::|[ ديوان : بركان الشوق : كاتم الونه ]|::

ولـو يــسير اطـويق ولا مـايسـير=ولـو جـبل سلمى يـجي بأم الـحمام
والحصى لو كان يتـحول عصــير=والقمروالشمس سوداء من الظلام
والتنــفس والهـوى كـــله زفـــير=وأكسـجين الـناس يـاسـاتر كـــــتام
ولوتـبطـبط الـنجوم لامـاسـتخـير=وفي الفضاء كل الكواكب بــأصتدام
وأرضنا من هول هاالمنظرتطــير=ثـم تفـتفت مــثل ريشـات النــــــعام
ويتبـخر كـل مــخلوقً يســـــــير=وكـل وأحــد ضـن لســاعه قــــــيام
عـن مصـايب ا الفلك به بستجير=ربـنا الـمـعبود واحـد ذوأنـتـقـــــــام
يــحفظ الــقـلب الـمولع لايطـــير=من غـلاكـم بـس مـافـيـهـا كـــــــلام

هـاض الغــرام وأستسعـرت نـار ألأشـواق
=وأشقتـني الـلــهـفه على شوف خـلـي

وخيم على حلقـي وعلى قلـبي أطـــواق
=وصــارت دمـوع العين غـصـبً تـهـلي

كـانـك هجرتيني علـى شــي!!مـــــالاق
=أسـتاهـل القـسوه وحــقي حصـل لي

وكانك هجرتيني علـى ســو .الأخــــلاق
=سلـي سهــام البـعد بــاالله سلــــــي

وكانك هجرتيني سبب هــرج بـــــواق
=فعـزالـله أنــــــي عـن كـلامـه أمتعلي

وكانك هجرتيني سبب قــل الأوفــــاق
=أرجي عسـى المـولـى يســخرك لـــلــي

وكانك هجرتيني سبب خـاطـرً مـــاق
=خـوفي مـن الـله قـبل ذبـحي وصلــــي

وكانك هجرتيني سبب خـاطـرً ضـاق
=وضـح لـي القـصه وقـل لـي أمتــغـلـي

وألـّـله لجـلب راحـتي وسط ألاسواق
=وأبيــع أنـا عيـوني وقلــبي وكـــــــــلي

وأرضيك انا وأرضيك من كل الاعماق
=وألــله لخـلي الهـم عـنّك يـولـــــــــــي

ورجـع البسمه علـى شفـاك برفــاق
=ضحكت عيونـك ياحـبيبي رضــىً لــــي

ماعـاد أسمع بغيبتك غير خفــــاق
=روحـك هـوى روحـي وجسمـك وطن لي

وألله زولــك ظـاهـرً وسـط الاوراق
=وقدام عينـي ودايـــــــــــمً أمـتجــــلي

صارت حياتي عقبكم نار وأحراق
=وأن مـت أنـا ياحـمود تـراها في حـــــلي

ياللي ذبحتيني عسى خاطرك راق
=كان الغلا باقي ف أرجوك قـــل لـــي

ومد لي يمناك قبل بحر الاغـــراق
=أن كان لك فينا نظر وأنتشلــــنـــــي

ياالله أنتقابل والهوى حضن وأعناق
=وأبــل أنـــا ريـقـــي وأنــتـي تبـلــــي

ونطفي النيران قبل وقت ألاشراق
=ونخـلـي البسمه علينـا تطـــــــلــــــي

فاق الغرام والشوق في خافقي فاق
=وأشقتـني اللهــفه على شوف خلـــــي

(ألفً) أولف من كـلام التوالـي
=جيلً ماعمره شاف ساعة زوالـي
ليتك يابومحسن تكـف السؤالـي
=حتى يخلص هرجنا با التفاصيـل
(الباء) بدينا با ألاتـاري القديمـه
=وقصه لوضحى ثم وافي وشيمـه
ماعمرها جابـت فؤايـد سليمـه
=ومسلسلاتً سمهـا بـا التماثيـل
(التاء)تلفـون العمومـي تعمـم
=زاد القطاعه من بغا الوصل كلـم
الطيّب اللي بـه تفضـل وسلـم
=بين النساء ولا بعد با الرجاجيـل
(الثاء) ثارت موضةً كلهـا عـج
=رجت بيوتً راكـده بالغثـا رج
الخادمات اللي بلن كل من سـج
=وربن لنا جيلً (وياهو) بعد جيـل
(الجيم)جانا بيجـرً كلـه أسـود
=مهما تحـاول تستريـح وتصـدد
حتى بنومـك يزعجـك لاتمـدد
=يحرمك من حتى الونس والتعاليل
(الحاء)حوالي ست وجانا رفيقـه
=جوال بعشر الاف من هويطيقـه
واليوم مجانـي وهـذه الحقيقـه
=ياحيف صرنا في عداد المهابيـل
(الخاء)خدمه بالرسايـل جميلـه
=ومن بعدها صارت رسايل طويله
وبالمرتبط كـلً يحـس أبفشيلـه
=وغيرت جوالي بشوف المراسيل
(الدال) دشً قام يجلـب فضايـح
=وهبت علينا منه أعفـن روايـح
يالعنبو جـده بوسطـه شرايـح
=تجيب نـاسً كالبهايـم مساطيـل
(الذال)ذبونـا بحفـره بهـا روث
=قالو تطوركـم أبـد بالبلوتـوث
من البدايه برجسًا جاب مغلـوث
=وهده على بنتً دموعـه تهاميـل
(الرا)راجت خدمةً جـت كثيـره
=با((النت)) وصلتنا بمده قصيـره
فيه العلـوم الطيبـه والخطيـره
=وهذي لها وقفه تريـد التحاليـل
(الزا)زمانً فيـه كـل العجايـب
=يجمع خليط الناس خايب وتايـب
هبت على أمـة محمـد هبايـب
=خذ أستلم جاتك هروجي بتفصيـل
(السين)سب الدين عيني وعينـك
=ياهيه وقـف مانبـي زود شينـك
ياويل ويلك سـدد اليـوم دينـك
=من قبل ماتقبض على كفر وتزيل
(الشين)شركً قام عنـدي يـروّج
=دوّج في بيـت الكـل دوّج ودوّج
ربي دخيلك أجعل اليوم مخّـرج
=ياحاميً بيتك من الكفـر والفيـل
(الصاد)صدر لي ولك كم بدعـه
=وفي كل مره زود النذل جرعـه
قصده يهد الدين همـه بسرعـه
=يـارب دمرهـم بطيـرً أبابيـل
(الضاد)ضئ الكون كلـه بدينـك
=أنت أخلص النيه وربـي يعينـك
لا تقلد الغربـي مرامـه يهينـك
=وليا تمكن قـام يبعـث بأناجيـل
(الطاء) طبينـا بكـل العلومـي
=من شربهم للشين حتى الهدومـي
ونسينا عاداتً وطيـب السلومـي
=من قصةً للشعر حتـى البناطيـل
(الظاد)ظهر شئً يهز العقل هـز
=((البالتوك))اللي به الشر قد نـز
فيه الخراب ويا الدشـاره تعـزز
=يا الله دخيلك لا تجينـا زلازيـل
(العين)عدوان البلد كلهـم صـف
=يتوحدون باللي به الدين قد خـف
ولا بعد من هـو تكبـر تعسـف
=صارو علينا هدمهـم كالمعاويـل
(الغين) غازي بالجـوار يتحيـن
=يبـي بـلادً شعبهـا قـد تديـن
مايدري الجنه لنـا بـس تزيـن
=حنا هل الضربات فحولً مشاكيل
(الفـا) فـرّض الله بثقـلً نئديـه
=والمال للمسكين ماعـاد نعطيـه
والبعض منا لربـا بـس يربيـه
=همه بها الدنياء زيادة محاصيـل
(القاف)قـرآنً جليـلً هجـرنـاه
=ياطيبنا في صومنـا لـو قرينـاه
وباقي السنـه والله والله نسينـاه
=حتى نسينا كيف نرتـل تراتيـل
(الكاف)كلب الروم أصبح يهـدد
=حاقد صليبي فيـه كـل التشـدْدْ
عـدْدْ خنازيـرك يابـوش عـدد
=تجيـك ثلـه عشقتـه بالمقابيـل
(اللام)لو حلت سويعـة رحيلـك
=ياقربها والموت والله يجـي لـك
روضه يصير القبـر ولا خليلـك
=ثعبان من زوله تشوف التهاويـل
(الميم)مالك غافـلً عـن الاهـي
=طاير بها الدنياء وسايح ولاهـي
أرفق على نفسك قبل هالدواهـي
=تسقيك من ماها ثلاثيـن برميـل
(النون)نار الآخـره مابهـا شـك
=والجنه مانملك لها غير هالصـك
رحمة رحيمً أطلبـه ثـم تمسـك
=بكثر التهجد والبكـاء والتذاليـل
(الـو) والله ماكتبـت الكلامـي
=الا لعـل ألله يرحـم عظـامـي
لعلهـا تكتـب وترفـع مقامـي
=ويجعل بها ربي من أمري تساهيل
(الها)هـاذي أعتبرهـا وصـيـه
=عليـك بالتوحيـد وسنـة نبيـه
وأبشـر بجنـاتً وروحً رضيـه
=جنه بها الخيرات وأنهارها تسيـل
(اللام) لاتفعل سوى شـئ تلقـاه
=والنفس لاتسرف على كل مشهـاه
ياسعّد من ياخـذ كتابـه بيمنـاه
=اللي حفظ نفسه عن القال والقيـل
(الياء)ياربـي أبختـم كـلامـي
=على نبيـاً زال كـل الظلامـي
عليه منـي كـل يـومً سلامـي
=أعداد حبات المطـر والغراميـل

أرحبي يابنت وهـزي بالجدايـل
=نشوة العاشق الى شاف العشيقـه
وأبعثي ربعك على كـل القبايـل
=والخليج كلً عطي حقـه فريجـه
وأرقصي في ليلنا حتى القوايـل
=وأحرقي كل الحزن بكبر حريقـه
جاء لنا قرمً تجمل بـا الخصايـل
=مشرفً يبدع وهو ماشي بطريقـه
راكبً من قافيه عذبـا الأصايـل
=في غيابك ياسعد ضقنـا حقيقـه
أرقصي يابنت وسوي هالهوايـل
=وأجعلي الدنياء تمثل با الحديقـه
أنتي للضامي تناعيـش السوايـل
=وأنتي للضايق تفاريـجً لضيقـه
وأنتي للولهان مايرضـى بدايـل
=وأنتي للضايق نعم أطيب شقيقـه
وأنتي اللي بدلت حالـت شمايـل
=واتركت فن الخطر واخلت طريقه
وأنتي اللي أسعدت رجلً يخايـل
=شاف غيمً أنعشـه لمعـة بريقـه
وأنتي اللي بشرت باالسيل سايـل
=وبا الربيع اليـا تنفسنـا رحيقـه
وأنتي اللي قربت كـل العوايـل
=فـي زواج ولا تفاصيـلً دقيقـه
وأنتي اللي أنعشت خضر الفنايل
=البلد ربـي يعـزه مـع فريقـه
وأنتي اللي فرّحت كاتم وصايـل
=بسّلامه يـوم رجـع أخ ورفيقـه
وأنتي اللي أسعدت نـاسً أوايـل
=من عصرأدم الى جت هالدقيقـه
أنتي (يالفرحه) قصدتك بالمثايـل
=أنتي يانسل الفرح بنـتً عريقـه
مرحباا من اليمن لجبـال حايـل
=ومن مصراليا الخبرهذه الحقيقـه
مرحباا مليار ياشهـم الخصايـل
=لـك معـزه عندنـا والله وثيقـه

ذنبـي أحـب اللــي علــى الدرب ويـــــــــاي=حـبً يخـالط كـــل قطــره بــدمي

أعمس لها عمس القهاوي مـع الشــــــاي=أقرب علي من شعر وجهي لفمي

تـعزف علـى قلبي علـى العـود والنـــــاي=ومثـل الكمانه هـي تحتاج ضمــي

سبــحه معـي دايـم علــى جــال مـخبـاي=فيها الخرز عنبر الى أحتاج شـمي

وهــي بـعـد قالـت أبـد أنـت دنــــــــياي=ولاغـبت يـاكــاتـم أنــا زاد همــــي

بشريني أن نجحتـي يالعنـود
=بشريني وأبشري باللـي تبيـن
حالفً لافرش لك الدنيـا ورود
=من مدارس البنات اليا البنبـن
جعل ربي ياسعد يفني اليهـود
=والذي أشرك معاهـم أجمعيـن
وللعنود أدعي لها وسط السجود
=جعلها يارب ظمـن الناجحيـن
لجل أشوفك منبسط ياأبن ألاسود
=بنبساطك ياسعد كل ش يزيـن
وبا ألاخوه مايفرقنـا الحسـود
=لو دخل مسنود ببليـس اللعيـن
مرحبا ترحيب يالشهم الـودود
=مرحبا مليون يابـن الطيبيـن

يقول اللي سهر ليله على لوعه يناجي الليـل
=يناجي الليل والأحزان يناجي كتـم عبراتـه
سرابي همي الموحش سرابي راكبً له خيل
=توحد بي على غفلـه يجرعنـي مراراتـه
تمكن بي صواب الزين وكمل مابقى بالحيل
=وصارالقلب تحت أمره ينفذ كـل قراراتـه
مطفف لاأخذ يوفي والى أعطى ماوفى بالكيل
=وأنا المجبور في حبه سلاحي بس مجاراتـه
عطيته في الفؤاد مطرح وقال الويل ثم الويل
=زززعل وجتاحني وقلبي تمكن من مطاراته
تدفق حبي الجارف كما وادي غشاه السيـل
=مطفف يوم أخذ قلبي قطـع حتـى زياراتـه
شكيت الهم في موقع قصيمي نت وشاله شيل
=كتمت الونه القشرى وهمـي شـن غاراتـه
عساه يدخل نجم غالي علينا مثل نجم سهيـل
=دخول أسهيل يزين الجو وتذهب كل حراراته

يامرحبـا ترحيبـةً كلهـا مسـك
=مسـكً فريـدً صافـيً بالبياضـي
ياالله ياللي منّزل النـاس والملـك
=تقبلنا يوم الدين راضي وراضـي
لجل المحبه صادقه مابهـا شـرك
=لله كانـت بالخطـوط العراضـي
مال المصالح في غلانا ولا سلـك
=ذيك المحبـه للقلـوب المراضـي
جتك المشاعر من بحر صافي أبفلك
=منته غريب (قريب) حاضر وماضي