::|[ ديوان الشاعــر الكبيــر / أحمد الناصر الشايع ]|::

سفره لعلها يا عزيز ما تعود=بين خزه والخناصر قعدنا ليلتين
موتر مشيه لك الله مثل(---) الذلول=دايم يرجع ورا يا معين الصابرين
ان بغى الجودا رد البنك رده لا يجوز=ان مشى ساعه وقف يا عزيز ساعتين
مع صلاب الحزم يمشي وكنه في نفود=جعلها الله للقرافه وحنا سالمين
البساتم والكرنكات جمله والعمود=جعلهن يخبطن من يسار ومن يمين
ثم اشوفه في عيوني مثل كنب الهنود=واقف تسفي عليه السوافي كل حين

الا ياللــه بنــو الخيـر لاتجـــزا حمــــام نـــــــاح=يزيــد الهــم بأصــواتــه وروحاته وجياتــه
يذكرني زمان قـد مضــى كلــه طــرب وأفــراح=زمـان العــام والا اليـوم لاوده ولا هاتـــه
والا والمزتــي للـي جـزت عينـه وسـده بـــاح=ولايبغى العرب يدورون باسراره وغاياتــه
ولا تقضــي هواجيسـه ولا يقعـــد ولا يرتـــــاح=تغير واشتغل فكره وهي ماهيب عاداته
على اللي تل فلبي من عروقه في يديه وراح=طلع درب مثل طلعة كرى صعبة ملفاتـه
توافـقنــا علـى بيـر طـويـل مثــل بيــر رمـــــاح=وانـا فيــه اتفـرج ليـن غلـق كل حاجاتـه
وانا عودت يم البير مثــــل اللي يويق وطـــــاح=تكســر به ثمـان ضلـوع وذراعـه وترقـاته
وربعـه مالقــوا حبــل طويــل ولابهــم سبــــاح=وهــو في قاعـة البيـر الطويل يجر وناته
لبو عين مثل عين الوحـش تذبـح بغيـر سـلاح=وخد وجيدفيها منوة العاشق ومشهاتـه
اهوجس فالنهار وفي ظلام الليل أصيح صياح=ولا ينـلام من ذاق الغـرام وذاق لذاتـــــه
فلا شك البــلا من دونهـا كسابـة الأمـــداح=قضبها في يدينه واحد قضب العمى لشاته
وغلق دونها باب الحديــد وكســر المفتـــــاح=وانا مقهــور من جـور الزمــان وحر لوعاتـه
جرحني صاحبي جرح عجــز بعلاجــه الجـراح=حسانيــه القديمة ماتكافـي ربـع سيـاتـه
هاك الحين والاوادم ماتشكك والقلوب اصحاح=وتال الوقـت كلٍ شــانت ظنونــه ونيـاتــه

أقبل الليل واكتف النهار واعذاب العيـون مـن السهـر=تنقص الحال والعلة تزيد مابعد صـاح صيـاح النبـات
كل مادار وقتي واستـدار عارضتـي صواديـف الدهـر=يفعل الله بخلقه ما يريد باصروني علـى عمـري فـوات
قاعدن بين نار وبين غار واسهر الليل من سابع شهـر=لو اضلوعي حيد من حديد كان ممـا جـرى متخالفـات
التفت من يميـن ويسـار ماعـن التـرف رداد الخبـر=كلما اصبحت لي صبحٍٍٍن جديد غابت الشمس والعلم الثبات
يوم أقول آه من غير اختيار ضوح خدّه مثل ضوح القمر=ثم عينه مثل عين الفريد مقدر انساه لـو قلبـي حصـاة
صرت في دار والغالي ابدار والدهر صار له بطن وظهر=والقريب اختلف قبل البعيد مقدر ارسل سـلام ولا صـلاة
اتقي بالصغار من الكبار والحذر مـا يفـك مـن القـدر=كان مار جاني العلم الوكيد عندي الموت أخير من الحيات
ان نخيت الرفيق ابدى العذار ما نفعني بحـزات الخطـر=واظهر العز قدام الضديد كـان مابـي جـروح كاميـات
افترقنا ولا ادري ويش صار حان دون الخبر منك البحر=كيف تدله وانا همي شديد يا غناتـي ولا غيـرك غنـاة
شين الانكار عقب القرار ليتنـي فيـك حققـت النظـر=اشهد ان التمني مايفيد ما احسب انك تسـوي هالسـواة

ياناس راعـي المحبـة لا تعذلونـه=ما هوب عن صاحبه داله ولا سالـي
لو يسهر الليـل كلـه لا تلومونـه=الحب بلوى مانيـب أول ولا تالـي
لي صاحبٍ ما قطعت الياس من دونه=لو غاب عني خياله بس يبرى لـي
الصاحب اللي سحر هاروت بعيونـه=ودي بشوفه ولكـن مـا تهيـا لـي
يا هايف الخصر عيني فيك مفتونـه=والبعد يا صاحبي ما يرخص الغالي
الروح يا صاحبي بحماك مرهونـه=عزّي لحالي عقب فرقى هوى بالـي
يا كود وصلك على مثلي ويا هونـه=إن كان حالك طواها اللي طوى حالي
عن غيرك القلب غسلتـه بصابونـه=والعين ماتلتفت في كـل الأزوالـي
ما يجرح القلب كود فراق مضنونـه=ابطيت ما أرسلت لي ياحوت مرسالي
أجر صوت جميع النـاس يوحونـه=وغديت مثل المصيح بالخلا الخالـي

نـهار ثالث عــقب عيــد رمضــــاني =ناس عطاها الله وناس محرومه
أحداٌ قضى عيده ســــلام وتهانــــي =وأحداٌ توصله الكواكـب همومــه
صادفت صدفه من صدوف الزماني=منها قوي الحيل تفتــر عـــزومه
هذا زمـــان الهـــــم والإمتحانـــــي =وقت على قلبي تعاقــب سهــومه
الاولــه كـــامل جميـــــع المعـــاني =مزبن المضيون شرع الخصومه
محمــد اللـــي فالقســـى والليــــاني =عقبه سمـايه غــــايبات نــــجومه
والثانيــه باقـــرب قريــب ودانـــي =خامــس عيالي يوم جتني علــومه
قـالوا مابين الخـــاصره وحلبــاني =ولدك مـات اللـي تـرجـى قـدومـه
جـاء يومه المـوعود باربـع ثواني =قـلت السـبب قـالوا دنا منه يـومه
عــلم عـلى الكبد الصخيفه كواني =كـية عطـب ما تنشكـى للحكومـه
تهشمت كـــل الضلوع المــحاني =مـفجوع والمـفجوع ماحداٌ يـلومه
أخذت لي ساعـه وأنـا في مكـاني=حسبت لي عشرين طيحة وقومه
ألـيا بغـيت الهـرج ييبـس لسانـي =والذاكره عـندي تـقول معـدومه
قــمت أتلــفـت وتسـمـع بـاذانـي =مـن شـاف حـالي ماتهنـا بـنومـه
مما بقـلبي رحـت باللـيـل عـاني =للـموتر اللي مابقى ألا رسـومــه
عـن روحـتي ياليت ربي نهـاني =ولا شفت دمه ساٌيـح في هـدومه
قـمت ودفنتـه والـله المـستعـاني =في خـرقة بيضا عـليه مـحـزومه
يـم الـقويـعيـه بـلاد قـحـطـانــي =والـحر غـير لون وجهي سمومه
وأقفيت من عنده وعشري ثماني =مـثل المـصبـح والبـلاد محكومـه
والله لـولا نـي وســيع البطانـي =لا صكها مثل أشقر الريش حومه
طاوعت نفسي مير عقلي قواني =عـن الخطا ما فيه نفس معصومة

الله اكبر ياحمام من صلاة العصر ناح =وانشغل قلبي معاه لاجزاه الله بخير
الله اكبر يوم ناض طار ورفرف بالجناح=ودي اتبع ساقة الراعبي وازريت اطير
ودي اتبع ساقته بالمقيل وبالمــــراح =شوف عيني بين هاك المباني يستدير
واهنيك بالمــسا ياحمام وبالصـــباح =كل يوم تشاهد الترف ملهوف الضمير
ياحمام الورق قل للغضي سيد المـــلاح=عن ذهابي قل لزين الوصايف يستخير
وصف خده بارق الوسم من منـــشاه لاح=يوم شعشع زاد نور البلد عقب الاخير
والعيون عيون خشف(ن)تربى بالبيـــاح=كل ما هبت نسيم الهبايب يستذير
يامريح القلب قلب المولع ما اتســتراح=تقل يجذب للهوى في سلوك من حرير
اتضيم واتهضم وانا مالي صـلاح =واتقلب طول ليلي مثل وصف الكسير
ياهلي لولا الهوى كان اطنب بالصياح =عقب فرقا الترف ماادري وش الدنيا تصير
كن بعيونه لراع الهوى زرق الرمــاح =هو خطر واللي تولع معه قلبه خطير

البـارحـه يــوم العـبـاد رقـــود = الـنـوم مايـطـري عـلـى بـالـي
مجروح روح وخاطري ملهود = يـانـاس خلـونـي عـلـى فـالـي
تبكي عيوني والدموع شهـود = أي والله أبكـي صاحـب غالـي
يـازيـن مـالـك بالـعـذاب فـــود = أرفـق بحالـي يــا بـعـد حـالـي
ودي بوصلـك يـا نعيـم الـعـود = ودي ولـكــن مـــا تـهـيـا لـــي
اللـي ذبحنـي بالعيـون السـود = من قبل اعرفة خاطري سالـي
تـرى المحبـة مـا بهـا منـقـود = والله فـلا اسمـع هـرج عـذالـي
يـاعـود ريـحـان عـلـيـه ورود = ومنيـن مـا هـب الهـوى مــال
هبـي بريحـه ياهـبـوب الـنـود = يطفـي بعـض همـي وغربالـي
الحـب يذبـح والشـقـا مـحـدود = ماهـى سواليـف علـى الخالـى
يا منوتـي يـا غايـة المقصـود = زولـك يـورى لـى ويـبـرا لــي

يالله الـطـف بـحـال العـاشـق الـلـي عيـونـه ماتـنـام اللـيـل = حاجتـه دونهـا المـوت الحمـر مـار قلبـه وش يـسـوي بــه
دونهـا اللـي حماهـم بالخطـر يحتمونـه فـي ظهـور الخـيـل = مـن قـردة نصيبـي ويــش ابــي بالـبـلاد الـلـي لـهـا هيـبـه
ابـعـدوا نــور عيـنـي وابعـدونـي قـهـر والله قــوي الـحـيـل = الـغـلا لاع قـلـبـي والهـواجـيـس تـقـبـل بـــه وتـقـفـي بـــه
لـيــت مـابــه غـــرام ولامـــودة وحـــبٍ مقـتـفـيـه الــويــل = مـــن تـولــع مـــع الأجـنــاب ماظـنـتـي تـكـمـل مطـالـيـبـه
صرت انـا والطـواري والهواجيـس تـال الليـل حـط وشيـل = صاحبـي غـاب عـن عينـي ولا ادري علامـه طـول الغيـبـه
امس شفت الوحش والتين فوق السحاب وحدر نجم سهيل = شهـد ان الصحيـح يشـاف واللـي يعـرف العلـم يــدري بــه
قـمـت اعـــدل وابـــدل مـــار مايـنـفـع التـعـديـل والتـبـديـل = راح قلـبـي مــع المحـبـوب بيديـنـه الثنـتـيـن يـومــي بـــه
جعـل دارٍ خــذت زيــن التواصـيـف عـنـا مايجيـهـا السـيـل = لـو بغيـت ارسـل المـرسـول مـاهـوب داري وش معازيـبـه
مـال وقـت الهـوى بأهـل الهـوى والغـرام الله يعـدل المـيـل = المحـبـه عــذاب القـلـب والـهـم يصـبـح بــه ويمـسـي بـــه
كـيـف ســت وثلاثـيـن اتعبتـنـي ومـيـة مــن مـعـه تحـلـيـل = لكـل الرابـح الـلـي مايـعـرف الـهـوى والـحـب يـوحـي بــه

يا بعد نوم الليل عن حجـر عينـي = صبر على ما صار من وال الأقـدار
صبرت صبر بـاح منـه الكنينـي = أضحك مع العالم وكني علـى نـار
ما غير أهوجس بين نفسي وبينـي = يعلم بها العلام فـي كـل الأسـرار
تقل اتحـرى لـي علـوم تجينـي = مع الطروش اللي يجيبون الأخبـار
فهمت رأس العلـم مـن كلمتينـي = من يوم قالوا جـا محمـد ونصـار
تكسّـرت عقبـه جرايـد يميـنـي = عز الله اني عقب ما صـار صبّـار
من عقبهـا ونيـت لـي ونتينـي = ونة غريب بالخـلا ضـاع واحتـار
لولا الله أبـرك ثـم قـوة يقينـي = لا طير مثل الطير من كـف صقـار
تخنقنـي العبـره وأفـرّك يدينـي = واحترت مثل مصالي النـار والغـار
علـم يخلـي كـل قاسـي يلينـي = كنه على قلبـي رصـاص أم كـرار
الـى ذكـرت عيالـه المصغرينـي = هــذا يعزيـهـم وهــذاك زوار
احد على جنبه واحـد لـه ونينـي = جتني هموم القلب من كـل الأقطـار
قلت اصبروا والله مـع الصابرينـي = الله يكافيكـم صواديـف الأشـرار
عسى عوضنـا الحـي بالميتينـي = ناصر ونايف ذخرا سـر واجهـار
وأحمد وعبـدالله ذرانـا الحصينـي = صغار سن وان بـدا الـلازم كبـار
يجبر عزاي اللي بخلقـه ضمينـي = محيي العروق الميته عقب الأمطـار
مالي عن المكتوب فـوق الجبينـي = لو رحت شرق وغرب ويمين ويسار
صليت نصف الليـل لـي ركعتينـي = أطلب لـه اللـي للخطيـات غفَّـار
خفف ذنوبه يـا أرحـم الراحمينـي = في ماقفٍ ما ينفعـن فيـه الأعـذار
جعلـه برضوانـك مـن الفايزينـي = بالماقف اللي بـه يضيعـن الافكـار
في ماقفٍ بـه كـل خافـي يبينـي = تمت وصلى الله على سيد الأبـرار