|
|||||||
| خيمة الشعر والشعراء تم دمج قصائد الشعراء والقصائد المنقوله في هذا القسم |
 |
|
|
أدوات الموضوع |
|
#1
29-08-2006, 04:08 AM
|
|||
|
|||
مختارات من قصائد الشاعر الكبير / سويلم العلي السهلي رحمه الله
السلام عليكم ورحمة الله وبركاته ... بداية أستحسن أعطاء القارئ الكريم نبذة بسيطة عن سويلم العلي .... هو سويلم بن علي بن ناصر المنجلي السهلي رحمه الله.. وهو مشهور بـ ( سويلم العلي ) يقول سويلم : [poem=font="Simplified Arabic,4,,normal,normal" bkcolor="transparent" bkimage="" border="solid,5,black" type=2 line=0 align=center use=ex num="0,black"] انا من آلاد العقيلي منجلي= من السهول اللي تحل انشابها الجد ناصر والا أبوي اسمه علي= الرابعة لاضيعوها جابها أموج دلوي في القليب مع الدلي= وجيبها مثل الرجال وما بها ولد رحمه الله في بادية منطقة القصيم الشمالية وذلك عام 1334هـ ... عاش حياة بدوية صرفة.. ونظم الشعر وهو في سن مبكرة وذلك في الخامسة عشرة من عمره.. إنه شاعر بسيط كبساطة الحياة التي عاشها رحمه الله حيث كان يقول بنفس السهولة وعلى ماكان عليه من أصالة وعراقة.. طرق جميع جوانب الشعر وبحوره وأبدع وأجاد فيها ويعتبر من فحول الشعراء ومبدعيهم.. ساجل عدداً من فطاحل شعراء هذه الساحة ورغم هذا كله إلا أن شاعرنا ظل بعيداً عن الأضواء . برع في نظم الشعر العامي خلال قصائده من غزل وهجاء ووصف ومديح. فيما اشتهر ملفه الشعري على الكثير من قصائد «التوجد» وبرزت نجوميته في تنظيمها حتى أصبح ذلك الشعر لوناً خاصاً يرى فيه القارئ والمستمع والمتذوق والمتابع معاً صدق مشاعر وأحاسيس هذا الشاعر . وهذة بعض من قصائدة المشهورة . قصيدة سويلم العلي رحمه الله المعروفة ( الخلوج ) : [poem=font="Simplified Arabic,4,,normal,normal" bkcolor="transparent" bkimage="" border="solid,5,black" type=2 line=0 align=center use=ex num="0,black"] عديت لولاح رفيع الحجايا=في راس ملموم القرى قمت احني كني خلوجٍ يوم صفق الرعايا=تحن بالمفلى لما روحني على ولدها كيف سوت سوايا=طبايعٍ ماضنتي يعملني ساجت وراجت مالقت له حلايا=وخرشت ونشت والقوايم جثني وتصن مثل اللي وصى وصايا=تبي لعل سموعها يسمعني داجت وشافت بالنواظر هفايا=حوايم على مداسه هفني جتهن وشافت بس نثر الحوايا=جلده ومدراج الحمر يوم ثني شمت وعرفت من لحوم الشوايا=تاقت بطيحه والضلوع اعولني الدود من بين الضلوع الحنايا=قطع علايق قلبها واسرمني وجرحي غميق مثلها بالتهايا=عديت والمجمول عدوه عني لوا طعوني بالضماير هوايا=محذا عيون بالحشى يفرغني ياما عليك اشرفت حوض المنايا=ولاانت غافل تقل ماسلت عني طاوعت بي هرج القفى والحكايا=وتطريد هرج الناس كثره يعني لواهني من مز هاك الشفايا=من ذبلٍ كن العسل بينهني لا صدرت منها حيامي روايا=من البيض غيره جعلهن ييبسني هو لي نحيه والعرب له نحايا=ودون نحايا القلب مايرجهني ولاني بحال اللي جداه الزرايا=حباله عن اللي يشتهي يقصرني قصيدة غزلية جميلة جداً لسويلم العلي رحمه الله : [poem=font="Simplified Arabic,4,,normal,normal" bkcolor="transparent" bkimage="" border="solid,5,black" type=2 line=0 align=center use=ex num="0,black"] قال الذي في بدع الامثال ما تاه =ينقى غرايبها على كيف باله في راس رجمٍ يطوح عسر مرقاه =راعي الهوا المعتاد قبل يعنا له من ضيقةٍ بالصدر يوم اني ارقاه =غزير دمع العين لجت محاله باسباب غطروفٍ رهافٍ ثناياه =غضٍ غضيض وطاغيٍ في جماله طرد الهوا ما فيه منقود ندراه =من دور بشر ليا عزيز بن خاله بشرٍ من الزهاد وادنت مناياه=عزيز ذاق الموت باسباب خاله ولا ليم قبلي نمر عدت سواياه =وابن ربيعة يوم تذكر فعاله ومحمد القاضي ومحسن وشرواه =ومجنون ليلى يوم صلع هباله باسباب كفه زها نقش حناه =والخد براقٍ سدادٍ خياله أنا لك الله بالهوا ذقت ما جاه =باسبابها قلبي غثا البين شاله يا جذ قلبي جذ دلوٍ لمدلاه =غربٍ ثقيلٍ يوم تنهض رحاله على زعاعٍ يوم تارد وتملاه =وتقفي تموح ويلطم الغرب جاله توهفه شنذور حيفٍ بمطواه =بت الرشى والغرب عود لحاله ورقى رشاه وغربها عود لماه =فذ السريح وجذته بانتلاله على وليفٍ ما هقيت اني انساه =ولا هقيت القلب يقبل بداله ولا هقيت القلب يطرب بلاماه =رغمٍ طواه الياس واعزتاله وجدي عليها وجد من يبست شفاه =بلال ثيه مارده حضو باله تاه الطريق وحروة الجو ما جاه =عزاه ما حوله صديقٍ صخا له تالي كلامه قولته واحلالاه=يا ويل من فارق عياله وماله ما كامل الشهادة الامر لله =يمناه بالصفقة تعلت شماله على وليفٍ صار للنفس مشهاه=هو شف بالي قبل تعسر حباله ان كان هو مثلي فلا والله انساه =لو طالت ايام الدهر مع لياله وان كان هو مقفي فلانيب وياه =المقفي آقف عنه ماني بحاله واطلق رشا من صد عنّي بيمناه =لا خبّث المشروب حي حباله هذا كلام اللي بالامثال ماتاه =ينقى غرايبها على كيف باله وقصيدة سويلم رحمه الله الشهيرة اللي منها البيت الشهير : [poem=font="Simplified Arabic,4,,normal,normal" bkcolor="transparent" bkimage="" border="solid,5,black" type=2 line=0 align=center use=ex num="0,black"] علمي بهم بالصيف واليوم بالصيف=هذا شهرنا العام يالله اتكافي وأنا نقلتها من مقال للأعلامي والراوي المعروف : أبراهيم اليوسف بجريدة الجزيرة تاريخ : الجمعة 11 ,ذو الحجة 1420هـ العدد : 10032 [poem=font="Simplified Arabic,4,,normal,normal" bkcolor="transparent" bkimage="" border="solid,5,black" type=2 line=0 align=center use=ex num="0,black"] قفن بنا شيب الغوارب مزاليف=عن دار مجلي الثمان الرهافي قفوا عليهن يلعبون الغطاريف=وانا اتعجب كن ما بي اخلافي وانا خلافي لاجي بالسراجيف=باسباب مجمول تخلف اخلافي يامازما من دونهم من حجاريف=بيداء صحاصحيح شعاف ومهافي بيني وبينه يهرف الذيب ويقيف=ويزعج ثلاث اصوات عقب الهرافي من البعد بذنه سهال هفا هيف=حيفانة منها اصبح الذيب حافي علمي بهم بالصيف واليوم بالصيف=هذا شهرنا العام يالله اتكافي يالله اتكافي شين فرقا المواليف=ايضا دخيلك عن اسلوم متعافي متعافي ما ذكر خوف ولا خيف=دبوج مما تنقل الكرش وافي دبوج كنه ثور هور على السيف=هبره كثير وجوهر العقل طافي يبي الهوى لاشك ما فيه تصريف=باب الهوى من دون هن متجافي مغلق مجراه ما هوب تطريف=لاشك ذا ما هوب ينفاه نافي خيل يحسب الولف خرط وسواليف=وتلحلح ما بين سمر الغدافي هو مادرى انه يشعف القلب تشعيف=تشعيف خيل القوم حم الشعافي ما ولعنه ناقضات الاطاريف=نجل العيون مقر مزات الاشافي استفهمن يا لابسات المشانيف=قولن توذلف واعطاه الذلافي قولن تقلع لعنبوها الغضاريف=لا تستحن ياناضمات الرعافي ترى الحيا من جنس حر المشاريف=صيده سمان ولا يصيده الضعافي هذاك ابا قني له ولا بي تحاسيف=يستاهل الجود شجاع اسنافي عديت لولاح تعلا مياهيف=شوحات عسرات المراقي اطفافي مدهال طفقات الشروق المحاذيف=ولهن بلطفات المذاري مرافي ودليت اشيل الصوت في عالي القيف=والقيل يرجس بالفواد متلافي واهل دمع من نظيري ذواريف=تاليه غثرب واول الدمع صافي واقول : ويلاه ياخلي عديم التواصيف=عليه جرحي ما يرافيه رافي وحولت من راس النبا العالي معيف=ولا شفت في راس المهايف عوافي هذا كلامي حين قفن زواليف=عن دار مجلي الثمان الرهافي وقد سجلها بصوته بالاذاعة السعودية برنامج من البادية عام 1385هـ ثم اعيد تسجيلها في عام 1395هـ ثم طبعت في كتابه ( ديوان سويلم السهلي ) تأليف سعود سعد محمد القريني عام 1400هـ . أخيراً أتركم مع هذة القصيدة التي يذكر الراوي محمد الشرهان أن سويلم رحمه الله أرسلها لأحد اصدقائة وكان هذا الصديق ورث ثروه عن أبيه فـ أجتمع عندة الطامعين فأخذ يبذر ماعندة عليهم حتى لم يبقى عندة شيء . فـ كتب سويلم هذة القصيدة وأرسلها لة . ويبدء القصيده في وصف الأبل . وسويلم العلي السهلي رحمه الله من أفضل الشعراء الذين وصفوا الأبل . أتركم مع القصيدة : [poem=font="Simplified Arabic,4,,normal,normal" bkcolor="transparent" bkimage="" border="solid,5,black" type=2 line=0 align=center use=ex num="0,black"] ياهل النضا يامعتلين على أكوار=عراض الفقاير لينات المحاصير قطم الفخوذ متونهن سحم الأوبار=دغم الخشوم عيونها شعلت الكير فج المرافق ماتجي حول الأزوار=مشطرٍ كوعه عن الزور تشطير خضع أرقاب بشوبة القيظ عبار=احراب الأذاني مردفات المناعير عسالكم مع نية الخير مصدار=عوجوا ليا أرقاب النضا يامال الخير ريضوا وريّضوا النضا وأقم مقدار=ساعه لما أكتب حاجتي يامناعير فـ إلى كتبت بجيرة الله والأسرار= فـ أوموا عليهن في حنايا البواسير وخلوا ركايبكم مع الدو عبار=بالقيظ ممشاهن مع الفجر وعصير فـ إلى لفيتوا محرق البن بالنار=قرمٍ يحط الهيل وسط المباهير يفرح إلى منه نصا البيت خطار=وعند اللوازم مايهاب المخاسير ردوا سلامي عد هتاف الأمطار=أوعد بالأصياف عج المعاصير وقولوا يقول يبدل الدار في دار=ولايعتبر وش حالها حومة الطير يغير هوا بالريش ويدير الأفكار=والرزق بالأسباب كلش بتدبير ولاينتقض حبل الكدر كود بشرار=ولاتنحذي حذوه بليا مسامير ويفطن لأصابع كفه طوال وقصار=ماهن سوى لو كلهن بهن أضافير مثل اللحا تنبت على كل الأبشار=لاشك تنفيل اللحا مجنب الغير ياذيب خذ من عارفٍ عاف ماصار=شافه وقام يصخر القيل تصخير يقول في تالي الدهر شفت الأنكار=مجالسٍ لسو تنقل مزامير أول بداة الجار شرٍ على الجار=وعلى القريب يصور الكذب تصوير والثانيه ماشوفله للصخا كار=لا قل ماله جنبوه المساير لوكان بالماضي على الوقت صبار=يصبر ولو ضكت ضلاف المواخير إلى أزلفت دنياه خلي على الدار=وتنسى فعوله يوم تقليب هالخير غديت كني راعي الغار والنار = هذا زمانٍ فررٍ العقل تفرير معذرة على الأطالة ... وسلامتكم ... 
فيصل بن مطلق السهلي
|
|
#2
![[ Thanks Pink & Candy 3hood ]](images/Pink-Candy/Pi-Ca-89.gif)
29-08-2006, 12:29 PM
|
||||
|
||||
|
وعليكم السلام ورحمة الله وبركاته
رحم الله الشاعر وتسلم يمينك اخوي على هالمختارات بانتظار جديدك تحيتي وتقديري لك
|
|
#3
![[ Thanks Pink & Candy 3hood ]](images/Pink-Candy/Pi-Ca-9.gif)
29-08-2006, 05:13 PM
|
||||
|
||||
|
وعليكم السلام..
رحم الله الشاعر ... ابياته تدل على وسع خياله وحرفته في صياغه المفرده صح لسانه.. وتسلم يمناك اخوي ابو مطلق... ننتظر جديدك .. اخوك
يا واعـظ النـاس عمـا أنت فـاعلــه
يامـن يعـد علـيـه العـمـر بالنـفـس إحـفـظ لشـيبـك من عـيب يـدنسـه إن البـيـاض قليـل الحـمـل للدنـس كحــامل لثـيـاب النـاس يغســــلهـا وثـوبه غـارق في الرجـس والنـجس تبـغي النـجــاة ولم تسـلك طريقتهـا إن السـفيـنة لا تجـري على اليـبس ركـوبك النعـش ينسيـك الركوب على ماكنت تركـب من بغـل و من فـرس يـوم القـيــــامـة لا مــال ولا ولــــد وضـمة القـبر تنسـي ليـلة العـرس
|
|
#4
![[ Thanks Pink & Candy 3hood ]](images/Pink-Candy/Pi-Ca-45.gif)
29-08-2006, 07:51 PM
|
|||
|
|||
[poem=font="MS Sans Serif,6,red,bold,italic" bkcolor="transparent" bkimage="" border="none,4," type=1 line=0 align=center use=ex num="0,black"] أخوي طاب الكيف له والتعاليل=صدره وسيع ولاتجيه الهمومي لاوهنيه له شبوح ومراسيل= وأنا شبوحي ماتجيب العلومي
 .gif)
|
|
#5
![[ Thanks Pink & Candy 3hood ]](images/Pink-Candy/Pi-Ca-31.gif)
29-08-2006, 10:25 PM
|
||||
|
||||
|
فيصل مطلق
لاهنت على نقل هذه الروائع دمت بود --------------------------
|
|
#6
31-08-2006, 02:56 AM
|
|||||||||||||||||||||||
|
|||||||||||||||||||||||
الريم ... الله يسلمك ... ومشكورة على المرور المتميز ... الله يعطيك العافية ...
|
|
#7
15-09-2006, 06:17 PM
|
|||||||||||||||||||||||
|
|||||||||||||||||||||||
أخي العزيز هاوي قصيدة بعد التحية الله يسلمك ومعذرة على التأخير ومشكور على تواجدك الكبير
|
|
#8
15-09-2006, 06:20 PM
|
|||||||||||||||||||||||||
|
|||||||||||||||||||||||||
اخي العزيز الشاعر الكبير عايض الرشيدي بعد التحية شكراً لتواجدك الكبير ومعذرة على التأخر بالرد الله لايهينك
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | الأقسام الرئيسية | مشاركات | المشاركة الاخيرة |
| [] * [] 100 سنة ثابتة عن النبي صلى الله عليه وسلم ( الاحاديث صحيحة ) [] * [] | مهند الإسلام | الخيمة الاسلامية | 8 | 07-12-2007 06:30 PM |
| وترجل الفارس؟ | المعيــضي | خيمة الحوار العام | 3 | 23-04-2007 03:00 PM |
| ((#((^لا إله إلا الله *))#)) | العود الأزرق | الخيمة الاسلامية | 13 | 08-12-2006 06:04 PM |
| عمل لا ينقطع اجره عنك حتى بعد موتك ولا يأخذ من وقتك الا خمس دقائق بالكثير | فزاع | الخيمة الاسلامية | 8 | 03-12-2006 03:03 AM |
| :|:‘ مشـــــاري العفاسي في سطوووووور ‘:|: | العود الأزرق | خيمة التلاوات القرآنية | 4 | 04-09-2005 04:14 PM |
