• ×

09:47 مساءً , الأربعاء 25 ربيع الأول 1439 / 13 ديسمبر 2017

يمه عسا شرك يزول وتطيبين

زيادة حجم الخط مسح إنقاص حجم الخط

قصيدة يمه عسا شرك يزول وتطيبين





يمه عسا شرك يزول وتطيبين
تقضين عمرك في صلاة وعباده

وليا لفيتك زاير لي تقومين
تستقبليني في حنان وسعاده

يضمني صدرك وتدمع لك العين
يطيح فوق الكف يعلن وداده.

يمه فداك العمر وشبك تونين
يايوه عقبك عايشين بنكاده

يمه يتل الروح يوم انت تبكين
تل الطيور القنص لحظه هداده

يمه فداك الكون والناس تكفين
ماودي اسمع ماتحمل زياده

ردي علي يوه وشبك نسيتين
ردي علي ماعاد فيني جلاده.

ردي علي يوه او ماعرفتين
يمه ذبحني ضمتك للوسادة

يمه بدت بالصدر ثورة براكين
تفجرت الاحزان هم ولهاده..

ومن الحزن ذبلت تمور البساتين
ورد الهدا يايوه اعلن حداده

دكتور خذ قلبي وكبدي مع العين
عطها دفا عمر العمر هي مراده.

رمز الوفا والتضحية امي منين
القا الربع ربع الربع من جهاده

يا الله عسا يرد لها اول الدين
يفداه قلبي والجوارح قلاده.

يالله يامنزل تبارك وياسين
باسمك نطق عيسى وهو في مهاده

تشافي امي ام كل المساكين
اللي لها بالطيب طبع وعاده

بواسطة : admin
 0  0  187
التعليقات ( 0 )

Rss قاريء