الذود يا هذال يسخم حنينه
=مابين شبك و بين قصر و دماله
و ام الحوير عندي اليوم شينه
= رد الحوار و فك عنها الشماله
العين يوم تشوف ريمه حزينه
=يسرح بها قلبي و يضوي لحاله
و الفاطر العوجى عليها غبينه
=ان رجعت للحوش جبن ونذاله
سقها برفق و خلها في سكينه
=تمشي و يسقيها المطر من خياله
من حاجرن تنطحك ريحت غرينه
=شال العدف و الريح تطرق زلاله
ان عاش راسي يالخلا تاصلينه
=و تبدلين السر قفرن بداله
يازين شوف العشب الاخضر يا زينه
=قبل شهر شعبان ينقز هلاله
حوايج العطار بطراف لينه
= شمال اعويج و الخشيبي شماله
و الذ واطيب من عطور المدينه
=ما ساق فيها شاري العطر ماله
بالروض كني جالسن في سفينه
= ترقد مخازرة السلق في ظلاله