::|[ ديوان : الشآعره عابرة سبيــل ]|::

أنا عجوز مطلـــقة وام ورعـــــــان = وأيضاً مدام وبنت وآنس وعانـــس
أنا بدوية وعايشه عند حضـــــران= وبنت البحر أبـــوي زارع وغارس
أمية ماتعرف حروف وألــــــــــوان=وتلميذة دشت جميــــع المدارس
ضفره وخبله ، عاقله،في نقصان=شرود وأنطح لي ثمانيـــن فارس
خلونِي أعيش العبره دون عنـــوان= طــــــيف يمر بلا رقابـــــه وحارس

لا .. قال ردي لي ولا .. قال روحـي=لا .. هو مريحنـي ولاهوب مرتــاح
يغيب ويعود ويفتـق جروحي = واذا استجد الجرح لوح لي وراح
واضحك واجامل وادعي بالفروحي = وبداخلي نار .. وتجاريح وصياح
واحاول اخفي جروحي بروحي = واخيط جرح وتنفتق عدة اجراح
وان قربت دمعات عيني تفوحي=الله أكبــر ، صار لي قلب مزاح

باكر يجي ... يا شيب عيني من الويل= من عقب مـا سافـر سنيـنٍ مديـه
ش اقول له ... صاروا عيالي رجاجيل=ش اقول له ؟ ... ماني بعهده وفيه ؟
إن قلـت لـه إنـي تعذبـت بالحيـل= و إن قلت لـه أكبـر عيالـي سميـه
يبي يعذرني و يتـرك القـال والقيـل= و لا يجـي ويـا زمـانـي علـيـه
و ان جبت حظي و المقادير ... تعليل=. و اني ضعيف ... و رغبة الله قويـه
يبـي يصـدق كلمتـي دوم تحلـيـل=و لا يبـي ينسـف كلامـي عليـه ؟
ش اقول له ؟ ... ما ينفعن الاقاويـل= ما دمت مانـي فـي وعـودي وفيـه

جيتك من الفرحة على مهرة الشوق =تسبقني الخطوة على الدرب قدام
جيتك ولا ابالي ولو يطلع العوق= جيتك وأنا شوقي موزعني أقسام
لا .. لا تهمك ناس ماتعرف الذوق = يسرون تال الليل والصبح صيام
ياعم لامنطق ولافيه منطوق= بعها .. تراني بايعتها للإعدام
إخذ الرطب قول النخل يثمر عذوق = خيب رجا اللي يرتجونه من العام
واضرب على الكايد ان ماجات برفوق = مليت انا وياك من عد الأيام !!

لله ابــشــكــي (حــيــرتــي ) لله رب الـعـالـمــيــن= وامــد لــه كـفـي (دعـــا) يـــالله عـفــوك ياجليـــل
يامنتـهـى (الشـكـوى) إلـــه العـابـديـن الصابريــن=. يـالله (عونك فزعتـك) همـي عـلـى قلـبـي ثقيـــل
جتـنـي (رسـالـه) نصّـهـا ياعـابـره (حــزن وأنيــن)= مع(تجربه)مضمـونـهـا فـيــه الـنـتـايـج والحصيـــل
في شكلها الظاهر (غطا) وفالباطن المعنى الدفين=وفـي (حبرهـا) تلميـح لايمكـن يصـيـر المستحـيـل
وانــا حقيـقـه مـاعـرفـت شـلــون بـبــدى ياحـنـيـن= مــدري ابــديّ كلمـتـي أو الــزم الصـمـت الفضـيـل
لا جـيـت ابتكـلـم لقـيـت الـوضـع قـاسـي مايـليـن = وان جيـت ابسكـت مالقـيـت عــلاج للقـلـب العليــل
لاكـنّ (عزايـه) مامعـي سلطـه ولاعـنـدي ضميـــن= ولااقــدر امـيّـل مـاعـدل ولاقـــدر اعـــدّل مايميــل
مـاعـنـدي الاّ (كـلـمـة ٍ) فـيـهـا الـعــوارف خابريـــن= الـقــاع لاصــــارت دهــــر (يـابـدو)يـازيـن الرحيــــل
وخـلافـهـا (سـلامـتـج) والله عـلــى الـدنـيـا يـعـيـن=والـصـبـر عنـوانـه(فـرج) والـغـيـث لابـــده يسيــــل
ويامنـتـهـى الـشـكـوى إلـــه الصـابـريـن العـابـديـن= لاحـارت افكـاري تـرى مالـي ســواك انــت الدليــل

جاني يقول : اسمعي لابد نتباعد=.ياخوك ماعاد به حل يريدونه
حسيت باحساس ماحسه معي واحد=حسيت باحساس مدري كيف مضمونه
غربة سليمان وتلقائية مساعد=وصرخة سلامه .. ونايف صقر بجنونه
ياهمي اللي معايه قايم وقاعد =من وين مادرت وجهي قيل مديونه
لولاك ياحشمتي للوجه والساعد=يمديني من قو غيضي صرت ملعونه
أقدر أغني وأدق طبول وأواعد=لكني أرغب أقضي العمر مصيونه
أبسطها آخذ جوازي وأجحد الجاحد =وآخذ شليلي بفمي وأقول : لعيونه

يسألوني عابـره ويـن الجديد =والاجابـه ضايقـه فينـي ملل
راحت ايام السعـاده والقصيد= عشتهـا بيـن التكانـه والجهل
كنت اروض شارد الحرف العنيد= ماعسرني لو بغيته فـي عجل
فيه اصور لوعة الحـب الأكيد= ومنّه(اشكل) ماحوى قلبي غزل
ومعه (اسافر) عن معاناتي بعيد= ولأجل حبه ماشحنّي من زعل
احضنه (فرحة) طفل في يوم عيد = واسكنه (روض) الخزاما والنفل
واحتويته ليت لي (قلـب ٍ) بليد= ماعرف (فرق) الجزاله والهـزل
والنهايه مابقـى عنـدي جديد= واعذروني صارت ايامـي ملـل

ياخبلي الغايب ... متى ترد للعين =متـــى أشوفك أو تجيني رساله
صحيح بالدنيـــــا خبول كثيــــرين =لكن خبـــــالك ياحياتـــــي لحاله

**

ياناس .. وين " اسبنش " باباي=باعطيــــــــه خل نــــقل همي
حتـــى يـــصارع جميــع أعداي=وأول مايذبح ....... ولد عمي ..!!

**

دوم يعيرني يقول انتي متين =حلجك المفتوح لازم نغلقه
هيه يادبه لزوم تخففين =ولا أثور فيك عشرين فشقه
وفي رجيمي استمريت اسنتين = جدي اللي مات بغيت ألحقه
ويش رايك ..؟؟ قلتها بصوت حزين = قال دبه .. وانقلبتي سلقه

كل مااتصل فيك صبح وليل تشكي لي= من عوج الاوضاع والدنيا ومتاعبـــها
مليت يا صاحبي مابيك تحكي لي=هالأسطوانه أنا مليـت مطـــربها
حتى خيالك بتـال الليل ياتي لي=جروح وعيون معقوده حــواجبـها
عيشتني بعالم ماهو على جيلي= زهرة شبابي حرام انك تخربــها
ياما هجرتك ولا كملّت ترحيــلي= حبايب ما تــــعبر عن حبايبـــها
حبيبتك ما تحمــّل هالبـــهاذيلي=إضحك معاها ولاطفها ولاعبـــها
هيّا تغزل وغن وزيـــد تدليـــــلي= البنـــت يــــاحبها للي يداعبــــها
قلي وش رايك بفستاني ومنديلي؟= الوانهن تعجبك .. أو مانت راغبها؟
وقلي وش رايك بعقدي مع خلاخيلي؟= وشف قذلتي يوم قصينا ذوايبـها
وقلي وش رايك بأطباعي وأقاويلي= لاحظ عليها وغيّـرها وشطّبـــها
خل بيننا انقاش وعلوم وتعاليلي= وآمر على البنت وان حبيت طالبها
يامدمن الهم كافي دمع بالليلي= بكره تشبع من الدنيا ومصايبها
دنياك والله .. ماتسوى التزاعيلي= حتى ولاهيب كفو الي يعاتبها