سلامي على اللي لحيته مايجيها الموس**ولاشجـع الكـورة وصفـق للاعبـهـا

بدينا بذكر اللي خلـق جنـة الفـردوس=خلقهـا وبيـن فـي كتابـه مراتبـهـا
قريب مجيب يعلـم السـر والهاجـوس=ومن حكمته سير الفلـك مـع كواكبهـا
الله خلق كل البشـر رئيـس ومريـوس=خلقها وفـي يـوم القيامـة يحاسبهـا
سلامي على أهل الدين كسابة النامـوس=سلامـي عليهـم عـد ذاري هبايبـهـا
على منهج التوحيد نأخـذ عبـر ودروس=دعـاة العقيـدة ماتقـصـر بواجبـهـا
سلامي على اللي لحيته مايجيها الموس=ولاشجـع الكـورة وصفـق للاعبـهـا
على سنة المعصوم ماطـول الملبـوس=عفيـف جنابـه والمعاصـي مجنبـهـا
يقرأ الكتاب ولايدانـي أهـل المنكـوس=كمل بالصفـات الطيبـة مـن جوانبهـا
فعله رفع رأسه مـع رأفعيـن الـروس=تقدم على كسـب المعالـي وفـاز بهـا
ترى راعي الطاعات عاداتـه النامـوس=على طاعـة المعبـود نفسـه مدربهـا
أنا أشوف بعض الناس في سيرته دنفوس=حريمه مع السـواق دايـم يـدوج بهـا
يشري لها الموتر وسواقهـا الهنـدوس=ولايشنـده لاراح متـى يـعـود بـهـا
وفي منزلـه خدامـة تعبـد الجامـوس=تربي وراعينـه علـى خبـث مذهبهـا
وفي البيت تلفاز عليه الجميـع جلـوس=على شاشته كـل المعاصـي يجيكبهـا
والنوع الآخر في المكاسب ضعاف نفوس=مشوا في الربـاء ماحسبـوا مصايبهـا
شباب على درب الردى يدفعون فلـوس=شرى غرشة الويسكي علشان يشربهـا
ولابغى يسهـر كـل الحبـة أم القـوس=أحبـوب خطيـرة والمراجـل تخربـهـا
عيال الحمايل جوا عقب الحبوب تيـوس=وكم واحدا باع الشـرف مـن سبايبهـا
خذ العز من رأسه برجله يدوسـه دوس=جميـع المصائـب مايحسـب عواقبهـا
علامة شربه للزقايـر سـواد ضـروس=على فرتـه حـط النجاسـة وجاكبهـا
وصلاة ربي عـد ماذعـذع النسنـوس=على المصطفى المختار عابر سحايبهـا

اقتباس   المشاركة الأصلية كتبت بواسطة ناصر الحربي برقاوي هواوي رائعه رائعه رائعه مايجيب الجزلات الا الجزل صح لسان شاعرها وجمل الله حال ناقلها كل التقدير

اقتباس   المشاركة الأصلية كتبت بواسطة العود الأزرق الله عالاختياااااار القمه صح لسان الشااااعر مدد بلا عددد معاني ساااميه وابيات رائعه ونقل مميييز لاخلا ولاعدم

اقتباس   المشاركة الأصلية كتبت بواسطة الوقار ترى راعي الطاعات عاداتـه النامـوس علـى طاعـة المعبـود نفسـه مدربهـا الله يجزاك خير اخوي برقاوي هواوي قصيدة رووووووووووعه وتستاهل الوقوف عندها كثير

اقتباس   المشاركة الأصلية كتبت بواسطة شيخة الحلوين صح لسان الشاعر مليوون ولا يكفووون قمه بالجزآله والرووعه يعطيك العافيه اخوووي مآتجيب الا القصيد الزيــن