سبحان من سوى الاوادم من الحور=انا اشهد ان الله هو اللي يسوي
زولٍ خلق من نور وبخدته نور=نورٍ من الخالق ماهو نور ضوي
ادعج غنج خده به الملح منثور=تقول بدرٍ بان بفتوق نوي
وعيون تذبح بالهوى كل منعور=سودٍ مضاليلٍ على القلب سوي
نيشانهن رمانة القلب ياسرور=وحرابهن من دم جوفي تروي
هو مسرفٍ فيه وانا فيه مجبور=حبه ملى قلبي وجوفي وجوي
من زود حبه كن كل البني عور=لاغاب عني قمت ادوج واهوي
ابوجديل اشقر على المتن منثور=واهني من بيديه فيه متلوي
ان كان شدو يم وسمية الثور=واحسرتي لاقالوا البيت طوي
وان مت من مركوز الانهاد معذور=اللي عليه هالزمان متكوي
ولو هو عطاني صاحبي كبر الاظفور=قلت الدواء منك وعلى الله بروي