• ×

09:48 مساءً , الأربعاء 25 ربيع الأول 1439 / 13 ديسمبر 2017

يايمه منتهي جيتك

زيادة حجم الخط مسح إنقاص حجم الخط

قصيدة يايمه منتهي جيتك وطالب منك الغفران




يايمه منتهي جيتك وطالب منك الغفران
اقبل قاع اقدامك واغسلها بدمعاتي

يايمه كل مافيني يناديلك انا ندمان
طلبتك قولي سامحتك وردي لوجهي بسماتي

تشوفي الشيب يايمه ترى ماجاء وانا فرحان
وربي اللي رفع ذاتك ونزل للردى ذاتي

فقدت الراحه من بعدك فقدت الطيبه والتحنان
بدونك راحتي غايه بدينك هذي راحاتي

انا بعدك ولا حاجه انا بعدك ترى عميان
اشوف ولا اشوف اللي يوريني مساراتي

انا وسيد الشقى والهم من بعدك غدينا اخوان
يجيب هموم هالعالم ويرميها بمتاهاتي

صدقتي يوم قلتي لي تدين اليوم بس تندان
رميتك في بداياتي ورموني في نهاياتي

انا من شالك بأيده ورماك بأسفل البركان
نخيتيني وطلبتيني ولاحصلتي نخواتي

مثل ماهنتي بعيوني عليهم قلبي يمه هان
رموني بضعفهم فزعه وانا الدمعات فزعاتي

يايمه لاتظنيني انا من فعلهم زعلان
سواة فيني سويته وسووي فيني سواتي

يايمه يلا ضميني ودفيني بها الاحضان
انا ادري فيك مشتاقه وهمك بس ملاقاتي

يايمه حييل ضميني ابي ارتاح انا تعبان
تعبت اهرب من ذنوبي ابيك اخر مسافاتي

ابسمع منك أي كلمه لصوتك مسمعي ولهان
ابسمع يمه بصوتك بذكر فيها نشواتي

اشوفك ساكته يمه غفيتي والا انا غلطان
غفيتي يابعد عمري تعبت من مواساتي

يايمه يايمه طالبك قومي إذا لي بعيونك شان
اشوف الموت بعيونك عساها تغيب هقواتي

تعالوا يابشر شوفوا انا محتار انا تلفان
انا امي مدري وش فيها انا مدري انا حافي

شنو شنو امي انا ماتت لا لا لاترى غلطان
انا امي ماتخليني على حزني ووناتي

انا امي قلبها طيب ولا يمكن تبكي انسان
انا امي ماتبكيني ولا تتمنى آهاتي

يايمه صح مامتي وصح الموت تو ماحان
اذا متي انا بعدك بقضي وين ساعاتي

يايمه قومي يايمه وقولي الموت لا ماكان
انا جيتك وانا ناوي ببدي فيك جناتي

تركتيني ومتي ليه تركتيني وانا غرقان
ولا مسموح ياوليدي ولا تلعنك لعناتي

انا الجاني وانا المجني وانا المخطي وانا الندمان
وانا بأيدي رميتك اييه وبعثرته ملفاتي

وجيت من الهنا مفلس وقلبي من الضنى خسران
تركتيني على ناري اعدد فيك زلاتي

ولاني مرضي ربي ولاني تابع الشيطان
انا بعدك ترى مابين نهاياتي وبداياتي

يايمه منتهي جيتك وكلي مرتجي غفران
وشفت الناس تلعني وتحذرني من الآتي


للشاعر نصار الظفيري

بواسطة : admin
 0  0  217
التعليقات ( 0 )

Rss قاريء