والدي يزورني بعد وفاته بأربع سنوات ولكن أين؟

البارحه في تالي الليل فزيت= من مرقدي ودموع عيني جرني
ابوي شفته في منامي وجريت=صوت ٍ حزين ٍ طيّـر النوم عني
فزيت ابي شوفه ولكني اخطيت = ياحيلة الله وش يفيد التمني
ماخبرت ان الحي يضحك مع الميت=ولّي حلوم الليل مايصدقني
انا عيوني كل ماقلت سجيت=عيّن من العبرات لايمرحني
عليك ياابن عبيد ياذايع الصيت=ملفى هل العيرات لابركني
ماانسى وصاتك لي وانا ماترديت=يومك توصيني على كل فني
تقول لامنه لفى الضيف للبيت=اذبح ولاتاوي وماجاك مني
نشدت قبرك عنك لين اني ازريت=ليت القبور الهامده يسمعني
ياقبر ماتسمح اجر التصاويت= واقابلك بين النصايب واوني
واهل دمع العين واقول ياليت=ليت الليالي لامضن يرجعني
وارتاح من كثر البكا والتناهيت=لو هن دموع العين ماينفعني
ياالعين ماينفعك كثر التلافيت=اللي تبينه راح مافيه ظني
اربع سنين وكنك اليوم قفيت=اربع سنين وعنك مادلهني
ياالموت ماخليت ابوي وتنقيت =من الرخوم اهل البخل والتوني

اقتباس   المشاركة الأصلية كتبت بواسطة نايف الحمد السلام عليكم ورحمة الله وبركاته يعطيك العافيه ابو مشهور اللهم ارحمه واعف عنه واجعل مثواه الجنه اللهم امين

ابو مشهووور عظم الله اجرك واجبر حزنك واثابك في مصابك

اخوي الغالي الله يرحم وآلدك ويسكنه جنات الفردوس الاعلى

بجوار نبينا وحبيبنا عليه الصلاة والسلآم

صح لسانك وكلك شاعرنا ابو مشهـور

يعطيك العافيه ع الابداع