• ×

09:48 مساءً , الأربعاء 25 ربيع الأول 1439 / 13 ديسمبر 2017

أمي لها بالقلب خير وفضايل

زيادة حجم الخط مسح إنقاص حجم الخط

قصيدة : أمي لها بالقلب خير وفضايل





يقول من غنى بزين المثايل
يبدع بيوتٍ وافياتٍ منقاه

دام الشعر بالراس والهم زايل
والعمر مقفي والليالي تقفاه

حيت يارسٍ على الكيف قايل
مثل سحاب الخير لاجا انتثر ماه

ماجيت في مدح ولاكذب شايل
ولاجيت في مدح الهنوف المسماه

أمي لها بالقلب خير وفضايل
تفرح بها الاشعار لاقلت يماه

يزهاك يابنت الوفا والاصايل.
يزهاك مدح الشعر اقصاه وادناه

بنت الرجال وبنت نعم الحمايل
بنت الوفا والعز والطيب والجاه

بنت الرجال امكملين الجمايل
اللي تعرف الخير والطيب ترقاه

ياما صبرتي بين ليل وقوايل
ياما سهرتي ابليل ياشين مسراه

فيك الصبر ميزه ونعم الخصايل
فيك الوفا والطيب حنّا ورثناه

نعم الايادي نعم بيض الفعايل
واللي يسوي خير لابد يلقاه

يفداك شرق الشام واهل القبايل
واللي ورا لبنان والكون وياه

بواسطة : admin
 0  0  223
التعليقات ( 0 )

Rss قاريء