::|[ ديوان : الشاعر : تركي الديحــآني ]|::

يامحمـد الحلفـي تــرى الـوضـع عــادي=وانــا عـلـى راس الجـبـل ماتهـزهـزت
والـيـا حـكـو فيـنـي قـصـار الايــادي=هــذا يــدل انــي علـيـهـم تـمـيـزت
ماهمـنـي بـالـنـاس طـفــسٍ وغـــادي=رقـيـت فــي راس الطويـلـه وعـنــزت
وانــا عـلـى خـبـرك كـعـام المـعـادي=ياكـثـر ماسـويـت بـعــداي وانـجــزت
علـى ظـهـر ريـمـه ينـومـس شــدادي=لانـي عـلـى فـعـل وفعـايـل تمـركـزت
يشـوش راســي عـنـد خـشـم الـزنـادي=ولا هـي غريـبـه يـبـن عـبـاد لافــزت
وان كــان عـذروبـي فـقــط بنـحـيـادي=لـي الفـخـر يـومـي الربـعـي تحـيـزت
مـالـد عيـنـي فــي لـسـان الـربــادي=الـلـي الـسـانـه ينـفـلـت لا تـبــرزت
فـي قـمـة التشـويـش صاحـبـك هــادي=وان لعـوزوا غـيـري تــرى ماتلـعـوزت
ماقلتـلـك انــي رجــل غـيـر عـــادي=مـن ويــن ماسـقـت الركـايـب تمـيـزت

صبّحـنـي الشـعـر يسعـدلـي صبـاحـاتـه=والحـزه اللـي تجـيـب الشـعـر مسعـدهـا
والشـعـر فــي ديـنـي الثنتـيـن رايـاتـه=مـجّـود الـقـاف والـفـكـره مـجـودهـا
مـن قـبـل مااحبـكـه احـسـب حسابـاتـه=اخــاف لا اكـتـب قـصـيـده واتنـقـدهـا
الشعـر طــب الـجـروح وكــل اهـاتـه=لا زادت جــروح شـريـانـي يضـمـدهـا
والـيـوم يـازيــد مـاتـغـري كتـابـاتـه=ابـعـتــذر والـمـشـاعـر لا تـنـشـدهـا
مـن سبـة الشاعـر اللـي مــن شعـاراتـه=تقـول هـذا مـلـك ؟ والاخ مــع يـدهـا !!
جمـهـور فـزعـه مـعـه ايــردد ابيـاتـه=الله يخـلـي مـصـر فـزعـة صعـايـدهـا
اضحـك ونفسـي علـى المسحـوب مـواتـه=واجاهـد النفـس وارجــع ثــم اجاهـدهـا
لـوّه يـشـارك مـعـي اكـشـف سخافـاتـه=مـانـي بتـركـي يـازيـد ان ماتوسـدهـا !!
لــو كــان فـنـان يستـعـرض مهـاراتـه=انـا علـى فــن مهـاراتـه امــر وادهــا
انـهـيـه حـتــى يـسـجـل نـهـايـاتـه=والكلـمـه الـلــي تجـيـلـه مايعـانـدهـا
ويـتـووه فــي وســط دوّامــة متهـاتـه=والنـاس ترقـى عـلـى القـمـه وتصعـدهـا
امـا يـغـوص البـحـر ويجيـيـب دانـاتـه=والا قـصـايـده يـسـكــت لا يـعـددهــا
والشعـر ينـخـى وانــا لبـيـت فزعـاتـه=وودي كلـمـه عـلـى السـانـي ارددهـــا
مــدام يقـصـد عـلـي ويكـسـر ابيـاتـه=ليـتـه يـكـب القصـيـد ولايتـعـودهـا !!

يارفيق الدرب تكفـى لا تضايـق فـي زمانـك=ولا تهمـك هرجـة الهافـي وطعنـاة القفـيـاّ
كـل مابرقّـت عالـي مالمـحـت الا مكـانـك=ويش جاب اهل الثـرى يامسنـدي عنـد الثريّـا
ماعليك امـن الكـلام ومعتلـي قـدرك وشانـك=ماينـزّل هامتـك هــذا ولا ضـنـي هـذيـاّ
اتضايق من يجيب اسمك ويشكـكّ فـي بطانـك=وينفجـر شريـان دمـي مثـل تفجيـر المحيـاّ
لانّـك كحيـلان طيـب ووقفتـك تثبـت كيانـك=دون ربعـك ياسليـل المجـد تنـخـى وتهـيـاّ
كل ماضاقت عليّـه مذكـر انـي قلـت وانـك=دايـمٍ عنـدي هنـاك ودايــمٍ عـنـدي هنـيـاّ
جعلني ماذوق حزنـك وعتبرنـي مـن اخوانـك=وحطّنـي دايـم علـى يمنـاك ياسمـح المحيّـا
بالرخا مانيـب حولـك بـس بالشـدّه اوزانـك=وقتهـا لـو اتعـذّر راسـي المطنـوخ عـيـاّ
والله انك لو تجينـي شايـش وراكـب حصانـك=ماعلى السانك سوى حوض المنايـا قلـت هيّـا
ابشـر بعـزّك تمنّـى قـول لايـردك السانـك=المطيـري عنـد وجهـك بالملاقـى والحمـيّـا
اتِمَسّـك فـي عنانـي واتمسّـك فـي عنـانـك=واتفيـاّ فـي ضلالـك وانـت بضلالـي اتفيـاّ
افزع المثلك كذيـاّ حتـى لـو عشـرك ثمانـك=مـن غلاتـك يارفيـق الـدرب افزعلـك كذيـاّ
بس اانا طالبك تكفـى لا تضايـق فـي زمانـك=ماعليـك امـن الثـرى يبقـى مكانـك بالثريـاّ

ابصـعـد المـرقـاب واشـــب ضـــوي=مدامـنـي ضــاري بـعــال المـراقـيـب
مـاقــول يالـيـتـي ولا قـــول لـــوي=اتـعـب عـلـى الـطـالات وادور الطـيـب
اخــذ قـراراتــي بـصـمـت وتـــروي=مانـي مـن اللـي اجـازي العيـب بالعـيـب
واكـبـر مـثـل بــن الـزمـان مـتـلـوي=تضـيـع مابـيـن الـعــدو والاصـاحـيـب
كـنـت اتـحـرى طعنـتـي مــن عــدوي=لكـن جتنـي مـن ولــد عــم وقـريـب !!
مانـيـب قـايـل بعـدهـا ويــش اســوي=مشيتهـا مـن قـبـل تــدري الاجانـيـب !!
مـاهـو عـلـى شـانـه ولا هــو متـقـوي=كلـه علـى شــان اللـحـى والاشانـيـب !!
مـاقـولّـه يـافــلان عـكــرت جـــوي=لا والله يـبـشـر بـالـهـلا والـرتـاحـيـب
لـو كــان نجـمـه كــل ليـلـه يـضـوي=ياخـذ علـى جـو السـمـا ايــام ويغـيـب
الشـيـخ هــو الشـيـخ مهـمـا يـســوي=لابــد مانلـقـى بشخـصـه عـذاريــب !!

ياصاحبـي فـي صحبتـك كـنـت مبـخـوت=يـــومٍ عـلـومـك كـلـهـا مسـفـهـلـه
يومـي اجـي بيتـك واعقّـب لــي بـيـوت=وقــول يـفـدا بيـتـكـم الـــف فـلــه
سـوالـف كـانـت جـواهــر ويـاقــوت=والـيـوم اشـوفـك زدت بالـطـيـن بـلــه
ياليتـهـا كـانـت عـلـى لـعـب بـيـلـوت=وامـشـي الـمـوضـوع دقـــه وجـلــه
لـكـن هــذا غـيـر ... لايمـكـن تـفـوت=زلتـك هــذي غـيـر عــن كــل زلــه
راحــت سوالفـيـك سوالـيـف حتـحـوت=اثــر قليـبـك فـيـه يالـهـيـس غـلــه
كـلـه ولا المـطـران حــدّك ياهـلـفـوت=مـرضـى عـلـى ايّــة مطـيـري مـذلـه
مطـيـر عمّـانـك يـاهـافـي يـاسـربـوت=واصغـر مطيـري ماتـجـي ربــع ضـلـه
فعـل المطيـري بسـاحـة الـعـز مثـبـوت=وكــل العـلـوم الشامـخـه فــي سجـلـه
بعطـيـك نـبـذه واتـكـوّن مــن بـيــوت=وكـل الكـلام اللـي يـجـي فــي محـلـه
علـوى هــل الــردّات نطـاحـة الـمـوت=عـلـى الـعـدا مـثـل النـجـوم المطـلـه
والعبدلـي اسمـه عـلـى المـجـد منـحـوت=سـيـفٍ مـجّـرب يعـجـب الـلـي يسـلـه
وبريـه واحدهـم لـو انّــه فــي تـابـوت=لامــن نخيـتـه جــاك فـــزاع كـلــه
ثلاثـة اسمـا عــز مــن كــان مكـبـوت=رفيـقـنـا بـقــول الجـنـوبـي نـشـلـه
للـمـوت جـلابـه وللشـيـخـه بـشــوت=ولسّـلـم حـلالـه وعـلـى الـضـد عـلـه
ربعـي وافاخـر بصلهـم وارفـع الـصـوت=بالـمـنـتـدى والا بــوســط الـمـجـلـه
مــن دونـهـم اشــوّت المنبـقـط شــوت=واقـولّــه طـــس اذلـــف بـعـيـد يالله
اشــوش خلـقـه ماتـشـيّـش ابـريـمـوت=جـيـنـات تكـويـنـي مـــن الله جـبـلـه
وخلـك بديوانـك عـلـى الهـنـد والـكـوت=والطـيـب رجلـيـنـك حـشــا مـاتـدلـه
اقطـع السـانـك ثانـيـه مــرّه ياسـربـوت=لاجـبـت طــاري مطـيـر بـيـات زلــه

ياللـي شـريـت الــذود مـاهـي غريـبـه=مــدام تملـكـلـك رصـيــد ومـلايـيـن
بــس الغـريـبـه والـبــلا والمصـيـبـه=ماذقـت مـن عنـدك حلـيـب البعـاريـن !!
الدلبـحـي قــد قالـهـا مـــن عتـيـبـه=يــوم الاصـايــل يـدبـكـن المـيـاديـن
يــاعــل ذودٍ مايـجـيـنـي حـلـيـبــه=تقـفـي عـلـى تالـيـه خـيـل الديـاحـيـن
البـل لهـا فـي مـاضـي الـوقـت هيـبـه=يــوم القـبـايـل مـاتـعـرف القـوانـيـن
كــلٍ عليـهـا ويعـتـزي فــي صحيـبـه=لا شافـلـه نـــاسٍ علـيـهـا مغـيـريـن
مـن دونـهـا جــرد السـيـوف العطيـبـه=والـروس مجدوعـه مـن ايـسـار ويميـيـن
وانـتـه يــاراع الــذود طيبـتـك طيـبـه=وافـي ومـن ربـعٍ علـى الطـيـب وافـيـن
ايـــات شـــيٍ لابـغـيـتـه تـجـيـبـه=وتبقـى البـداوه مــن ورى عــام اللفـيـن
اخذتـهـا بـالـمـال مـاهــي غصـيـبـه=مرخصـت روحـك دونهـا يحـمـر العـيـن
مايـبـخـص الـمـجــروح الا طـبـيـبـه=وحنـا نعـرفـك مـنـت راعــي بعـاريـن
واذا شـريـت الــذود مـاهــي غـريـبـه=تـاجـر وتملكـلـك رصـيـد ومـلايـيـن !!

بينـي وبـيـن الشـعـر احـلـى المواعـيـد=جيـنـي الفـكـره واجـــي واقتطـفـهـا
اخــذت مــن جـمـل الشواعـيـر تأيـيـد=مــن دون تعرفـنـي وانـــا ماعـرفـهـا
الفـكـر مـدفــع والمـشـاعـر بـواريــد=ونــوادر الابـيــات اضـبــط هـدفـهـا
اقـولـهــا واردد الـبـيــت تــرديـــد=الشـعـر نغـمـه جـادهـا مــن عزفـهـا
ويـامـا حـلـى خــوة نشـامـى صنـاديـد=خـوة شــرف مـايـوم ينـقـص شرفـهـا
ابسطـهـم الـلـي سمعـتـه دايــم تـزيـد=ونفـسـه عــن الــزلات زايــد صلفـهـا
نـسـل الـرجـال الطيـبـيـن الامـاجـيـد=الـلـي مـعـادن طيبـهـا مــن سلـفـهـا
الاجـــودي ودك يـخــاوي اجــاويــد=ويمـسـك عـنـان المـرجـلـه ويعسـفـهـا
ابـرك مــن مـخـاوى سبـنـدي ورعـديـد=نــاسٍ خـسـاره لــو تـلـعـن جـدفـهـا
الضايـعـيـن السـاقـطـيـن الـمـقـاريـد=الـلـي تنـفّـش ريشـهـا فــي غـرفـهـا
والـلـي ينـشـدنـي يـحــب الانـاشـيـد=اقـولــه سـلــم المنـاعـيـر شـفـهــا
لابكّـر الوسـمـي وجــا حــزة الصـيـد=وقـفـت لواهـيـب الشـمـوس وقـرفـهـا
وجـاك المطـر والسـيـل فــوق الاخـاديـد=وتشـبّـعـت قيعـانـهـا مـــع جـرفـهـا
والعـشـب والـنـوّيـر متـسـيّـد الـبـيـد=والارض مـغــروره وزايـــد تـرفـهــا
شـرقٍ مـن الصمـان فـي نـقـرة الصـيـد=ورحـنـا انبـنّـي خيامـنـا فــي طرفـهـا
وطيـورنـا تشـلـع مــع الـجـو وتصـيـد=والـبــل تـلاقــي بالمـفـالـي علـفـهـا
والكبـش يصـلـخ بـيـن جــول المفـاريـد=والـنـار حـيّـه حــي منـهـو شعـفـهـا
كــلٍ يـأكـد هـبــة الـريــح تـاكـيـد=فـطـره مـــن الـرحـمـن مانحتـرفـهـا
وقمـنـا نسـولـف بالشـعـر والقـواصـيـد=هـــذا يسمـيـهـا والاخـــر وصـفـهـا
نسمـع ابـو مشـاري ونسمـع ابــو زيــد=وكــلٍ مــن الونـسـه غـتـرّه حـذفـهـا
ماهـي سـوالـف فــي نـجـاح المساعـيـد=اللـي علـى الشـاشـه تعضـعـض شففـهـا
جلـسـه معـاهـم كنـهـا لـيـلـة الـعـيـد=نــاسٍ عـلـى النـومـاس زايــد شغفـهـا
هـــذي الـحـيـاه ولاحـيــاة المنـاقـيـد=يـاحــظ مـنـهـو عـاشـهـا والتحـفـهـا
ويالـلـي تنـشـدنـي تـحــب المنـاشـيـد=جــرب حـيـاة الطـيـب ثــم تعـرفـهـا

المـوبـايـل دقـتــه دقـــه قـديـمــه=مـاتـســر امكـالـمـاتـه واتـصــالــه
دام مـابـه شــوف والـضـمـه حمـيـمـه=البـقـا فــي راس مضـمـون الـرسـالـه
لـلـوصـال نـقــول يـامــال الغنـيـمـه=وللـفـراق نـقــول الـفـيـن استـحـالـه
ومــل قـلـبٍ علـتـه داخــل صمـيـمـه=مـن عشـق والحـال مـاهـي بــي حـالـه
دايـــم دروبـــي عواقـبـهـا وخـيـمـه=ويــن ماوجـهـت حـظـي خــاب فـالـه
اتـذكـر مــن لـهــا قـــدرٍ وقـيـمـه=جــادلٍ فــي زينـهـا كــل الاصـالــه
بـنـت بــدوٍ فــي شراييـنـي مقـيـمـه=حـبـهـا حـــب وسلالـتـهـا سـلالــه
يــوم تقـبـل ذكرتـنـي فـــي حلـيـمـه=ويـوم قـفـت كنـهـا الـهـام الفضـالـه !!
ثغـرهـا لا مــن تبـسـم بــرق غـيـمـه=وجـمـرهـا لا سـولـفـت زاد اشتـعـالـه
ورمشـهـا يـذبــح وشامـتـهـا يتـيـمـه=ولا تـهـزع خصـرهـا بـلــوى لـحـالـه
مـن نظـرهـا راح يلـعـن فــي حريـمـه=كـنـهـا ســـوّت ســـوات البرتـقـالـه
لـوّهــا عـنــدي اسـويـلـي جـريـمـه=دام قلـبـي حـبـهـا والـخــوف شـالــه
مـيـر بـعـض البـعـد للعـاشـق غنيـمـه=لـو عـلـى كيـفـه يــزوّد فــي هبـالـه
مـتـرفـه وطعـونـهـا فـيـنـي الـيـمـه=وجرحـهـا الـذبــاح مـــادور بـدالــه
فـوق كــل الطـعـن وجـروحـي سليـمـه=والـكـلام المـنـعـوج مـالــي ومـالــه
والـعــذول الـلــي يـــدوّر للنمـيـمـه=لا حـكــى ودّك تــرصّــه بالـبـيـالـه
عـاشـق مـجـرم ولا حـــب الظلـيـمـه=كــود لامــن جــات بالـزيـن ودلالــه
وبنـت ابـوهـا فــي مواصلـهـا غشمـيـه=مـاهـي ابمثـلـي المـواصـل راس مـالـه
والمـوبـايـل احـسـبـه دقـــه قـديـمـه=وصـرت اشفـق فــي كـلامـه واتصـالـه
وصــار لاشـوفـه ولا ضـمّـه حمـيـمـه=يـذكــرج بالـخـيـر يـيّــام الـرسـالـه

ازعل على كل البشر الا انـت ماازعـل عليـك=حتّـى ولـو منـك الخطـا ماتنّسـى جمايلـك

فوق الخطا ياصاحبي مـن دون مااشعـر اجيـك=وجايب معي بوكيـه ورد استسمحـك واحايلـك

انا واحاسيس الهوى والشـوق يالمتـرف نبيـك=كلٍ يبي ايطولك وانـا غصـبٍ عليهـم طايلـك

اموت من دونك واذا شفتك اروح امـوت فيـك=ومابين جينـات الدمـا وعـروق قلبـي شايلـك

تكفـى طلبتـك خلنـي مابيـن جمـرة شفتيـك=واذا حرقتنـي شفتـك انفـض علـي جدايلـك

ومابين خصرك لا انثنى قدمي وسلهامـة عيينـك=تكفي عليّـه خصلتيـن اشـوف مـن خصايلـك

يـاذرب ياتكييـت ياجنتـل يامتميّـز ياشيـيـك=ياللي بنـات الهـاي هـاي ايقلـدوون استايلـك

ولا هلّت مـزون الحيـا والجـو غيّـم يامليـك=على مشارف قـوس قـزح اتخيلـك واخايلـك

من وين مالديت عينـي يالغضـي تنظـر اليـك=وحتـى تلفونـي مايستقبـل سـوى رسايـلـك

ايوّووه ياكل الغـلا اقسـم قسـم مالـك شريـك=نـام وتطمّـن والـولا لا تستشـك ولاي لــك

ياليت ربـي فـي غرامـي لـو دقيقـه يبتليـك=واعلمـك كيـف القسـا وفعـل مثـل فعايلـك

وسهّرك واتعّبـك وان رحـت ترفـع حاجبيـك=اقـول لـك طبـق الاصـل عمايلـي عمايلـك

ان جيتني مشكـور والرحمـن يرحـم والديـك=تعال في قلبـي ونـوّخ فـي الحشـا رحايلـك

ولا تعتذر وتقول لي مبطـي وانـا ادوّر عليـك=تلقـى رقـم موبايلـي موجـود فـي مبايـلـك

ارفـع تلفونـك ودق وقـول ياتـركـي ابـيـك=واقـول سكّـر ياحـلـو دقيقتـيـن وجايـلـك

واجيك وآمدّلك يدينـي وانتـه اتّمـد لـي يديـك=وتقعد تحايلني على اللـي صـار وانـا احايلـك