللي وفت في عهدها


هاذاك ابو متعب رفيع المنازيل
=الي بنا هام العروش وصعدها


سار النبا كير المثايل محاميل
=بحمولها تسعى جهدها جهدها


مابدلة عن منقع الطيب تبديل
=ترسي تحت بيت المروة وتدها


بيت الشرف والفضل عذب المناهيل
=فيها الشهامة سنها وأعتقدها


سلطان أبو خالد مغيث المجاليل
=عاش فقرى وبحر ماله رفدها


في عودته غنة طيور البلابيل
=وأحيا المواطن ليلته مارقدها


عيد وفرح ومناسبات وتباهيل
=بقدوم شيخ سد نجد وعضدها


نقدم الترحاب والبن والهيل
=للأسرة الي عزها في بلدها


ماسعدك من حافل ومابردك من ليل
=بين الملوك الي يذعذع سعدها


ملوكنا الي عدلها يرفع الميل
=أن واعدة تصدق ويصدق وعدها


على الصحاف تقلط الفطر الحيل
=اهل الكرم وتكرم الي وفدها


وأهل السيوف الماضيات المصاقيل
=بالضيق من عنز عليها وجدها


عقال في وقت الجهالة جهاهيل
=شقر الحرار الي ينومس هددها


هاذا وانا مستحضر الفكر بالحيل
=تصحى الحواس الخمس من ماوردها


يامحلل الموقف نبي منك تحليل
=وش خطةً في خاطرك تعـــــتمدها


باب السلام وصار مسرح وتمثيل
=سجدة سهو تاجب على من سجدها


مافي الحقيبة للعروبة محاصيل
=سوالف تصدا ا لــــكبــــود بكبــــدها


وش منطق الأجيال من بعد هالجيل
=ياحسرة التاريخ وامر وادهــــــــا


الله وأنا سـأله يدمر أسرائيل
=.ينشي غضب ربي عشاء ويهجدها


يلقح بسحب مثل حمر الغراميل
=عجً مطرها والزلازل رعدهـــا


تنثر سخط منها السواعق نوازيل
=يسكر هواها ويتصلخ بردها


يجتثها الرحمن بجناح جبريل
=وتصبح معالم للعرب من بعدها


تكتب على الخنزير طه وتنزيل
=يانجس مبداها ومااكبر حقدها


والله جريمة منكرة يارجاجيل
=حتى الدول بأعرافها تنتقدها


الصبح فوق كلابها تلقاء النجيل
=جرثومةً دب المرض في جسدها


أستفحلت والي عليها مهابيل
=قامت على أنجاب الخيانة عمدها


من الفرات بخارطتها الى النيل
=عصابة تسرح وتمرح وحدها


عنها الصواب بعيد جملة وتفصيل
=عميانةً في غيها عن رشدها


هي مصدر الأرهاب وأم الأباطيل
=لا وفق الله من يقوم بسندها


عقرب ترى مسمومة الراس والذيل
=من حر مافيها تنفخ غددهــا


عاشت على الكذبة دعاية وتضليل
=جاها ثناها يوم ربي قردها


من حارب الله له مهونة وتذليل
=في ساعةً من غير ماتبتعدها


الم ترى كيف اهلك الله اهل الفيل
=دك أبرهة وجنوده الي حشدهـا


جاه الجزاء الصارم عقوبة وتنكيل
=وينه ووين أصنام رجس عبدها


شافت فلسطين الجريحة بهاذيل
=شابت قضيتها وشيب ولـــــــــدها


خمسين عام علوم صحف ومراسيل
=في حالها عن حالها من نشدها



مراوحة بأقدامها في ا لمحابيل
=على ر ا سها قام يتقطع زبدها


الى متى تصبر على الظلم والويل
=تبً على من هانها وأضطهدها

تبكي وتغرق بالدموع المناديل
=تنخى فهد تنخى فهدنا فهدها



تبي صباح به صياح وتهليل
=نقضى على الفتنة وهي في مهدها



بقوة الأيمان حنا هل الخيل
=الألوية بأسم الجهادنعقدهــــــــــــا



في الحرب نثبت في وجيه الأباطيل
=مواقــــفً مــن شافـــها ماجحــدهــا



من حبنا للموت نهبل هوابيل
=والنفس قبل تموت تاخذ سددها


الى أقبل المهزوم حنا المقابيل
=كم وقعتً شعب الجزيرة شهدها


والا نوى الا الزحف نزحف جحافيل
=جحاف التوحيد في راي اسدها


بقيادة الي يركي المتن للشيل
=عنا ثقيلات المحامل صمدها


فهد فهد ضاري بشرب الفناجيل
=اليا برزت دهم الجموع يعمدها


حلاًل حيلي الحلاحيل حلحيل
=يحلحل اللي ماتحلحل عقدها


دليلنا وان غاب نجم الدواليل
=على الهدا ديرة مساره رصدها


نفداك ونصر الرشاء بالمحاحيل
=يالي حفرة لدفن الأعداء لحدها


مع قمة الأسلام تصهل تصاهيل
=قدهــــا يابو فيصل الى القدس قدها

العيشة اللي تدبـل الكبـد تنعـاف
=والنفس عن ما تكرهه مستريحـة
نفوسنا دايـم عفيفـات ونظـاف
=وابدانا مـن كـل علـة صحيحـة
صاحين صافين المشاريب واشراف
=مـا ناكـل المترديـة والنطيحـة
يوم السنين الماضية حيل وعجاف
=يندر لنا من هبـة الريـح ريحـه
اكرام لو يلحق بنا نقص وخـلاف
=نملا الصحـن ونلحفـه بالذبيحـة
صلبين في وقت الشدايد وعـرّاف
=منا المشورة واختيـار النصيحـة
وان ثارت الهيجا لنا وسط واطراف
=وجه الحريب نقنعـه بالفضيحـة

القلـب يحـزن والدمـوع تسـيـل=والعيـن تسهـر والغيـاب طويـل
الفاجعـه قضـت مفاجـع جنوبـنـا=الهـم يكـبـر والـفـؤاد علـيـل
حـوادث الدنيـا كفـا الله شـرهـا=يصبح بهـا الحمـل الخفيـف ثقيـل
علم ضحى الاثنيـن بالحيـل راعنـا=روعـة خليـل مـن فـراق خليـل
نهارنا شمسـه خبـت فـي غيومهـا=نصـف النهـار وكنهـا فـي ليـل
غيبه فهـد عنـا مصـاب مصيبنـا=عسى النساء عقـب الغريـب تحيـل
يـارب ترحمنـا وتلطـف بحالـنـا=ماعـاد فينـا غيـر حيلـك حـيـل
بالصبـر والسلـوان يـارب مدنـا=اجعـل لنـا علـى رضـاك سبيـل
تجبرعزانـا فـي ملكنـا زعيمـنـا=عسـاه بجـنـان النعـيـم نـزيـل
مرحوم يامـن راح تشعـب ركايبـه=بـدار الفنـا عقـب المقـام رحيـل
نذكر مواقف من ثبـت فـي مواقفـه=رجـل الهـدى للضايعيـن دلـيـل
نعـد ونضيـع حصـايـل مناقـبـه=ونجيب مـن فيـض الكثيـر قليـل
مآثـره تبقـلـى ونلـقـا ظلالـهـا=في القيظ عن لفـح السمـوم مقيـل
رجل البنا رجل الثنـا فـي زعامتـه=زعامـه فيـهـا عـطـاه جـزيـل
من ربع قرن وقايد العـرب مرتكـي=للنايـبـات وللحـمـول يـشـيـل
شيال حمـال اللـي تثنـت قوايمـه=بارك ومـن مـس الشـداد هزيـل
للواجبـات منفـذ عـن سـواعـده=سيف علـى حسـم الامـر صقيـل
غيث على الممحل غيور على الوطن=ماعال وان عـال الخصيـم يعيـل
موت ليا زمجـر حيـاه ليـا ابتسـم=يسـف بـافـواه الـعـداه ملـيـل
يوم اعتداء الغاشم وحـول بجارتـه=قال انـت يـا هـذا الغشيـم هبيـل
هي جارتي واقف على الرجل دونها=وانـا لهـا بعـد الوكيـل وكـيـل
رد الحقوق وصبهـا فـي مسارهـا=فعل الاصيل مـن الجـدود اصيـل
قال انعمي ياكويت بالمـن واعمـري=وانـا وراك ومـن غـزاك ذلـيـل
نادا باهـل لبنـان والحـرب دايـره=حـرب جنـوا منهـا دمـار وويـل
جمـع طوايفهـم وحـدد قـرارهـم=للصلـح بالطـايـف ولادة جـيـل
في قبه الصخـره وللقـدس فزعتـه=يـوم اختفـاء دون العميـل عميـل
ماغض عن محنه فلسطيـن ناظـره=يجمع لهـم رجـل السـلام حصيـل
وفي البوسنه والهرسك احكم سياسته=عن خوفهـا جـاب الامـان بديـل
آمـن محارمهـا وحصـن حدودهـا=للمعـضـلات المقـبـلات قبـيـل
قبيلهـا وان كشـرت لـه بنابـهـا=يضحك لها ضحـك الاسـد بالحيـل
ليث مخضرم مارس الجوع والرخـا=ملـك ولا لـه فالمـلـوك مثـيـل
عمـران مكـه والمدينـه شواهـده=تفنـى الليالـي والجليـل جلـيـل
بطباعه المصحـف كبـار وهايبـه=يمنـى كريـم ولا يمـيـن بخـيـل
ورد لنا الماء صافـي مـن منابعـه=عذب مثل نقـع الصفـا مـن سيـل
كـان العلـم للعلـم هـذي معالمـه=حـراب نـوم وللعـلـوم صمـيـل
انشاء المدارس والفهـارس =ترابـه زعفـران وهـيـل
يسقيـه مـن نـو الثريـا همايـلـه=وينبت عليـه مـن الزهـور اكليـل
ترحم فهد وتعوضـه عـن جمايلـه=وتـرد لاصحـاب الجميـل جميـل
ترك غثـا الدنيـا وفـارق همومهـا=وخلا مـن اغـلا المترفـات حليـل
وللعز يا اللي عضتنـا فـي فقيدنـا=ياللـي لـك التاريـخ يصنـع قيـل
انت العـزا ياعزانـا فـي عزيزنـاتحيـا لنـا ياللـي لاخـوك زميـل
زاملت اخوك بسيرته فـي مسيرتـه=مسيـرة عنهـا الضعيـف يمـيـل
انبايعـك ونجـدد البيـع والــولا=بيعـة رجـال وللعـهـود كفـيـل
كفيلنـا الله يـوم نعطـي عهـودنـا=لـك يابطـل ياشـهـم ياحلحـيـل
والبيع ماهـو بيعـة البيـع والشـرا=بيعـة ملـك ماهـو بـوزن وكيـل
نعم السلف نعم الخلف عـن سليفنـا=واصـل وطبـق محكـم التنـزيـل
حنا وراك نواصل السيـر والسـرا=جديـك شمـال وبالجنـوب سهيـل
قايد ومن قدته علـى الخيـر خيرتـه=يـارد علـى خيـرك مـوارد نيـل
فيـك الاخـوه والمـروه طبيعتـك=واصل الطبيعه مـن طبـوع نبيـل
سليل مجـد مسلسـل مـن سلالتـه=هـذا العظيـم مـن العظـام سليـل
راي ليـا دبـر شجـاع ليـا اعتـزا=صـارم يـبـرد للكـبـود غلـيـل
حزم ليـا صمـم عـزوم ليـا نـوا=مـن لاذبـه يـرقـد وراه دخـيـل
عدل ليا حاكـم عطـوف ليـا عفـا=ظلـه ليـا انكـف الظـلال ظليـل
ومبايعـه سلطـان للعهـد واجـبـه=ولـي عـهـد وللنـظـام كمـيـل
سلطـان خيـر وضايفـات شمايلـه=مضفي علـى ستـر الديـار شليـل
عضيد عبـدالله ليـا هاجـت العـدا=اصهل ونعـرات الحصـان صهيـل
برعايـة الله ثابـروا فـي كيانـكـم=ياذخر مـن يخلـي سـروج الخيـل
نعم الموحد مـا سهـا عـن رعيتـه=يهـذل علـى خيـل الفـلاح هذيـل
يارايـة التوحيـد عيشـي ورفرفـي=الاصـل ثابـت والفـروع نخـيـل
هذا وانا للارض والشعـب منتمـي=ورثي ومـن ذاك الفصيـل فصيـل
فصايل قامت على الديـن والشـرف=سـرجِِِِ لحومـات الظـلام تـزيـل
قامـت شريعتهـا وسـادت شعوبهـا=رغم على اهـل الكيـد والتضليـل

انا ما ازهم ولا يزهـم عليّـه
=مثل نـاسٍ محبتهـم فضيحـه
أحـب اللـي سواليفـه خفيّـه
=خفيف الدم ابو نيّـه صريحـه
ألا يازيـن ياكبـر الخطـيّـة
=تشفقنـي ليالـيـك المليـحـه
عليك ابـدع لحـونٍ سامريّـه
=معانيها على حبـك صحيحـه
وانا قلبي معك صبح وعشيّـه
=و روحي منك ما هي مستريحه
ليا شفتك سقط ما فـي يديّـه
=أفز لشوفتك واصعق بصيحـه
أموت ان كان ما تنظـر إليّـه
=بنظرة عطف للناس الجريحـه
غشاك الملح و زيـاده شويّـه
=على فرقاك ما اسمع للنصيحه
عيونك سود حوريـه جريّـة
=في جسمك من الريحان ريحه
ألا يا اسمر ترى النيه مطيّـة
=تبي تكسب على هجري مديحه
تفاجينـي بحجـه جاهلـيّـه
=تدش حمى هـواي وتستبيحـه
تعديت الحـدود وبـرت فيّـه
=ورى نفسك على نفسي شحيحه

ياللي قضينا بها أيام الاعيادي
ما كفها الضلع والعرق والوادي
مصيو نة العرض من عصر الاجدادي
أنا مراده وهو غاية مرادي
فيض و قيس بعد حل بفوادي
قم حط في رجلي عقال و قيادي
دمعي على خدي أجواز وأفرادي
اخاف من هرج عاذل و حسادي
و الفكر في و سط بحر الهواء غادي
سيرة حبيبي تغلق و تنعادي
ينقص على اهل الهوى بن و قنادي
ذوب الحديد ان تولاه حدادي
وجعان من حبه وأرجي شفا طبه
لو صاحبي يدري عن ماحوى صدري
ما كان يشقيني البعد يكفيني
لو زاد يتكسر جذعه ويتخسر