((راعية الشمال))

دفعني الاعجاب واعقبت اتصالي بااتصال=والبنت من شدة خجلها تستحي من ظلها
وبعد اربعين محاولة ردت بصوت لايزال=يسكن شراييني ويطويها طوي ويفلها
قالت وش اللي عرفك فيني وانا صوب الشمال=وانته جنوبي لهجتك من سمعها يفطلها
يبدولي انك محترم رجل تقدرك الرجال=ربعك تفاخربك وعدوانك تموت بغلها
والهرج والازعاج من شخصك يثير الانفعال=ترا المشاكل فاالزمن هذا صعيب حلها
قلت الله انه يحفظك ويسلمك في كل حال=الرجل لامنه نواله حاجة ياصلها
الناس تنشد عن عزاز الناس مافيها جدال=والبدو لاذكرت لهم ديرة حيا ترحل لها
ذكر الحيا والطيبين يبين يابنت الحلال=وانتي علومك طيبة والطيب فيها كلها
طاريك يجذبني مثل برق الوسامي فاالخيال=وغلاك خيم فاالقلوب المغرمة واحتلها
مير اسمحيلي واعذريني ياغزيل ياغزال=ان كان ضيعت السوالف دقها مع جلها
ذالحين ماتلقين عندي لاجواب ولاسوال=تبا لها بعض الحروف اليا غدت تبا لها
عليك يدفعني غلا مدري وله مدري هبال=ياسل حالي كان ماتدرين بي ياسلها
قريت تاريخك من اول حرف حتى آخر مقال=والسيرة الحسنة تناسبلي وانا مااملها
انا اشهد انه مايجيبك لاجنيه ولاريال=الا الحظوظ الطيبة ياليتها لعلها
انتي تفوقتي بدل وعقل واخلاق وجمال=ومن كان هذي فيه نمسح دمعته لو هلها
وانتي من بيوت الشرف مابين عم وبين خال=اهل الفعايل والجمايل والوفاء طبع لها
وانتي عذاب لكل مزيونة بليل الاحتفال=احسن لها تقعد هناك ولاتقوم احسن لها
تبارك الرحمن مشاء الله لله الكمال=قلبي يميل مع الهنوف اللي حسين دلها
قال المثل مايورد العد الطويل بلا حبال=والمخطي اللي تقبل الدنيا ولايقبلها

الشاعر
محمد سعد القويماني
السبيعي

اقتباس   المشاركة الأصلية كتبت بواسطة عز الخوي صح لسانك يا أبو سعود ولسان الشاعر محمد القويماني قصيدة رائعة

الــلـــه عــلــى الإبــداع

صـــح لــســان الــقــويــمــانــي وصـــح لسانكـ أخـــوي عــبــد الــعــزيــز ال حــمــد

وســــلــمـــت يــمــنـــاكـ عـــلــى الإخــتـــيــار الــمــوفــق