قصيدة في من اعتق رقبة قاتل ابنه

القصة التي حدثت والتي يعرفها الجميع والتي بطلها
ابن دهيم العزيزي السبيعي تستحق اكثر من قصيدة وهي بعد ان عفا عن قاتل ابنه وهو ابن جاره
البالغ من العمر 14 سنة
والذي قتل ابنه والبالغ من العمر 12 سنة والتي نوه عنها في عدة صحف واستقبله الامير سلمان في قصر الامارة وشكره على هذه البادرة والتي تدل على معدن الرجل مع العلم ان فهيد بن دهيم تنازل عن قاتل ابنه بدون اي ضغط او جاهات بل اعتقه لوجه الله و حفظ لحقوق الجوار والتي مازلت ذات قيمة عند عرب الجزيرة العربية
اترككم مع القصيدة فيمن يستحق والحقيقة قلتها اعجاب بفعل هذا الشهم
والذي اعاد سيرة مفرج والمهادي والقصيدة تعبر عن نفسها

يارايح مني تبي الحاير اعصير=من فوق جيب وارداته اجدادي.
مقصدك ديرة مرهبين الطوابير=عزه هل العزه ليوث الطرادي .
ديرة هل العادات والسقم والخير= خير الرفيق وسقم عين المعادي
مني لهم طيبٍ وحشمه وتقدير=ارسلتها لاشك تمشي اعمادي.
وانقل سلامي للوجيه المسافير=اللابه الي عن شرفها تفادي.
سلامٍ احلا من حليب المصاغير=مرباعهن الصلب عقب البرادي.
يرعن في روض زهت بالنواوير=في جالها تلقا النفل والزبادي
واختص راعي الطيب زبن المناعير=الي نزل بالعز فوق الشدادي.
هذاك ولد ادهيم ريف المعاسير = من عاد فعل امفرجٍ والمهادي.
عزالله انه عادها طيب الصير=وانا نحسب السالفه ماتعادي.
العفو عند المقدره ياعرب غير=لاشك شيمة طيب المبادي.
مافكها من شان جاه ودنانير=يوم رقبة جاره لك الله تقادي.
يوم ان ابن جاره رمته المقادير=فكه لوجه الله رب العبادي.
ماطول الدعوى وجاب المعاذير=ولاردها للدفنسه والدوادي
هذا كلام الحق مافيه تزوير=تنشر له البيضا على كل بادي.
هذي فعول الغانمين المشاهير= نادى بذكره فالجموع المنادي.
وسط الجريده طلعو له تقارير=واخذ وسام الطيبه والسدادي .
من كف سلمان العرب راعي الخير= ابوفهد لاشك ماهوب عادي.
تفخر به الغلباء من السيف للنير= وارض الحجاز وكل شعبٍ ووادي.
ويفخر به الي وسط راسه سعاطير=الي يعد الحق وسط البلادي.
واختام هذي عد ماغرد الطير=صلوا على الي صار للحق هادي

الشاعر
عبدالعزيز بن سعود ال حمد العريني