خيمة المواضيع المكررهـ شعر - قصيدة - الصوتيات - اناشيد - شاعر - الشعر - برامج - شاعر المليون - ابيات ، تحميل

 
 
أدوات الموضوع
  #1  
قديم 16-02-2016, 07:10 PM
الصورة الرمزية Admin
Admin Admin غير متصل
ابــونـــواف
 
تاريخ التسجيل: Jun 2005
المشاركات: 1,507
Admin محترفAdmin محترفAdmin محترفAdmin محترفAdmin محترفAdmin محترفAdmin محترفAdmin محترفAdmin محترفAdmin محترفAdmin محترف
افتراضي قصيده عن التوبة

شعر و ابيات و قصيدة عن التوبة , عبارات عن التوبة والندم , اجمل ماقيل عن التوبة الى الله
عبارات مؤثرة عن التوبة , اشعار قصيرة عن التوبة , شعر عن الندم والتوبة, عبارات عن الندم والتوبة , كلمات عن التوبة , خواطر عن التوبة الى الله , قصائد عن التوبة عن الذنب ,


يالله وانا طالبك تغفـر لـي ذنوبـي يـا غفـور= ارجيك والجا لك وانـا سالـك واعيـد المسألـه
لوما تطهرنـي بعفـوك مـا تطهرنـي البحـور=جيتـك وذنبـي قـد تعـلاّ غاربـي يـا مثقلـه
أنا من الطين انخلقت , أخطـي ولانيـب معـذور=قامت علي الحجّـه بدعـوة رسلـك المرسلـه
مؤمن بتوراتـك و إنجيلـك و مؤمـن بالزبـور=و بسنّـة محمـد وآيـات الكـتـاب المنـزلـه
لكن خُدعت بزخـرف الدنيـا وزادتنـي غـرور=أبدت مفاتنهـا و ورتنـي مـن العمـر اجملـه
طبعاً بما إنـي بنـي آدم حصـل منّـي قصـور=واذنبت يـا مـولاي ذنـبٍ بالخفـا مـا تجهلـه
أسألك تغفر لي و تستر موقفـي يـوم النشـور=اليا القفت خلقـك صحايفهـا وهـي مستذهلـه
من يستلمها بالشمال افلس وهـو يدعـو ثبـور=ومن يستلمها باليميـن افلـح لخيـر المنزلـه
واسألك يا ربـي تعاونّـي علـى نيـل الأجـور=أحيا حيـاةٍ مكسبـي فيهـا مـن البـر افضلـه
واسألك جاهٍ مع هـل الدنيـا وحـظٍ مـا يبـور=أيضاً وعرفٍ مـع هـل الحكمـه ورزقٍ تكفلـه
من لا تهيّا لـه مقـامٍ مـع طويليـن الشبـور=يبكي على ما ضاع من عمره وخيبـات عملـه
وان شاب راسه لا ترجّى فيـه تجبيـر الكسـور=لا خير فـي تالـي زمـانٍ مـا تغانمـت اوّلـه
ومانيب ناسي قصةٍ صـارت وانـا ازورالقبـور=لازلـت افكـر فـي غرابتهـا وبالـي تشغلـه
ساعة ظهر لي شايبٍ له حول قرنيـن محجـور=في جوف قبرٍ عن هـل الدنيـا طـواه ويعزلـه
سلّم وجا صوبي يقول : ابنشـدك يللـي تـزور=عن حالة الدنيا وعن وضع الزمان وعـن هلـه
أنا مضى وقتي ومـرّت بـي طويـلات الدهـور=والباقـي بعمـري بعيشـه بينكـم واستكملـه
قلت : الزمان اللي يبارينا علـى خبـرك يـدور=الوقت نفسـه مـا تغيّـر ماشـيٍ فـي جدولـه
أما البشر , , , لا والله الاّ غير من حد الجـذور=صار انتقالٍ مـن يميـن الـى يسـار المنقلـه
استغرب الشايب من اللي قلـت وبليّـا شعـور=حط اليمين اعلىالشمال وخاطـره فيـه اسئلـه
قال : افتني عن حالة الشيبان والشيـخ الوقـور=أهل الخبر والراي والحكمـه وضـرب الأمثلـه
القدوه اصحاب الأمور اللي تطـاع بكـل شـور=اللـي يفضّـون النـزاع ويحكمـون المشكلـه
قلت : البعض منهم على ما قلت في وصفك وقور=قدوه ولكن رايهـم مـا ينفـرض فـي مسألـه
الطاعه العميـا بقـا منهـا مجاملـة الحضـور=اللـي تلاقيهـا مـع اوّل فـرصـةٍ متنصّـلـه
والبعض لا عبـدٍ يخـاف الله ولا عبـدٍ شكـور=لا زهّـده شيبـه مـن الدنيـا ولا هـو جمّلـه
بهيمةٍ يرجـع علـى منحـاه الاوّل ومحصـور=فـي لعـب بيلوتـه وريـح زقارتـه ومعسّلـه
والبعض الآخر شابت رموشه على درب الفجـور=ينقـل جـوازه للسفـر مـن مزبلـه لا مزبلـه
أشيمطٍ زانـي قضـا عمـره بحانـات الخمـور=والعايلـه ورعٍ يغـرّر بـه وبـنـت مهمّـلـه
قال : افتني عن حالة الخفـرات ربّـات الخـدور=اللي تصـان بـبيـت عايلهـا و بابـه تقفلـه
شيهانةٍ تشمخ عفاف وتصقـل فـروخ الصقـور=بين الفريق بـبشتهـا الضافـي وثـوبٍ تسبلـه
قلت : العـذارى فـي زمنّـا ببغـاوات الطيـور=تقليد هرج و عرض ريـشٍ خلفهـا تستخملـه
تلبس عباةٍ ضيّقـت حـول الردايـف والخصـور=فضيحةٍ تكشف جسدها مـن علـوّه لـاسفلـه
وموضة شيالٍ تكشف الوجنات والـوان الشعـور=والمحـرم تبـدّل بـجـوالٍ بيـدهـا تحمـلـه
لا فوّحت صفر الدلال ولا عرفت غـش القـدور=تطبـخ لـهـا خـدّامـةٍ بالعايـلـه متوكـلـه
الأم ما صانت عفاف البنت من عمـر الزهـور=والأب ديّـوثٍ تحكـمـه حـرمـةٍ مسترجـلـه
وشلـون يتربّـى عيـال ام التبـرّج والسفـور=الاّ خنـازيـرٍ دمـاهـا بــارده ومغـفّـلـه
قال : افتني بحال الشباب الصلب صيّـاد النمـور=الفـارس اللـي ينطـح خصومـه بزنـدٍ يفتلـه
الوافي الشهم الغيور اللي لعرض الجـار سـور=البار عند امّـه وابـوه وعلـم ربعـه يشغلـه
قلت : الشباب بوقتنا وجهه مثـل بـدر البـدور=والجسم من زود الرخا ما تنفتـل فيـه عضلـه
قصّـة شعـورٍ صيّرتهـم لا إنـاث ولا ذكـور=والثـوب راح ولا بقـى الاّ عـالـمٍ متبنطـلـه
ناسٍ ( فلنتينو ) وناسٍ تلبـس ( كرستانديـور )=صار التنافـس بينهـم فـي لبسهـم والجنتلـه
من كان يشرب من قرار البير مشروبه ( بيور )=والبل راعيها غدا يشـرب حليـب ( النستلـه )
مامنهم اللي قام دون اعـراض جيرانـه غيـور=من قام قالو , , وشـملقّف حضرته ؟ وشـدخّله
والوالدين حقوقهم ضاعت وعنهـم فـي نفـور=ان غـاب عنهـم لا تذكرهـم ولا جـاه الولـه
بدّا عليهم شلّـةٍ تهـوى الوطـا بيـن الجحـور=لو تعزله عنهم تبـي لـه شـان كنّـك تقتلـه
ما راح يوم يشارك ربوعه بحـزن ولا سـرور=حتى ابن عمّه يعرفه بالوجـه واسمـه يجهلـه
بدّل حكاه وضيّـع سلومـه وحالـه فـي دبـور=وان شاف ضيف يخش حتى انّه يفـارق منزلـه
ناظر لي الشايب بعينٍ تجمـع السبـع البحـور=يقول : انا لا يمكـن ادخـل مجتمعكـم واقبلـه
انتو لكم وقتٍ تصـدّع مـن بلاويـه الصخـور=ما يقعد الجمّال به ساعـه ولـو ضـاع جملـه

الشاعر المبدع / محمد بن فطيس المري

__________________
  #2  
قديم 16-02-2016, 07:15 PM
الصورة الرمزية Admin
Admin Admin غير متصل
ابــونـــواف
 
تاريخ التسجيل: Jun 2005
المشاركات: 1,507
Admin محترفAdmin محترفAdmin محترفAdmin محترفAdmin محترفAdmin محترفAdmin محترفAdmin محترفAdmin محترفAdmin محترفAdmin محترف
افتراضي رد: قصيده عن التوبة

قصيده للشاعر /محمد حمود بن مذكر العضياني وهي من اجمل ماقريت عن التوبه



برتاح وانسى الذكريات القديمه= واكذّب احلامي وانا في منامي
واصوم .. وامشي خطوتي مستقيمه=لله .. عل ّ الله يقبل صيامي
وينصرني الله عقب ذقت الهزيمه= السامي اللي معتلي كل سامي
ويعوض روحي يالجروح الاليمه= اللي وجعها في صميم العظامي
حالي تعب بالحيل وازداد ضيمه= غاد ٍ مثل عود ٍ من الوقت ظامي
عليّ ياربي ذنوب ٍ عظيمه =واطلبك عفوك ياعزيز المقامي
ياعمري اللي راح من غير قيمه=يالله عسى الغفران مسك الختامي
يوم الجهل ظلمي لنفسي ظليمه= اسج ّ واتبع بالحلال الحرامي
يلعبّي الشيطان لعب الوسيمه= يقودني قود الجمل بالخطامي
غافل واحسبنّ الليالي مقيمه= لين اوصلتني للخطا والملامي
ياربّ يامحيي العظام الرميمه= رحمتك في حال ٍ طواه الهيامي
اثر الجهل مثل ارتكاب الجريمه= والعلم مثل النور يجلا الظلامي

__________________
  #3  
قديم 16-02-2016, 07:17 PM
الصورة الرمزية Admin
Admin Admin غير متصل
ابــونـــواف
 
تاريخ التسجيل: Jun 2005
المشاركات: 1,507
Admin محترفAdmin محترفAdmin محترفAdmin محترفAdmin محترفAdmin محترفAdmin محترفAdmin محترفAdmin محترفAdmin محترفAdmin محترف
افتراضي رد: قصيده عن التوبة

قصيده التوبة لسعد علوش


من كل حرف, وكل شهـوة صبابـه...=ستغفر الله.. وإتعـوذ مـن أبليـس
أعوذ باللي آوى عبـد وسـرا بـه...=لاجي نهار الحشر خلف امرئ القيس
يـارب ,يـارب الكـرم والمهـابـه...=ياللي لـك أعـلام الأوادم مناكيـس
جردنـي مـن النايبـه والسبـابـه...=ولبسني من دروع هديـك متاريـس
تعبت مـن مسـك القلـم والكتابـه...=والشعر , وفتـن النسـا والأباليـس
والمدح في عـزوه وشيـخ وقرابـه...=واللأء ..لدعوات والرضيين والليس
والحب ,وماحولـه ومالـه ,وهابـه...=والدمـع لاهبـت علـى النسانيـس
والشـوق وغفـال العقـل وانغلابـه...=والليل وخطط الدهـا ..والجواسيـس
والشهرة..وحكـي العـرب واللبابـه...=وزملوق شـف ماتعسـه عواسيـس
وحصر اسمي فشاعر فساحه غرابـه...=شعارهـا فيهـم رخـوم وملاحيـس
وانـا العـطَـاش الأوادم ـسحـابـه...=ومن خلقني وماقد وطيـت ادنافيـس
تاكـي علـى إرث الاسـم بالنيابـه...=واقطف خلاصه ماغرسوه الغواريس
احسبنـي فايـز بالرضـا والذرابـه...=واثري مثل من يحصر النور في كيس
اقفـى مـن الله والام والرضـا بـه...=واروح ادور من ورى إبليس أحاسيس
أسهر علـى فـن الكلـم والخطابـه...=واصبح ولين اللي جمعتـه حماليـس
قلـبـي لـعـزاف الاوادم ربـابـه...=وراسي لخطوات الشطانه دواعيـس
تقودني نفسـي ولاأشعـر ولا آبـه...=مالت عليهـا عاصيـات الهواجيـس
ومن عنده إن كل الشعـور يتشابـه...=رؤس مع اللي في الدحادر مراويـس
الاثم ماحاكـه فـي خفـوق وخفابـه...=والخير ماشاعتـه روس النواميـس
كم شـي صـار وصارماينـدرى بـه...=وكـم نومـه ماكدرتهـا كوابـيـس
ترى مااحد له فـي رقبتـي طلابـه...=بس الصراحه من شـم الفواعيـس
والرجـل اذا مايعتبـر فـي شبابـه...=يعيب قبل يشيب ويشيـب ويخيـس
ياراجي اترجي اللي ماينصـك بابـه..=.لاتجي الوهبات من هيس ابن هيـس
استغـفـر الله واتتـقـى عـذابـه...=اللي فرقني عـن حيـاه المتاعيـس
من قبل لااعـرف الهـدى واعنابـه...=انـا همـي والحـزنface to face
والحيـن لله.. الفـضـل والانـابـه..=.متعافي ..ويمشي على زندي التيـس
هادي ..يشوشنـي طزيـز الذبابـه...=لاعـد الايـام الغيـبـه ولاأقـيـس
شريت عقلـي فـي سـؤال وإجابـه...=أنا أعبـدالله ..والااعبدالوساويـس؟
لـذه خفوقـي وانجلابـه ضبـابـه...=سجـدت ليـل ظالمينـه مناعـيـس
فاجـواء مكـه والحـرم والرحابـه...=لايابعـد رومـا ولنـدن وبـاريـس
هذي ديـار المصطفـى والصحابـه...= وهذيتك دار إبليس وعويـل إبليـس

__________________
  #4  
قديم 16-02-2016, 07:19 PM
الصورة الرمزية Admin
Admin Admin غير متصل
ابــونـــواف
 
تاريخ التسجيل: Jun 2005
المشاركات: 1,507
Admin محترفAdmin محترفAdmin محترفAdmin محترفAdmin محترفAdmin محترفAdmin محترفAdmin محترفAdmin محترفAdmin محترفAdmin محترف
افتراضي رد: قصيده عن التوبة

يالله تغفر ذنوبي وإقبل التوبه
عفوك لمٍا جا حسابي تلطف بحالي
ياللي جعلت الحياة أيام محسوبه
تجعل خواتيمها من خير الأعمالي
ياعاذليني عن المنهاج ودروبه
خلووني أسج وأمشي في الخلا الخالي
ارتاح لا جيت لي في راس مشذوبه
وأمد بعد النظر من مرقبن عالي
وإلا بوادن حيا مجراه وجنوبه
يجري به الما جديدن تو ماسالي
والا بروضن وسيع اخضرت أعشوبه
مدهال للذود منوّة كل وبّاالي
يازين شوف الخلا والنار مشبوبه
مع رجالن خواهم يشرح البالي
وياراكبن اللي يشوق العين مركوبه
جيبن من آخر موديل الوارد التالي
راعيه مايذخره لابان ماجوبه
ظرّاه قطع الخرايـم طيب الفالي
عليه ربعن بفعل الطيب موهوبه
كسّابتن للمراجل علمهم عالي
تجهّزوا للسفر واللي نقص جوبه
والراي مافيه خذّالن وعذّالي





كلمات : مانع اليامي

__________________
 

الكلمات الدلالية (Tags)
, , , , ,
Latest Active Threads



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

الانتقال السريع

 


 



الساعة الآن 10:34 PM.


Powered by vBulletin Version
Copyright ©2000 - 2018, Jelsoft Enterprises Ltd