شعر و ابيات و قصائد : مدح , غزليه , رثاء , حب , عتاب sher , alsh3r , Poems , قصيدة, قصائد, قصائد حب, قصائد عتاب, قصيدة مدح في الخوي, قصيدة مدح في رجل, قصيدة في مدح الرسول, قصيدة مدح في بنت, شاعر المليون, عشق, قصيده حزينه, شعر, رثاء, مدح, الرجال, صديق, الصديق, للبنات, قصائد, شارع المليون, عتاب

إضافة رد
 
أدوات الموضوع
  #1  
قديم 16-03-2007, 03:16 PM
عهود عهود غير متصل
المبدعه القادمه
 
تاريخ التسجيل: Feb 2006
الدولة: برجي العاجي
المشاركات: 394
عهود مميز
افتراضي جعلها تبطي الحرامــيه على ذمة حــرامي

السلام عليكم ورحمة الله


قرأت هذه القصيده واعجبتني لجزالتها


اترككم تشاركوني الاطلاع ..













شاعرٍ له مع هل الطــولات والعليا مقامــي
جاء يقول الصدق لو كان اعذب الشعراكذبه


في زمانٍ صار عذب الشعر من حشــو الكلامي
والقصـــايد روّحت عذراء ... ورجعت ثيّبه


يرتوي من جم ّ معناه المعاطـيش الحيامي
الشعر يكتبه ... مانتّف شعره بيكــتبه


يارجيلي .. عانش الله في غبوشش والجهامي
السنين عجـــاف .. والدنيا قفارٍ مجدبه


والله اني ماقدرت اصبر وانا مقهور كامي
من ورى صبري على ضيم السنين المتعبه


البلا اني كلّ ما دورت لإسم من الاسامي
طحت بإسمٍ ضايعٍ معناه .. وازريت اعربه


قمت اخايل بارقٍ ضوحه فتق صدر الظلامي
نوب يجـذبني سنا برقه وانا نوب اجذبه


بارقٍ خاين كذوبٍ .. ياعيوني ياالحــلامي
عادته يجهرش نوضــه.. لين تقذيش اشهبه


شرهتي .. ياكبرها.. يادرع جنبي ياحزامي
الهبــود الجرب ينشر في حما الذود جربه


واللحى يادرع جنبي ستر لوجيهٍ حشــامي
وانت تدري .. ماستر وجه الثعل .. غير ذنبه


ماعطيت اللاش وآخيه الثعل جلّ اهتمامي
خابرٍ بين الثعل واللاش وش وجه الشبه



وان تبي تعرف علامي يوم تنشد وش علامي
لدّ عينك يم نجم سهيل والشوف اندبه



فاطري تضلع .. وانا صدّرت جم العد ظامي
نذر ياعدٍّ يمنّ الماء لا امــوت ولا اشربه



ومن بنات الفكر في فكري ثمانٍ بالتمامي
سبع منهن طاهراتٍ .. مير وحده مذنبه



عـاربه .. يالعاربه ياللي عيـــونش ماتنامي
ماقذى عينش سوى سبّابة المســتعربه



جعلها تبطي الحرامــيه على ذمة حــرامي
الحنش يلقى الحنش .. والعقربه للعقربه



مادفن وسط الثرى راسه سوى ربدا النعامي
ومن عجز يآدبه ابيه .. يحصل اللي يادّبه


نذر وعلي اللزم والعــار .. وعلي الحرامي
لأظهره في نحر قـــوم ٍ للصعـــاب مزهّبه



ماوزنت مكحلّ العين الكسيره ياجرامي
باخصٍ راعي النحاس .. وخابرٍ ويش ذهبه



وباخصين فارس النسوان .. والحرّ القطامي !!
فارس ٍ .. مير المره تحلق شنبه وتنهبه



جاء بيجرحني وقفّى ماقدر يجرح صيامي
خابر ان اسهل خفافي .. واطيه خشم اصعبه



لا قسمت ولا ضربت حساب حوّاف النيامي
لا احسب الناتج .. ولانيب اقسمه ولا اضربه



ياحلالي .. والله ان تخسا يدين ابن الحرامي
ماتنوشش حدّ لي عرقٍ يدق النبض به



ووالله ان تبطين وانا اهيم في حبش هيامي
ويبطي اسمش نقش في قلبي ولا احدن يشطبه



سلهمي بأعذار عينش .. وادفنيني في ملامي
جعلها نذرٍ عليش سهول صدري واشعـــبه



واضحكي لي بالثمان .. وعقد لول ٍ بالنظامي
لين يبكيش ابعد عروق الدحيمي .. واقربه



فدوتش من تردف الغدفه على مثنى اللثامي
عذربيني .. منش ياحلو العذل والعــذربه



ارقــــدي ياسندريللا الغيم .. يابنت الغمامي
وجربيـــني مرةٍ .. واكبر دليل التجربه



وخاصميني واسرفي يازرع قلبي في خصامي
واندبيــــني .. يوم يتساوى قليله واغلبه



وابشريـبي ماكرٍ ماطاح بشْبكة الحمــامي
من حرار الطير لامن جاع شـــبع بمخلبه



ميل لاهبت هــبوب النود يا عود البشامي
ميل والعوشز عجبه .. او جعل عمره ماعجبه



(قزوعي .. يالقزوعي) ميّل على (خطوة تهامي)
ادقل ( المدقال) عرضه .. عقبها (اللعب) العبه



ماذخرتش يايميني في رجا طق الدمـامي
ولاني اللي هزّ حقــوه عقب .. ماطقّ رْقبه



مايذّمك يااللحى الاّ ضايعٍ وسط الزحامي
( أمّـعه ) والأمّـعه بالدرب سقه ودردبه



ماتهاون بالرجال .. الاّ مكيّسة الخمـامي
ولايشك الاّ ضعيفين النفوس المحنبه



ياااااااااا انما ..


نما ..


يانما .. ماكل من شل (ام خمس ) يصير رامي
كل وادي خـابرين ماه ... ونعْرف حطـبه



كل شارب له مقصّ .. وكلّ رامي له مرامي
وكلّ دار ٍ له رجاله .. والطرب للمطربـــه



يانما .. في ذمتي من لايضيم انه يضامي
ومن كبر راسه .. كبر صالبه .. وابطى يتعبه



يانما .. هرشك فطيحه لاكبر جاه السقامي
الجرب قبل يتعـــرّش غارب الهرش .. اكربه



والذلول اللي شحم وركيـنها كبر السنامي
اعرف ان السّن نابت في جماها .. وانتبه



قد هي توّرد وتصدر .. مايعقّلها الخطامي
والردي اللي زملها .. نوّخـته بتركـبه



وياعسى ليل الشتا يخطيش برده ياعظامي
وياذلولي .. درهمي مابين ( بيشه وتربه )



وياخوالي .. كل ماهتز القنا .. بانخى عمامي
مايقص الراس غير اللي بحكمه ركبّه



مانتخيت الا ( دحيم ) مخضبة حد الحسامي
لابةٍ لو هازاها جنّي ... تجن الجن به



لاوردنا .. مثل سيلٍ العرم جبنا الشرق شامي
وكل شيطانٍ تعــوّذ بالله نصـير سْـببه



الوفا مثل الدخيــل اللي زبن وجه الكرامي
طامنٍ في لحية النشمي .. ويطلع بشْنبه



ماشبعنا شبعة المعدوم باأيام الصرامي
لو مكالفنا تغني ( حبنّا ياجـــندبه )



والقليب اللي دحيم أهله ويشرب منه يامي
والله ان تسفح عجوزه دمعها من يقربه



وياسلام الله على دار الوفا واثني سلامي
من جنوبه .. للشمال .. لمشرقه .. ولمغربه






محمد الدحيمي

__________________
قصائد شعر
  #2  
قديم 16-03-2007, 11:29 PM
الصورة الرمزية نواف الناصر
نواف الناصر نواف الناصر غير متصل
الله يرحمك يابوي
 
تاريخ التسجيل: Mar 2006
الدولة: بقطرات المطر
المشاركات: 5,173
نواف الناصر مميز
افتراضي

كل شارب له مقصّ .. وكلّ رامي له مرامي
وكلّ دار ٍ له رجاله .. والطرب للمطربـــه

الله الله

صح لسان الشاعر الدحيمي ..

وصح لسانك اختي الكريمه عالاختيار

قصيده جميله ووافيه

نواف

__________________
قصائد شعر
  #3  
قديم 19-03-2007, 06:05 PM
عهود عهود غير متصل
المبدعه القادمه
 
تاريخ التسجيل: Feb 2006
الدولة: برجي العاجي
المشاركات: 394
عهود مميز
افتراضي

صح ابدنك نواف وشكرا لحضورك

تحيتي

__________________
قصائد شعر
  #4  
قديم 21-02-2018, 08:42 PM
الصورة الرمزية جبل أحد
جبل أحد جبل أحد غير متصل
من نجوم المنتدى
 
تاريخ التسجيل: Apr 2013
المشاركات: 572
جبل أحد محترفجبل أحد محترفجبل أحد محترفجبل أحد محترفجبل أحد محترف
افتراضي رد: جعلها تبطي الحرامــيه على ذمة حــرامي

كلام راقي
كلك رواقه

__________________
قصائد شعر
إضافة رد

الكلمات الدلالية (Tags)
, , , , ,
Latest Active Threads



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
في منتدى عالي وعالي وعالي.** الخيمة اللي جعلها دوم قدام كاتم الونة خيمة الألغاز الشعبية 9 11-11-2006 12:59 AM

 


 



الساعة الآن 08:08 AM.


Powered by vBulletin Version
Copyright ©2000 - 2018, Jelsoft Enterprises Ltd