::|[ ديوان : سليمآن الهويدي ]|::

=وأن القمر غير النجوم اللي معه
= واعرف عفري الظبا من مدمعه
=الزين يوهبه الكريم ويمنعه
=اللذ من طش السحاب ابمنقعه
= أن قابلك تفرح متى الله يقلعه
=النفس به مجبورة ومولعه
=بيض تلالا حدر طرقة برقعه
=الله واكبر يا جماله ما اروعه
=زينه طبيعي ولا يستصنعه
=النور بطخمته وسلبه مفرعه
=مهو بعيد أن الجوازي تتبعه
= من يوم كلمته وانا قلبي معه

الله مـن دنـيـا لدنـيـا ارمتـنـي= دنيـا معاليـق الفـوؤاد ااحرقتـهـا
امشـي لهـا طـوع ولا طاوعتنـي= صبـرت مانـي عـارف شاخرتهـا
لا قلت ابرفع مستـواي اخفضتنـي= وليـا صفـت لـي ساعـة كدرتهـا
ودي اصارحـهـا ولا صارحتـنـى = الـم شوفـاتـي وهــي فرقتـهـا
من عقـب مانـي صامـد بهذلتنـي=وكـل الرمـوز الخافيـات اعرفتهـا
ياقـل حيـاتـي بـهـا وامحتـنـي = واعـذاري اللـي تنطـق شتتـهـا
ما هي بعيـد متنهـا حـول منتـي =لو نهتني باقصى حشـاي اسمعتهـا
تصيبنـي غـشـوات لا قابلتـنـي= وإن دنقـت بقذيلـتـن وافهقتـهـا
الله اكـبـر كـنـهـا مالكـتـنـي = تفـرنـي كـفـرهـا لمنظـرتـهـا
أو خاتـم فـي اصبعهـا لاعبتـنـي = أن مـت تتحمـل خطـاي ارقبتهـا
لا شتـد غيظـي يمهـا حايلتـنـي = وكـل الدمـوع الاولات امسحتـهـا
بلعـون فايقـة الجمـال اخلجتـنـي= واعمري اللي ضـاع علـى بختها

حظـي اللـي كـل ماقلـت اعـتـدل = فيـه كـبـوه مايبـشـر بالـفـلاح
كل ماحاولت انهض به فشل = مثل هرش ثاوي وسط الامراح
او كما ورع يخطى ماكمل = يقضبون ايديه وان هدوه طاح
والمعاذ الله عن فقد الامل = لو رسب نبي نتفاول بالنجاح
والقناعة كنز وافرللـرجال =ومن يطالع رزق غيره مااستراح
اطـرد الأوهـام عـنـك والكـسـل = واعـرف الدنيـا مـن أولهـا كفـاح
لا تقول بالأمس يضـرب بـي مثـل= انت ابـن اليـوم واللـي أمـس راح
لا تخطـي حرمـة النـاس وتزل= وكن على حقـك أحـد مـن السلاح
والمقـل يـذل لــو إنــه بـطـل=مايطيـر الطيـر إلا فــي جـنـاح
والدراهـم غطـت عيـوب الخـبـل= ارتفـع صيتـه وهـو مابـه صـلاح
زلتـه لـو انـهـا كـبـر الجـبـل =اشطبوهـا عنـه فـي كـل ارتيـاح
والرجال اللـي لهـم طيـب وفضـل = ذكرهـم مـن مجتمعنـا الـيـوم زاح
واضحـة بصماتهـم فـوق السجـل = يوم وقت السيـف الارخـم والرمـاح
جاهدوا لاجل الوطـن جيـش ورجـل=بساعة حرجه يصيـح بهـا الصيـاح
ذكرهـم قـام يتـلاشـى وارتـحـل= صـار ماضيـنـا ورا ذاك السـنـاح
ول يـا وقـت التعـاسـه والـدجـل = مايعيـش اللـي يتعامـل بالنـصـاح
جـاز لـلـي لا حـيـا ولا خـجـل= كـل شـي يستـوي عنـده مـبـاح
والتكبـر والغـرور مــن الجـهـل= وغيبة الغافل هـي المـوت الذحـاح
لا تعـرض نفسـك لـدرب الـوحـل =وكن حذر واحرص على الدرب السماح
واجتمـع بأهـل التراحـم والوصـل=حيـث رفقتهـم تزيـدك بانـشـراح
واستعيـن بخالقـك عــز وجــل=الله مايعطـي مـن ايديـن شـحـاح
ثم صلى الله علـى اللـي لـه نـزل=عظمـة الـقـرآن ودون بالصـفـاح

صاحبي لو طال وقتـى مـا نسيتـه =من يقول أنسى حبيـب مـا نسانـي
صار لي أكثر من شهر ما عاد جيته=والبطى والبعد ما مـن فيـه امانـى
ما هقيت انـا نتفـرق مـا هقيتـه= أولا هقيـت أنـه يغيرنـا الزمانـى
اتـذكـر سـاعـة فيـهـا لقيـتـه =وأتذكـر بـرد مـاه اللـى عطانـى
واتذكـر وقفتـي بشـبـاك بيـتـه = خاطرى ما طاب مـن ذاك المكانـى
عفت زين البيض جمله مـا بغيتـه=مـا بقلبـي غيـر ذاك المودمانـى
لـو يقربـه البكـاء والله بكيـتـه = من خبر حي بكـى لـه حـي ثانـى
ليـت كلمـة ليـت تنفعنـي ياليتـه = عاذلـى مـن أولـه ليتـه نهانـى
حملوني عـداى ذنـب مـا جنيتـه= وقولونـي قـول مـا قالـه لسانـى
والكـلام اللـي اموجهلـي نفيـتـه=ماعلينـا مـن فـلان ومـن فلانـى

عشقت القمر حيث القمر ينبعث به نور = واخص الليالي البيض تزهاه ويزهنه
واحب الهوى لاهب من خايع ممطور = وريح النفل حيث النفل طيب الخنه
واحب الجماله والجماله عمل مبروك = واحب الغناه وعز نفسي عن المنه
واحب الصراحه والصراحه بها مسرور = حيث الصراحه تقطع الشك والظنه
واحب الكريم اللي يفرج عن المعسور = اليا من عطى حتى اهله ما دروا عنه
احب الرجال العارفه واكره المغرور = من اغتر في بعض المظاهر يغرنه
سقا الله ليال ماضيه قبل هدم السور = نحفر العدود ونشرب الماء من الشنه
نشوف البنات اليا اوردن كنهم الحور = مهار مشاويلن بالاعياد معتنه
على الماء تشوف بيوتهم كنهن القور = كثير القبايل تقطن العد بالكنه
على البال ذكراها ياليت الليالي دور= ياليت الليالي ماخذنه يجيبنه
تذكرت شيبان لنا يوم حنا بزور = يحثوننا بالطيب والفرض والسنه
لوعاشوا حياة قاسيه في بحر وبرور = عسى الله يعوضهم بمافات بالجنه
لو دورن مضى من بينهم وين ذاك الدور = زمان مضى له ذكريات يحلنه
يوم الذهب مايلبسونه بدون خصور = جمال النسا ماهو من السوق يشرنه
فقدنا حياة البدو مع شوفة المظهور = ولا عاد به بدو ولا الطرش له حنه

=وامضاه في راس القلم يقبلونه
=ومصادره من كل شكلٍ نمونه
=لا غاب والدهم هم يمثلونه
=تلقى الحمام مبيضٍ في ركونه
=مفتوحٍ واجواد العرب يدلونه
=من جاء لهالديوان بيباشرونه
=ماطاب من ريضانها ينزلونه
=تطرب له الورقه وتزعج فنونه
=عزٍ لهم وهم يتفادون دونه
=من غر منها يا حياة المهونه
=وطّلابته راس الشهر يبلشونه
=يبون حاجتهم ولا يعذرونه
=الفقر شيبّه وشيب عيونه
=كنّه مصخن وهو مابه صخونه
=انك تقوم بعوننا ثم عونه

=اشغلتني ولا ادري وش بلاهـا تنوحـي
=لوهي تندب لهـا حـيٍ لـزومٍ بيوحـي
=قبل تظهـر مغاتيـرٍ بوجهـي تلوحـي
=احسبـن الليالـي الممتعـه ماتـروحـي
=سج عنها المقهوي فـوق جمـر تفوحـي
=وقام قلبي يهوجس بالهنـوفٍ الطموحـي
=حيث حبه مشاركنـي بعقلـي وروحـي
=جفله مع ضباب الصبح حس السروحـي
=خمرّن الحبـاري يـوم جتهـن تموحـي
=وان حكولي بغيرك ماني باسمع ولا اوحي

=فــــاقده من مـــــدة ايام ما جاني
=جعل سيد البيض ماهو بمرضاني
=خبروه انه بلا قلب خلاني
=لا تشاوي الجرح الاول ظهر ثاني
=شوف منهو حاكيله و زعلاني
=حاضرين للفتنة فلان وفلاني
=يدعون اصحاب لا شك عدواني

=العيد عيد الله وعيدي شوف دمث الشفاه
=كني خلوج بوها ما يندرى من خذاه
=اقضى مطاليبه وانا مطلبي ما قضاه
=قام يبتسم لي بلطف وطار قلبي معاه
=وباقي فليل الراس الاشقر ناسفه من وراه